JOSHUA 17:1 - Hawa Naga Bible 2001

¹ Yosep saz pekhux waz Manase suiuz vsaz taungx hez wvyvmc muex ruiy kuq tueq ghaqphux kuex Yodan ruilx maq shalx nyuip kox nuex httax yaq ghaq baungshiz rvtueq. Manase saz pekhux, Gilead waz Makhir kuex shvrvyx rvtueq, kvkhoc rvtueq piq rueq Yodan ruilx maq shaldungc kox wawc Gilead nuiyc Bashan kuex piq muex phvlx kuq tueq.

ASII LAKDAP Bible (BSI)

¹ Langraq thaütaq kra phanphan Joshua raq Manase phan ma Jordan rai maq shenyap nü wang binjü kriiwa hiq ka tarü thaq na ajong pinthum chumkuq wanto. Manase ka Joseph se chhikhuwe. Manase se chhikhuwe mang ka Machir. Machir se mang ka Gilead. Machir ka rekhat na nolajong pinthum riito. Joshua raq Machir rii tachong hupsam hiqshong ka kongkhuji miiphü Gilead wang nai Bashan wang binjü kra chumkuq wanto. Ara binjü arka Jordan rai maq shedong nü wang binjü.

JOSHUA 17:1 Referencias Cruzadas

RAPHA HIQWA LAK 41:51

Yosep rueq, “Tishox rueq ngaz rvhumc vtaungx kuilc daz htemc rvmc kvmuinz, iwaz yuimx wuinz htenc kvmuinz tvlauk gay phuex shex,” ngoz tueq vsaz pekhux waz kuex Manase ngoz tueq muingc tueq.

RAPHA HIQWA LAK 41:52

Wanueyc ngoc yaungc waz kuex, “Tishox rueq ngaz kuilc daz htemc rvmc rvhumc vtaungx mungx vyuq, ngaz muex suiuz vsaz tvhumc kuq phuex,” ngoz tueq vsaz kuex Ephraim ngoz tueq muingc tueq.

RAPHA HIQWA LAK 46:20

Yosep rueq Ejip mungx Heliopoli ghaq wawc shomc waz Potiphera saz Asena rulc vsaz wanueyc lvp tueq kuex, Manase nuiyc Ephraim rvtueq.

RAPHA HIQWA LAK 48:17

Yosep kuex vwaz rueq Ephraim khux htauk nuex yauk keq kox yauk tvdaungc yaq kuex khiz vtueq thuinz nuex hvlx muq rvtueq; piq rueq Ephraim khux htauk wawc vwaz yauk kuex Manase khux htauk nuex tvhttot tvdaungc roc vtueq,

RAPHA HIQWA LAK 48:18

“Iwaz m-yauk tvy tvyaq vshuiux. Vruex waz kuex vphuz waz rvtueq; piq khux htauk nuex m-yauk vkeq kox kuex tvdaungc shuiuz,” ngoz tueq jungx tueq.

RAPHA HIQWA LAK 50:23

Piq rueq Ephraim sahez nuiyc vsuiuz hez kuex khiz shec lvp tueq. Manase saz Makhir sahez kvmuinz lawc mawc kuq wvnc tueq.

2 SAMUEL 2:9

Abner rueq Eshboshet kuex Gilead, Asher, Jezreel, Ephraim nuiyc Benjamin hong htenc maq phaungc vtueq Israel mungx lotlaz nuex hokhvmx muex tvyaungc tueq.

1 KAÜWA WERAÜ 2:23

Yuq muinz Geshur nuiyc Aram mungtan htenc rueq kvruex hong wawc miqghaq 60 muinz, Jair nuiyc Kenat kez htenc muinz, tvroz wawc miqghaq htenc tauk khvt taungx gay tueq. Kvruex hong nuex httaz jix miq lotlaz kuex Gilead waz Makhir suiuz vsaz hez rvtueq.

EJEKIEL 47:13

Johvlc Yehowa rueq, “Israel miqsaz phvnx rokshiz rac phvnx nueyc tvkoc ghaqphux ghaqruiy htvp htaz ruiy kuy rax. Ghaqruiy htenc kuex vkhoc rvtueq: Yosep phvnx vmaq rueq vganc phvnx vmaq ruip rawx htauk nuex muinz phvlc nueyc vjvnc lvp shuex rvtueq.

WEAWEA 26:29

Manase waruiuz wawc kuex: Manase saz Makhir kuex Gilead waz rvtueq, Gilead suiuz vsaz hez kuex:

WEAWEA 27:1

Mala, Noa, Hogla, Milka, Tirza kuex Zelophehad saz yalxjuik sahez rvtueq. Zelophehad kuex Hepher saz, Hepher kuex Gilead saz, Gilead kuex Makhir saz, Makhir kuex Manase saz, Manase kuex Yosep saz rvtueq.

WEAWEA 32:33

Kvkhoc rvtueq Moshe rueq Amori Hokhvmx waz Sihon nuiyc Bashan Hokhvmx waz Oga rueq guimz yaq ghaqphux htenc maq raz tueq, tvroz nuex httax yaq miqghaq htenc kuex Gad phvnx, Ruben phvnx nuiyc Manase phvnx muex htvp htaz kuq tueq.

TRI CHONGKE 21:17

Pekhux waz kuex piq rueq lungwawc hvlc nyuiuz kvruex saz rvmuq, yuq muinz tsak jungx hup svmx kuex mvnnueyc phvlc kuy rax, yvmx khoc lac ngoz ruiux lec, nox kvruex kuex vwaz hungc vlaungc vphaungc waz rvtueq ningkhvnc nuex pekhux mvnjuz phvlc kuex piq muex kuy rax.

JOSHUA 17:2

Manase nuiyc kvjungx yaq taungx hez htenc kuex: Abiezer, Helek, Asriel, Shekhem, Hepher nuiyc Shemida rvtueq. Kvruex hez kuex Yosep saz Manase kox wawc miqwaz saz phvnx ningkhvnc nuex vtaungx htenc muex vkhux yaungc jix hez rvtueq.

PHOWEBI 5:14

Tsuingshiq kuex Ephraim maq warc tvnx nuex kaz wvnc vtueq, Benjamin phvnx nuiyc kvruex miq htenc yix nuex phvnx wuez tueq, Makhir wawc nolaungx yungx bix dung vtueq, Zebulun wawc vyungx vlaungx bix kaz wuez yaq.