John 1:6 - ASII LAKDAP Bible (BSI) Shiikeawe raq apaiq atsa soqti we Johan ka phiija maiqse phana tiikito. Hawa Naga Bible 2001 Tishox rueq Yohan ngoz yaq waz kuex vpiq kamx waz muex tvkaz tueq. Muklom Shkewa ashey thoksil tattey takat ta, eshi miqwa miing tha John angta. |
Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”
Asii bomtsi na Shiikeawe raq Johan miitu akha chongtlo: ‘Ngi raq ümniima sinkhu na milon weshi mitiikili ha, apaiq raq ümkai chang lam ka atan mirkuqho!’
Riita Johan ma khamlamke wan miitu arang ka juro kuqta? Shiikeawe raq sha maiqse raq akuq wa?” Kiijiishe tsangshiq liipan na akhiishe riikhiito, “Nashiq raq jamkho mitre rong i? ‘Shiikeawe raq akuq’ nguta ngu hai jiika, apaiq raq, ‘Riita namshiq raq Johan bomchong ma jamto kam man?’ nguta mingu.
Shamtaq, rase raq apaiq ma chongto, “Naq haikiq Jekeria le! Shiikeawe raq ümnaq achu jaü ka treto she. Kiimaq ümjamti nyung Elijabeth raq ase ashi she mihum. Ümniiraq no ka Johan nguta mang laq.
“I se le, ümniika, Ajong Pinthum Shiikeawe shammi ngutiishe mingu. Ümniika Tatiwe ma sinkhu na miki haü. Laüta, apaiq kai chang lam kra mitanho haü.
Ngi riika apaiq ka arwe arshe sham nguta sap mang shaqli riikang. Shatmaq tiina, Shiikeawe raq ngi ma, maiqse ma kham lamkuq kikiq nguta tiikitaq akhing na, ‘Ümniiraq Asii Wenyi ka ra wa satki raüta, maiqwe ashi khu thaq na angakai michhi haü. Kriiwe raq, maiqse ma Asii Wenyi maq kham milam kuq,’ nguta chongkuqto. Riita, krai mren, Asii Wenyi ka kiraüta maiqse ashi khu thaq na ngakito kra chhikang.
Namshiq ma ngi raq tsii ka chongke jeshe. Namshiq ka i hakhi sitlan. Ngi raq namshiq ma, ‘Ngi arka asaükaiti we Khristo kriika riimang. Shatmaq, apaiq ma lam tankeho kongkhu na Shiikeawe raq atiiki we kra,’ nguta chongkuq pha ihata.
Jesuq raq jaqsham miphaho shaq bala, Johan raq Israilnok mungmaiqse tlotli ma, tsangshiq raq tsangshiq maiqmii ngarai kra tiidii raüta, tsantsii klai wan kham lam wan raa tlo nguta trahokuqto.