Luke 1:76 - ASII LAKDAP Bible (BSI)

⁷⁶ “I se le, ümniika, Ajong Pinthum Shiikeawe shammi ngutiishe mingu. Ümniika Tatiwe ma sinkhu na miki haü. Laüta, apaiq kai chang lam kra mitanho haü.

Hawa Naga Bible 2001

⁷⁶ Isaz lex, mnoz kuex Johvlc Pinhtumc Tishox waz shvmmax ngoz tueq ngoz kv-phux. Vpiq lvmx tvyoalc kuy tvkoc, vpiq max nuex kaz wvnc tuiux rvtueq,

Muklom

⁷⁶ Etho nang isa, nang ajong Shkewa rangsamal ta hal phanu. Etho nang raa Teyhungwa lam hun ma ujakho kho qhing nu,

Luke 1:76 Referencias Cruzadas

Tvtsvmc 87:5

Jajon ka mangjong maiqse kunli rii, kiimaq Ajong Pinthum Shiikeawe raq kriinyung ka ajong pinthum mitiija wan.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

Matthew 14:5

Kriikha na Herod raq apaiq ka atsea baiq nguta tanto. Shatmaq apaiq ka Jehudinok mungmaiqse ma hai kha maq, Johan ka tiitsat mak dea tsaqkito. Ara jamkhano ngutiikai ngukla, Jehudinok mungmaiqse raq, Johan ka Shiikeawe shammi we dea nguta kai shrengtlo.

Matthew 21:26

Shatmaq nashiq raq, ‘Maiq raq akuq,’ nguta ngu hai jiika, mungmaiqse ma hai chang asi; Jamkhano ngukla, mungmaiqse raq Johan ka shammi we nguta asap.”

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Matthew 3:3

Isaia shammi we raq tiithai thütiiwe ka Johan ara. Apaiq raq akha nguta tiithai thüto, “kumtsaiphii na ashi ra raq asii lülü maq riimtlo, ‘Tatiwe kai chang lam ka tanholi laq; Apaiq khum ma lam ka liitatat tanho laq!’ ”

Mark 11:32

Shatmaq nashiq raq, ‘Maiqse arang maq,’ ngu hai jiila…” (Tsangshiq ka mungmaiqse ma ahai kata. Jamkhano ngukla, Khamlamketi we Johan ka, shammi nguta mung maiqse raq sapshat.)

Luke 1:32

Apaiq ka ajong pinthum miraq. Kiimaq Ajong Shiikeawe Se nguta mingu. Tati Shiikeawe raq apaiq ka, ati Dawit Hokham kiikha hokham ma mishong.

Luke 1:35

Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

John 1:23

Kiijiishe, Johan raq, Isaia shammi we raq chongthütaq bomtsi kra bliiq raüta tsangshiq ma akha chongkuqto: “Ngi ahata, ‘Tati We kai chang lam kra liitatat hea tiije tanholi laq!’ nguta, kumtsaiphii na agilülü rümti we,” nguta, apaiq raq tsangshiq bom ka treto.

John 1:27

Apaiq ka ngi jai na saühotlo, Shatmaq ngi ka, apaiq hokpa raükha kra diiketi khan min thek mang.”

John 3:28

Namshiq ma ngi raq tsii ka chongke jeshe. Namshiq ka i hakhi sitlan. Ngi raq namshiq ma, ‘Ngi arka asaükaiti we Khristo kriika riimang. Shatmaq, apaiq ma lam tankeho kongkhu na Shiikeawe raq atiiki we kra,’ nguta chongkuq pha ihata.

Acts 16:17

Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.