Apaiq raq nguto, “Shiikeawe raq ngi ma chamchao litkot ümtinkhan wa riihum wan kang kra kiimaq iwe jam kunti thun kra atlaq she riibaiqto.” Kra ningkhan apaiq raq ase chhikhuwe ka Manase nguta mangto.
JOSHUA 17:1 - ASII LAKDAP Bible (BSI) Langraq thaütaq kra phanphan Joshua raq Manase phan ma Jordan rai maq shenyap nü wang binjü kriiwa hiq ka tarü thaq na ajong pinthum chumkuq wanto. Manase ka Joseph se chhikhuwe. Manase se chhikhuwe mang ka Machir. Machir se mang ka Gilead. Machir ka rekhat na nolajong pinthum riito. Joshua raq Machir rii tachong hupsam hiqshong ka kongkhuji miiphü Gilead wang nai Bashan wang binjü kra chumkuq wanto. Ara binjü arka Jordan rai maq shedong nü wang binjü. Hawa Naga Bible 2001 Yosep saz pekhux waz Manase suiuz vsaz taungx hez wvyvmc muex ruiy kuq tueq ghaqphux kuex Yodan ruilx maq shalx nyuip kox nuex httax yaq ghaq baungshiz rvtueq. Manase saz pekhux, Gilead waz Makhir kuex shvrvyx rvtueq, kvkhoc rvtueq piq rueq Yodan ruilx maq shaldungc kox wawc Gilead nuiyc Bashan kuex piq muex phvlx kuq tueq. |
Apaiq raq nguto, “Shiikeawe raq ngi ma chamchao litkot ümtinkhan wa riihum wan kang kra kiimaq iwe jam kunti thun kra atlaq she riibaiqto.” Kra ningkhan apaiq raq ase chhikhuwe ka Manase nguta mangto.
Kiimaq apaiq raq akhmin nguto, “Shiikeawe raq ngi ma ngi chamchao chang mung na isetiim kuqto.” Krai mren apaiq raq ase anai ngojawe ka Ephraim nguta mangto.
Kiimaq Ejip mung maq Joseph raq asenai ka anai humto, Manase nai Ephraim. Tsangnai ma anyung ka Asenath. Apaiq ka Heliopolis hiqti ramwe Potiphera se.
Awe raq ajaq jaqtsi niiti ka Ephraim khupo na sham kiita Joseph ka amit simak riito. Kra ningkhan apaiq raq awe jaq ka Ephraim khupo wa lam raüta, Manase khupo na tiisham danto.
Apaiq raq awe ma akha nguto, “Iwe lei kiikhiika riimak. Arti ahata chhikhuwe. Ümjaq jaq tsi nüti ka apaiq khupo na sham laq.”
Apaiq ka Ephraim setiim nai asaütiim thun kra chhithüli sito. Kiimaq apaiq ka Manase se Machir setiim kriimin chhithüli sito.
Kiijaq Abnar raq Ishbosheth ka Gilead wang tlotli na, Ashar wang na, Jejreel wang na, Ephraim wang na, kiimaq Benjamin wang na, kiimaq liiwan raü ka Israil mung hupli thaq na hokham ma shongto.
Shatmaq Geshur nai Aram mungtanti kiraüta khatto. Raüta kra mung wa chela roqtrok jiiwanto. Kriika Jair hong Kenath hong binjü wa hiqshong thun kriimin romshaq na kiimaq kra tro binjü ajeje wa chela thun kiimin hamli nyea wanto. Kra wang na siti maiq thun ka Makir lai ala phan, apaiq ka Gilead ma awe.
Tati Rakaü Hiqwe raq nguto, “Maiq phan phanroqshi ri phannai liipan na chumke chang hishong trai ka ara. Joseph saüse phan riika mannai rii lapchang.
Manase phan wa aweraü thun ka arthun ara riito: Manase se ka Machir, ase mang ka Gilead. Kiimaq arthun weraü raq tsangshiq ka Gilead saüse phan nguta tiichongtlo:
Mahla, Nowaq, Hogla, Milka, kiimaq Tirja ka Jelophechad setiim. Jelophechad ka Hephar se. Hephar ka Gilead se. Gilead ka Machir se. Machir ka Manase se. Manase ka Joseph se.
Krai mren Mosheq raq Gad phan nai Reuben phan kiimaq Manase phan wa khoko kriima, Amoraiq phan Hokhamwe Sihon hiq thun kra kiimaq Bashan wang Hokhamwe Og hiqshong thun kra, kra tro binjü wa chela thun nai hiqshong thun kra chum kuqto.
Apaiq raq apaiq tachong hupsam kiiwa pheanai achan ka ase chhikhuwe kriima pheake chang. Apaiq ka achak apaiq raq kai lungwiitlaq nyung se riimakli jiimin, chhikhuwe kriima pheake chang. Maiqwe ashi raq ase chhikhuwe ka juwa kra sap raa dongdii krai mren apaiq rii tachong hupsam ümchu lap chang wa kriika lap ratlo.
Riita ija, arjaq chongwan tlaq arai mren, Joshua raq Manase saüsetiim wiijamti rii tachong hupsam hiqshong ka Israilnok ahintitiim rai Jordan rai maq shenyap nü wang kiiwa chumkuq wanto. Manase saüsetiim phong wa maiqwe sere ka arthun ara riito: Abiejar, Helok, Ashriel, Shekhem, Hephar, kiimaq Shemida riito. Arthun arka Manase phan kiiwa kaüwa weraü mang ahata. Riita arjaq chong wantiikai, aweraütek miitu tachong hupsam hiqshong ka Jordan rai maq shenyap nü wang wa siisaq chumkuq wanto.
Tsangshiq ka Ephraim wang wa, tanthung na satkito, Benjamin phan raq shunshea tlaq kra jai na, kiimaq tsangshiqnok jai na kito. Sreajongbi asheati thun Machir saüse phan wa, phentubi ka Jebulun phan wa.