James 2:17 - ASII LAKDAP Bible (BSI)

¹⁷ Ara chongtiikai akhiisii, kamtsantsii rüm ngutlaq kiimin kata. Maiq weshi raq kamtsantsii ka rümtiikang ngu raü, ajaq sham maq tiichhikuq mak jiika, apaiq kamtsantsii ka thiihü, amaa.

Hawa Naga Bible 2001

¹⁷ Kvmluimx lvmx muinz kvrulc rv-ngvlc dvyx, honc vyaungc maq tvkhic kuq lot muq kvmluimx yaq kuex vmaungx yaungx yaq.

Muklom

¹⁷ Eshimal hun kam sha tho, jaksom jamoq ang moq ang ajo, irimal kam sha amáng mal.

James 2:17 Referencias Cruzadas

1 Corinthians 13:13

Riita, ara chong kai kongphiq thun liipan arwa, ara kongphiq atsam arli she mitiichong. Kamtsantsii, aranphantsii, kiimaq lungwiitsii. Riita ara atsam arwa, ajong pinthum kongphiq ka lungwiitsii.

1 Corinthians 13:3

Kiimaq ngi raq i jaq na tsiiq nai nyam ümchuwa rüm tiikang kra wiita kuq lata, miitsan miijan maiqse thun kra mikhrum kuq ha min aja sham. Kiimaq i khum ara dongdii min, wa na tiikhiim chaq baiq ma kham lili, i tsan i tsii mikuq ha min aja sham. Shatmaq i tsan na lungwiitsii rüm mang jiika, arthun chongtiikang arka, ngi ma jamlai liip dong chang min ahü li miraq.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

James 2:14

Lungwii Phungmaiqse phunainotiim lei, Phungmaiqse weshi raq, Jesuq Khristo ma kamtiikang nguta, anübok miili tiitsaki raü jiika, apaiq raq kamtsantsii rümtlaq kra, apaiq jaqsham maq tiichhikuq mak jiika, apaiq kamtsantsii chongtlaq kriika, shaqmii li ngushat. Kiikhiinok kamasham riika apaiq rilung ka tiichhii wan lot mak.

James 2:26

Riita, ara chongtiikai arai mren, Phungmaiqse ashi raq, kamtsantsii ka rümtiikang ngu raü, apaiq raq ajaq sham maq tiichhikuq mak jiika, apaiq raq rüm tlaq kamasham kriika achhii, awong ka ahü. Kriika maiq maa ashi bumrai tlaq ikhli miraq.