Matthew 4:23 - Hawa Naga Bible 2001

²³ Yesu kuex Galile mungx tvroz tumz nuex khuemx vtueq, vjux thoz juing baung htenc kvyuq tvluing kuq ruiux, Raungx Mungtan lvmx Thuix Thaungx Vhvlx lvmx kuex jungphvnx kuq vtueq, mungx miqsaz vthuiuz vsac phvnx ruip saz nuiyc vmac vtsac phvnx ruip saz kuex tvhvlc kuq tueq.

ASII LAKDAP Bible (BSI)

²³ Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Muklom

²³ Jesu Galilee mung thaji na qhing eq, Synagogue na tatalta etho Shkewa mungtan tungtang aqhal phanchan ta etho uphan phan tak asa tang tha taqhal ta.

Matthew 4:23 Referencias Cruzadas

Tvtsvmc 103:3

Vpiq rueq ngvy mvrax htenc lotlaz kuex dawc kuq gay ruiux ngvy thuiuz vsac htenc muinz tvhvlc kuq phuex.

Tvtsvmc 74:8

Tsuingshiq rueq nuiyshiq kuex tvsawc ric rop gay roc yaq; kvruex ghaq kvyuq httax yaq vsawc baung htenc kuex tsuingshiq rueq wvr maq jauk gay shec tueq.

Matthew 11:5

Muik mawz jix htenc rueq khiz lvp wvnc tueq; hukkuix jix htenc khuemx shamx lot yaq; vshungx jix htenc sawc wvnc tueq; nabawx jix htenc rueq tay lot wvnc tueq; vthueyc jix htenc tvyuing tvtenc wvnc rvhumc tueq, htemc saz jix tvkoc Thuix Thaungx Vhvlx jungphvnx kuq yaq.

Matthew 12:9

Yesu kuex kvruex wawc kvtenc waung wvnc vtueq vjux thoz juing baung shiz nuex nyuip wvnc tueq,

Matthew 13:19

Lvmx nuex vdvy vlix kuex raungx Mungtan lvmx bomjungc tay wvnc ruiux muinz, tuiuz tay muq jix rulc rv-ngvlc yaq. Honc vbac waz httuiuc kaz vtueq tsuingshiq nuex vwuinc vlix kuex lvmz gay tueq.

Matthew 13:54

vpiq miqmac ghaq nuex httuiuc waung tueq. Vpiq rueq vjux thoz juing baung nuex jungphvnx tvluing kuq koq tueq, miq htenc kuex pinhtumc kawc yawc wuez vtueq, “Vruex waz kuex vkhoc taksux tharc nuiyc vwangc juing romzyac htenc kuex yvmx wawc vlvp lac rvtvnx?

Matthew 14:14

Yesu kuex lix wawc dung kaz koq tueq, miq vkung vdaungx kuex khiz vtueq, tsuingshiq thuinz vmungx muex menjenc ningkhvnc nuex vthuiuz vsac jix htenc kuex tvhvlc kuq tueq.

Matthew 24:14

Mungtan nuex seng vtueq Thuix Thaungx Vhvlx lvmx kuex mungkawx lotlaz nuex httaz jix miqphvnx ruip rawx muex hakhix m-yaungx kueq, mungkawx lotlaz nuex jungphvnx kuq lvp shuex, kvruex yimaq kuex vtvsuip shex httuiuc wvnc tuex.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 9:35

Yesu kuex miqghaq yungx htenc nuiyc kez htenc lotlaz nuex kvroz khuemx tueq. Yuda miqsaz vjux thoz juing baung htenc nuex tvluing kuq ruiux, raungx Mungtan lvmx Thuix Thaungx Vhvlx kuex tvluing kuq vtueq, vmac vtsac vthuiuz vsac phvnx ruip saz htenc kuex tvhvlc kuq tueq.

Mark 1:14

Yohan kuex khoktep nuex shauk gay tueq yix maq, Yesu kuex Galile mungx tvroz nuex kaz vtueq, Tishox kox wawc Thuix Thaungx Vhvlx kuex jungphvnx tueq.

Mark 1:21

Yesu nuiyc vpiq sangac bix kuex Kapernaum ghaq nuex kaz wvnc tueq, Vguilc Raungnuiyq httuiuc koq tueq vpiq kuex vjux thoz juing baung nuex kaz vtueq tvluing kuq kaz tueq.

