2 SAMUEL 2:9 - ASII LAKDAP Bible (BSI)

⁹ Kiijaq Abnar raq Ishbosheth ka Gilead wang tlotli na, Ashar wang na, Jejreel wang na, Ephraim wang na, kiimaq Benjamin wang na, kiimaq liiwan raü ka Israil mung hupli thaq na hokham ma shongto.

Hawa Naga Bible 2001

⁹ Abner rueq Eshboshet kuex Gilead, Asher, Jezreel, Ephraim nuiyc Benjamin hong htenc maq phaungc vtueq Israel mungx lotlaz nuex hokhvmx muex tvyaungc tueq.

2 SAMUEL 2:9 Referencias Cruzadas

RAPHA HIQWA LAK 30:13

Kiimaq Lea raq nguto, “Ngi ka kai khoqriiq tiikang! Ümchaü jechakre raq ngi ka chochi hea nyung ngutiishe mingu.” Krai mren apaiq raq no ka Asher nguta mangto.

2 SAMUEL 2:10

Apaiq ka Israil mung thaq na hokham ma shongtaq akhing na, arawii ka wiiroqblai riito. Kiimaq apaiq raq Israil mung ka wiinai na saüli pengto. Shatmaq Juda kaüwa weraü phan wa mungmaiqse thun riika Dawit wokhong niili sito.

2 SAMUEL 3:6

Riita, Dawit sengi phenlabi nai Saul tahii rai pongti phenlabi ka riikhat wan ruq li, riikhat wanto. Kiimaq Saul sengi phong na Abnar ka jonghea jong wan wan she riito.

Tvtsvmc 108:8

Gilead wang ka ihiq, Manase wang min ihiq; Ephraim wang ka ijin khuphok kiimaq Juda wang ka ihokham chongwai.

JOSHUA 16:5

Ephraim phan ma achumkuq hiqrai ka akha riito: Tsangshiq hiqtrai ka Ataroth Addar chela kriimaq shedong nü na rai wanto. Raüta Beth Horon chela kriimaq lamthaq nünü tiithi maq rai wanto.

JOSHUA 16:8

Raüta hiqrai ka Tappua chela maq Kana raise kiina kiho raüta Mediterenian Khamjongkii na supto. Arka Ephraim phan weraü ta thun ma achumkuq hiqrai riito.

JOSHUA 16:9

Kriithun chela krai chela aransetiim wiijam kiimaq hiqshong thun Manase phan hiqtrai mong wiimin lomto. Shatmaq Ephraim phan ma chumkuqto.

JOSHUA 17:1

Langraq thaütaq kra phanphan Joshua raq Manase phan ma Jordan rai maq shenyap nü wang binjü kriiwa hiq ka tarü thaq na ajong pinthum chumkuq wanto. Manase ka Joseph se chhikhuwe. Manase se chhikhuwe mang ka Machir. Machir se mang ka Gilead. Machir ka rekhat na nolajong pinthum riito. Joshua raq Machir rii tachong hupsam hiqshong ka kongkhuji miiphü Gilead wang nai Bashan wang binjü kra chumkuq wanto. Ara binjü arka Jordan rai maq shedong nü wang binjü.

JOSHUA 18:11

Benjamin phan maiqta thun rii hiqshong ka apha shaq shaq chumkuqto. Tsangshiqnok phan rii hiqshong achumkuq kriika Juda phan rii hiqshong nai Joseph saüse phan rii hiqshong heawea na riito.

JOSHUA 18:20

Kiimahali shedong nü hiqrai kriika Jordan rai khü phanphan raito. Ahata Benjamin phan rii tachong hiqshong achumkuq hiqrai longshong.

JOSHUA 19:18

Tsangshiq rii achumkuq hiqshong trai mong niika arthun chela ara lomto: Jejreel, Chesulloth, Shunem,

JOSHUA 22:9

Krai mren, Reuben phan, Gad phan, kiimaq Shedong nü na siti Manase phan ka tsangshiq hiqshong niishe jang wanto. Tsangshiq raq, tsangphu tsangno Israilnok ka, Kanan mung na Shilo chela piitiip na baiqthü raüta, tsangshiq ka tsangshiq hiqshong Gilead wang na jang wanto. Ara Gilead wang arka Tatiwe raq Mosheq lümaq tsangshiq miitu chumkuqto.

PHOWEBI 1:32

Kriikha na, Ashar phan ka nokti Kanannok raili she adam na sito. Jamkhano ngukla tsangshiq raq Kanannok ka jobaiqlot mak dea riito.

1 SAMUEL 29:1

Philistainnok raq tsangshiq phenlabi ka tlotli wiita Aphek chela na shea wanto, raüta kiijaq thungto. Kiimaq Israilnok ka Jejreel jüwii tan kiijaq piitiip tei raüta thungto.