Matthew 4:23 - ASII LAKDAP Bible (BSI)

²³ Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Hawa Naga Bible 2001

²³ Yesu kuex Galile mungx tvroz tumz nuex khuemx vtueq, vjux thoz juing baung htenc kvyuq tvluing kuq ruiux, Raungx Mungtan lvmx Thuix Thaungx Vhvlx lvmx kuex jungphvnx kuq vtueq, mungx miqsaz vthuiuz vsac phvnx ruip saz nuiyc vmac vtsac phvnx ruip saz kuex tvhvlc kuq tueq.

Muklom

²³ Jesu Galilee mung thaji na qhing eq, Synagogue na tatalta etho Shkewa mungtan tungtang aqhal phanchan ta etho uphan phan tak asa tang tha taqhal ta.

Matthew 4:23 Referencias Cruzadas

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

Tvtsvmc 74:8

Tsangshiq raq naishiq ka tiithumpak shiithenbaiq danto; tsangshiq raq na mung wa asii hiqba thun wiita wa maq chaqbaiqto.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 12:9

Jesuq ka kriiba maq tiido wan raüta sinagok ashi niishe wawanto.

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Matthew 13:54

Raüta apaiq sichang Najareth chela niishe wawanto. Kiimaq apaiq raq kiijaq sinagok na tra hokuq wanto. Kiimaq apaiq traho bomchong taiwanti thun tarü ka kai amao riito. Kriikha maq tsangshiq raq, “Apaiq raq atin khan anyan phaqchi arka jambawo saptsin wan ta nya?” nguta tsangshiq liipan na riibomto. “Kiimaq apaiq raq atin khan awang chang jaqshamtlaq arka jamkho shamtla nya?

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 9:35

Jesuq ka chela rap nai hiqshong rap thun na kunkun khum wanto. Raüta, sinagok thun na kiraüta, Ramungtan Tsütsa Ahea kra chongkuq wanto. Kiimaq phanrap phanrii thuptsi thatsi raq chamchao tlaqti thun kra wiita chhintsii kuq wanto.

Mark 1:14

Johan ka phaqtek na ashaq wi niishe, Jesuq ka Gelili wang na wa raüta, Shiikeawe Tsütsa Ahea ka akha chongkuqto,

Mark 1:21

Jesuq nai ajaqshisetiim ka Kaparniam chela na wato. Kiimaq tlothit li, jai wa Asii Niitiitsak ranaiq na, Jesuq ka sinagok na kito. Raüta tra hokuqto.

Mark 1:39

Krai mren, apaiq ka Gelili wang hamli na khum raüta, sinagok thun na tsütsa ahea kra chongkuqto. Kiimaq tha ka maiq khum wa jobaiqto.

Mark 3:10

Apaiq raq maiq atsiti ka pahea tiihea kuqto. Krai mren, maiq atsiti thun pahea raq, apaiq khum na jaq maq shamtlo haijaq nguta, riithu riiliiq, apaiq phana wa riitsap khatto.

Mark 6:2

Apaiq raq Asii Niitiitsak ranaiq na, sinagok maq traho bom chongkuqto. Kiijaq nokmaiqse ka pahea asi riito. Kiimaq tsangshiq tarü raq, apaiq traho bom chongke kra tai raüta kai amao riito. Raüta, tsangshiq liipan na, “Riita apaiq raq ara atinkhan phaqchi pinja ara jambawo saptsin wanta nya? Apaiq ma atinkhan taksma tsantsii arka juro shrinkuq wanta nya? Apaiq raq atinkhan awang chang jaqsham kaiwa arka jamkho shamtla nya?

Mark 6:6

Nokwe raq apaiq ma kam mak kra chhi raüta, apaiq ka kai amao riito. Kiimahali, Jesuq ka kra binjü tro na, maiq hiqshong sitlaq thun kiina wato. Raüta, tsangshiq ma trahokuqto.

Luke 10:9

Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq.

Luke 13:10

Asii Niitiitsak ranaiq shi akhing na, Jesuq ka sinagok na traho bom chongke rea riito.