Mark 1:39

Kvmaq hulawx Galile tvroz lotlaz nuex vjux thoz juing baung htenc nuex vpiq rueq jungphvnx kuq kaz vtueq htaungc htenc yurc gay tueq.

Mark 3:10

Miq paunghvlc muex vpiq rueq tvhvlc kuy ningkhvnc nuex, vthuiuz vsac miq htenc kuex vpiq gvnz nuex kvtungc lvp laz juing ngoz tueq, vpiq kox nuex kvtuiuz nyuip wvnc wuez tueq.

Mark 6:2

Vguilc Raungnuiyq nuex vjux thoz juing baung nuex tvluing phaungc wvnc tueq. Kvyuq miq paunghvlc vhttax rvtueq, vpiq rueq tvluing yaq kuex tay jix miq paunghvlc kuex vwangc rvwuez tueq. “Vruex phaqjic kuex yvmx wawc lac lvp tvnx? Vpiq rueq lvp tueq taksux tharc kuex yvmx phvnx phaqjic lac rvtvnx? Vpiq rueq vwangc juing htenc kuex yvmx khoc lac ruez lot yaq nguinx nyix?

Mark 6:6

Kvruex miq htenc nuex kvmluimx thuinz vguez ningkhvnc nuex vpiq pinhtumc wangc tueq. Kvruex yimaq tvroz wawc miqghaq htenc kvyuq vpiq kvroz khuemx vtueq miq htenc muex tvluing kuq tueq.

Luke 10:9

Kvruex ghaqyungx wawc vthuiuz vsac jix htenc muinz tvhvlc kuq ruiux, ‘Tishox Mungtan kuex nuimshiq hep nuex httuiuc wvnc yaq,’ ngoz tueq jungx kuq shuinz.

Luke 13:10

Vguilc Raungnuiyq nuex vjux thoz yuimx vshiz nuex Yesu rueq tvluing kuq tueq.

Luke 16:16

“Moshe Tvrac nuiyc shvmmax bix rueq vwuiyq luik htenc kuex Yuix Luip Yohan pat nuex httuiuc phaungx ngaungx wvnc tueq; Kvruex yimaq kuex Tishox Mungtan nuex seng yaq Thuix Thaungx Vhvlx htenc kuex jungphvnx wvnc koq tueq, miq ruip rawx kuex mungtan nuex rvsherc rv-phuk nyuip wvnc wuez tueq.

Luke 20:1

Raungnuiyq shiz Yesu kuex Shomc Yuimx maq miq htenc muex tvluing kuq ruiux Thuix Thaungx Vhvlx jungphvnx yaq nuex, shomc walaungx bix, Tvrac tvluingc waz hez nuiyc walaungx bix htenc kuex vpiq kox nuex kaz vtueq,

Luke 4:14

Kvruex yimaq Yesu kuex Vsawc Siyac hungc vlaungc vmvrx maq Galile mungx nuex yek waung tueq. Vpiq thaungc kuex baung ruip saz nuex nyvmc wvnc tueq.

Luke 5:17

Raungnuiyq shiz Yesu rueq tvluing kuq yaq nuex Galile mungx tvroz nuiyc Yuda mungx hong ghaq ruip saz wawc muinz Yerusalem ghaq maq vkaz Pharise nuk nuiyc Tvrac tvluingc waz hez htenc kuex vpiq hep nuex ngaungc kaz tueq. Vthuiuz vsac jix tvhvlc kuy tvkoc Taungjix luimc vkawc kuex Yesu htauk nuex httax tueq.

Luke 6:17

Yesu kuex kamx waz hez rulc roc nuex kanx maq svt kaz vtueq ghaq htungx nuex httuiuc kaz tueq, kvruex yuq vpiq sangac bix phungc shiz kvdvyx muinz rvmuq, Yuda mungx nuiyc Yerusalem ghaq wawc muinz, svmuktvrax yuix kawx wawc Tire nuiyc Sidon wawc vkaz miq muinz paunghvlc vhttax rvtueq.

Luke 6:6

Vguilc Raungnuiyq vganc nuex muinz Yesu kuex vjux thoz yuimx nuex nyuip wvnc vtueq tvluing kuq tueq. Kvruex yuq yaukkeq kox vmaungx miq washiz vhttax rvtueq.

