James 2:18 - ASII LAKDAP Bible (BSI) Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha. Hawa Naga Bible 2001 Yuq muinz miq vshiz shiz rueq, “Miq vshiz kuex kvmluimx httax yaq, vganc vshiz kuex honc vyaungc vhttax,” ngoz tueq ngoz ruiux yuq, “Honc vyaungc vguez maq kvmluimx kuex ngaz muex tvkhic kuq koq, ngaz rueq honc vyaungc maq ngvy kvmluimx kuex tvkhic kuq phaungx,” ngoz tueq jungx kuq ix. Muklom Etharin chamtey eq batna, “Nang aa ukam eq u etho nga jaksom som ang.” Nang aa ba kam sha ngama jaksom ahung takhi phu, etho nga i kam sha jaksom tungkang o nangma takhi phanáng. |
Shatmaq, jamlai phan li jiimin, jurwa tsanko tsanki lam maq, phaqsiq tlaq, kriika Shiikeawe raq apaiq ma ajiq dea nguta mishra wan. Ara jamkhano chongtiikang ngukla, kriika apaiq raq, atsan mong maq, arka aphaq asea phan dea nguta, kam raüta aphaq siq wan riimak. Krai mren, jamlai phan li jiimin, kamtsantsii maq sham mak jiika, ngarai jaqsham ma mija.
Ara jamkhano chongtiikai ngukla, nashiq raq tri ka shat wan kai she, maiqse ka Shiikeawe rai kamtsantsii lümaq shram wan tlo, Thungtri aming lang wan raüta riimak nguta sap wankai she.
Riita Dawit raq Shomshi lak na Shiikeawe raq maiqse ashi ka apaiq raq thungtri ka ahea wiq tingting maq lang tlo nguta riimak, shatmaq apaiq raq kamtsantsii thü tlaq kriikha na, Shiikeawe raq apaiq wurakhong niishe tiishongnga wan tlaq kriiti ma achong lot mai pinthum chochi jonghea miraq nguta chong tlo. Arka akha chong tlo:
Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.
Shatmaq, namshiq phong wa maiq weshi ra riika, ngi ma akha mingu han, “Riita, ara chongtlaü ardea tengtlaq jiika, Shiikeawe raq maiqse ka ashut we dea ngutiika, jamkho mitiishut wan? Shiikeawe apaiq raq, jamlai phan wa thimi tlaq, kriika juwero mikhii lot?”
Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.
Maiqse ashi ka ümtiikiiwa Khristo raishe tiipum wandam tlaq, kriiwe ka maiq nye tingsang atiiq wan miishe klai kitlo. Apaiq rilung achu ka thumto she. Apaiq rilung ka anye tingsang she.
Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.
Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.
Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.
Phanrap na, ümniiriika ümbom ümnyiim na, ümjaq sham ümkai wa maq tiichhikuq laq. Ümniiraq nanok ma trahokuq tlaü na, tsapkapkapse maq, kiimaq atsi dada maq chongkuq laq.
Kiimahali, kamtsantsii maq sii hali, mephe nyung Rahab raq, Israilnok siwe wenai wataq kra, ahea wiq maq, siphu sino ikha shiikum pan kuqto. Kriikha maq, Shiikeawe kiqkhiiti, anok abin ümchuwa jiimtaq, kra rai jiimrai chang wa, apaiq ka tiichhiito.
Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.
Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.
Lungwii Phungmaiqse phunainotiim lei, Phungmaiqse weshi raq, Jesuq Khristo ma kamtiikang nguta, anübok miili tiitsaki raü jiika, apaiq raq kamtsantsii rümtlaq kra, apaiq jaqsham maq tiichhikuq mak jiika, apaiq kamtsantsii chongtlaq kriika, shaqmii li ngushat. Kiikhiinok kamasham riika apaiq rilung ka tiichhii wan lot mak.
Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.