Mark 3:10 - Hawa Naga Bible 2001

¹⁰ Miq paunghvlc muex vpiq rueq tvhvlc kuy ningkhvnc nuex, vthuiuz vsac miq htenc kuex vpiq gvnz nuex kvtungc lvp laz juing ngoz tueq, vpiq kox nuex kvtuiuz nyuip wvnc wuez tueq.

ASII LAKDAP Bible (BSI)

¹⁰ Apaiq raq maiq atsiti ka pahea tiihea kuqto. Krai mren, maiq atsiti thun pahea raq, apaiq khum na jaq maq shamtlo haijaq nguta, riithu riiliiq, apaiq phana wa riitsap khatto.

Muklom

¹⁰ Piq aa daqhan miqtang takasa taqhal kota, req thaji atak miqtang they Jesu hanphung o tatit ma tathum jangta.

Mark 3:10 Referencias Cruzadas

RAPHA HIQWA LAK 12:17

Yuq muinz hokhvmx waz rueq Sarai kuex lvmc lvy ningkhvnc nuex Yehowa rueq hokhvmx waz maq phaungc vtueq hoc wangx mungx nuex httax yaq miq htenc kuex vhiz juing vmac vtsac Yehowa rueq tvkaz tueq.

WEAWEA 11:33

Wupic ngvmx paunghvlc doc httax yaq baunglaung Yehowa kuex vthuinz khaq vtueq tsuingshiq nuex thuimkux tvhttuiuc kuq tueq.

Matthew 12:15

Kvkhoc dvnc yaq kuex Yesu rueq tuiuz vtueq, vganc nuex kvyenc woz wvnc tueq; miq paunghvlc rueq vpiq yix phvnx naungx wuez tueq. Vpiq rueq vthuiuz vsac jix lotlaz kuex tvhvlc kuq tueq.

Matthew 14:14

Yesu kuex lix wawc dung kaz koq tueq, miq vkung vdaungx kuex khiz vtueq, tsuingshiq thuinz vmungx muex menjenc ningkhvnc nuex vthuiuz vsac jix htenc kuex tvhvlc kuq tueq.

Matthew 14:36

Kvruex kaq vthuiuz vsac jix htenc rueq vpiq khvy nac nuex tuingc lvp tvkoc vkhangx thoz tueq; kvkhoc kvtuingc lvp jix htenc muinz hvlx wvnc wuez tueq.

Matthew 4:23

Yesu kuex Galile mungx tvroz tumz nuex khuemx vtueq, vjux thoz juing baung htenc kvyuq tvluing kuq ruiux, Raungx Mungtan lvmx Thuix Thaungx Vhvlx lvmx kuex jungphvnx kuq vtueq, mungx miqsaz vthuiuz vsac phvnx ruip saz nuiyc vmac vtsac phvnx ruip saz kuex tvhvlc kuq tueq.

Mark 5:34

Kvkaq Yesu rueq, “Isaz yalxjuik saz lex, mnoz kvmluimx thuinz maq mnoz hvlx kaz toq. Gvnhttuingc maq waung wvnc kuiuz, mnoz vthuiuz vsac sawc ruiyruiyc mhvlc kaz kueq,” ngoz kuq tueq.

Mark 6:56

Kvdvyx muinz rvmuq, kumc vkez maq ngoz ruiux muinz, miqghaq maq ngoz ruiux muinz, ghaq sawc htungx maq ngoz ruiux muinz, vpiq httuiuc yaq htenc kvyuq httax yaq vthuiuz vsac jix htenc kuex tumphic lvmx phaungx htenc maq bvmc laz vtueq, vpiq khvynac nuex yuq muinz kvthoay lvp laz juing ngoz tueq thoz wuez tueq; vpiq nuex kvhtuinc shec yaq htenc muinz hvlx wvnc wuez tueq.

Mark 8:22

Tsuinghez kuex Betsaida nuex httuiuc kaz tueq, muik mawz washiz kuex miq vbez rueq Yesu kox nuex shvlx wvnc vtueq, piq muik nuex tuingc kuq ruiux tvhvlc kuy tvkoc thoz tueq.

Luke 5:3

Yesu kuex Simon limungx kvyuq duiz waung vtueq taungkawx httoarc wawc yuix mungx nuex phuinshiz saz tvhttot tvkoc jungx tueq. Yesu kuex limungx nuex ngaungc vtueq nuk miqsaz htenc kvmac tvluing kuq tueq.

Luke 6:19

Nuk miqsaz htenc kuex vpiq gvnz nuex kvtuingc lvp tvkoc hunglaungx wuez tueq, yvmx khoc lac ngoz ruiux lec vpiq gvnz wawc luimc vkawc kvmaq lotlaz muex tvhvlc kuq yaq.

Luke 7:2

Kvruex ghaqyungx nuex httax yaq Roma nolaungx yungx washiz nuex piq rueq lungwawc yaq nvrc waz washiz vhttax rvtueq; kvruex waz kuex vthuiuz thueyc khvmkhvmz shex rvtueq.

Luke 7:21

Kvruex baunglaung Yesu rueq miq vthuiuz vsac htenc muinz tvhvlc kuq tueq, htaungc htenc muinz yurc gay ruiux muik mawz jix kuex muik tvkalc kuq tueq.

Acts 5:15

Kvkhoc rvtueq nuk miqsaz htenc rueq vthuiuz vsac jix htenc kuex shvlx laq wuez tueq, Peter lvy wvnc ruiux yuq piq yac kawx raungbuingc kvruex maq hvlc kay tvkoc vthuiuz vsac jix kuex wuinz lvmx nuex khvy tul dvmsez rulc roc nuex taq kaz tueq.

Hebrews 12:6

Yvmx khoc lac ngoz ruiux lec Taungjix vpiq rueq lungwawx yaq miq ruip rawx muex tvtharc kuq ruiux, vsaz muex tvyaungc vtueq lvp wvnc jix htenc muex murx tvgurc kuq yaq rvtueq,” ngoz tueq nuimshiq kuex vsahez muex tvyaungc vtueq honc jungphvnx kuq shec tueq kuex nuimshiq rueq lauk gay wuez tuit shex haz?