Luke 7:21

Kvruex baunglaung Yesu rueq miq vthuiuz vsac htenc muinz tvhvlc kuq tueq, htaungc htenc muinz yurc gay ruiux muik mawz jix kuex muik tvkalc kuq tueq.

Luke 7:22

Yesu rueq tsuingnueyc muex, “Yek wvnc kuinz nuimnueyc rueq khiz tay wvnc tuit phvnx htenc kuex Yohan muex jungx kuq waung kuinz, muik mawz jix rueq muik khiz wvnc tueq, yaz kuix jix muinz lvmx khuemx lot yaq, vshungx mac jix muinz tvhvlc kuq tueq, nac vbawx jix rueq tay wvnc lvp tueq. Vthueyc jix muinz tvyuing kuq tueq, htemc saz jix rueq muinz Thuix Thaungx Vhvlx tay wvnc tueq.

Luke 8:1

Kvruex yimaq mtanc httax muq nuex Yesu rueq ghaqyungx nuiyc miqghaq htenc nuex khuemx kaz vtueq, Tishox Mungtan lvmx Thuix Thaungx Vhvlx htenc kuex tvluing kuq wvnc tueq. Sangac rokshiz rac waz nueyc muinz vpiq rulc khuemx naungx tueq.

Luke 9:11

Nuk miqsaz htenc rueq kvruex tuiuz wuez vtueq, vpiq yix nuex phvnx wvnc naungx wuez tueq. Vpiq rueq tsuinghez kuex malc wvnc ruiux Tishox Mungtan lvmx jungphvnx kuq tueq, vthuiuz vsac jix muinz tvhvlc kuq tueq.

Luke 9:60

Yesu rueq, “Miq vmaungx jix vdvmz dvmz mrvshuz luip kueq. Mnoz kaz vtueq Tishox Mungtan lvmx jungphvnx kaz kuiuz,” ngoz tueq.

John 18:20

Yesu rueq, “Ngaz rueq mkaq muinz miq lotlaz htumc nuex jungphvnx kuq wvnc tauk; vjux thoz yuimx htenc nuex nuiyc Shomc Yuimx nuex muinz tvluing kuq tauk. Kvduimx kvpuiuc maq yvmx muinz jungphvnx mauk.

John 6:59

Yesu rueq Kapernaum ghaq wawc vjux thoz yuimx nuex tvluing tueq nuex vjungx kuq kvjaz rvtueq.

John 7:1

Kvruex yimaq Yesu kuex Galile mungx nuex khuemx kaz tueq. Yuda miqsaz vrangx vpangx vhttax jix hez rueq vpiq thvy gay muex ngoz tueq dvnc lvy ningkhvnc nuex vpiq kuex Yuda mungx nuex khuemx kaz roc muq.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Acts 18:4

Yuda miqsaz nuiyc Greek miqsaz htenc kuex kvmluimx wvnc tvkoc Vguilc Raungnuiyq ruip rawx vjux thoz yuimx nuex jungphvnx kuq ruiux shuex.

Acts 20:25

“Ngaz rueq Tishox Mungtan lvmx kuex nuimshiq kox nuex khuemx vtueq jungphvnx tvtay kuq phaungx. Yuq muinz majuiuc vmaq nuimshiq rueq ngvy htvlx phawc kuex tumc shiz khiz lvp phuinx rvmuq lvmz kuex ngaz rueq tuiuz yaq.

Acts 28:31

Tishox Mungtan lvmx kuex jungphvnx kuq ruiux, Taungjix Yesu Christu nuex seng yaq lvmx kuex tvhttoarc tv-phaungx khvmc thuinz vhttax maq jungphvnx tvluing kuq wvnc tueq.

Romans 10:15

Kvmaq vjungc phvnc kuy jix nvr tvkaz muq ngoz ruiux yuq, yvmx khoc maq lac bomjungc kuex tvluing kuq lot shvnx? Rumvrc luik nuex jungx shec tueq rulc rv-ngvlc, “Thuix thaungx vhvlx tvtay kuy jix waz yaz kuex pinhtumc svp yaq!” ngoz tueq wuiyq shec tueq.