Luke 16:16

“Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

Luke 20:1

Ranaiqshi Jesuq ka Shomjam na nokwe ma, Tsütsa Ahea shrinke rea nai traho bom chongke rea riito. Kra akhing na, ramwe jongbi nai Thungtri shrinketibi thun ka welabi rai adam na ri raüta, Jesuq phana wato.

Luke 4:14

Kra akhing na, Jesuq ka Gelili hong na jang wan nongto. Kiimaq apaiq khum na Asii Wenyi ningkun ka ama riito. Apaiq tsütsa ka, kra binjü tlotli niishe nyam wanto.

Luke 5:17

Ranaiqshi akhing na, Jesuq ka traho bom chongke rea riito. Kiijaq maiq wiijamti Phorisinok nai Thungtri shrinketibi min asi riito. Tsangshiq ka Gelili wang chelatek wa kiimaq Judia wang wa, kiimaq Jerusalem wa awarai riito. Maiq atsi asiti kra tiiheake miitu, Tatiwe ningkun ka Jesuq khum na asho awo asi riito.

Luke 6:17

Jesuq ka hiqlam maq, akiimwetiim rai satki raüta, hiq thung ba na, ajaqshisetiim pahea rai chapto. Maiq mungnyung mungse, Judia wang tlotli wa, kiimaq Jerusalem wa, kiimaq Tajar nai Sidon hong na khamjong kii na atei chela thun wa awa rai thun ka kiijaq thungto.

Luke 6:6

Jangshi Asii Niitiitsak ranaiq akhing na hali, Jesuq ka sinagok na waraüta trahoto. Kiijaq maiq weshi, ajaq jaqtsi nüti ka ama arki we min nga raü asi riito.

Luke 7:21

Kra akhing bala, Jesuq raq maiq atsi asiti ka pahea tiihea kuqto. Apaiq raq, maiq ka thup atha raq arom wan wa kiimaq maiq achuk amiiti thun pahea kra tiihea kuqto.

Luke 7:22

Kiijiishe, apaiq raq Johan tsasoqtiwe nai kiima bom ka akha chongkuq raütiishe tiiwato, “Namnai ka Johan phana jang wan nong ronglaq. Lanta, namnai mak maq jamlai phan jaqsham kaiwa wa chhitai lan kra thun ka, apaiq ma chong wan ronglaq: makchukti riimin chhi nong tlo she; hokküti kiimin akhum she riinong tlo; thabi tsi chamchao rai tliiti thun kiimin wiita tiisii hekuq wan tlo she; ni biiti riimin maiq bom tai tlo she; maiq ka amaa wiimin tiijang wan nongtlo she; kiimaq Tsütsa Ahea kra miitsan maiqse ma chongkuq wantlo.

Luke 8:1

Kra jai maq heashi siraüta, Jesuq ka khumshkhum maq, chela thun nai hiqshong thun kiina wawanto. Raüta, Shiikeawe Mungtan Tsütsa Ahea kra chongkuq wanto. Apaiq rai ajaqshisetiim roqshi ri anai kiimin wadamto.

Luke 9:11

Nokmaiqse phong raq, apaiq ka saü wato nguta tai raüta, tsangshiq raq apaiq jai ka phan wanto. Apaiq raq tsangshiq ka aheawiq maq taoto. Raüta, tsangshiq ma Shiikeawe Mungtan tsütsa kra chongkuqto. Kiimaq atsiti thun kra tiihea kuqto.

Luke 9:60

Kiijiishe, Jesuq raq, “Ama ka wenyi na amati raq milap laq. Ümniika asak rilung lapro tlaü jiila, i jai phan laq. Laüta, Shiikeawe Mungtan tsütsa kra, maiqse angu ma chongkuq laq,” nguta treto.

John 18:20

Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.

John 6:59

Jesuq raq arthun traho bomtsi chongkuq wantaq arka, Kaparniam sinagok maq, trahoke lam maq chongkuqto.

John 7:1

Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 20:25

“Ngi raq khumshkhum maq, namshiq wiitarü ma, Shiikeawe Mungtan tsütsa kra chong kuq kang she. Riita ümchaü sanha, namshiq phong wa jurmin, i sham ka chhi nong man she mirhan nguta ngi raq asapha.

Acts 28:31

Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.