DUNGWVNC 8:11 - ASII LAKDAP Bible (BSI) Ümnaq, ümsengi ajong alabi thun, kiimaq ümsengi mungmaiqse ka makphang raq longliiq mak she miraq. Makphang ka tiisii rai she mitsuq baiq. Nail rai niili she mitiichong.” Hawa Naga Bible 2001 Lukburx htenc kuex mnoz nuiyc mmiq vyungx vlaungx bix nuiyc mmiqsaz htenc kox wawc tvsawc lvmz gay ruiux, Nile ruilx nuex dvyx shex httax tuex,” ngoz tueq jungx tueq. |
Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.
Shatmaq, hokhamwe ka akhiismin mak riijap mak wanshak shak riito. Arka Tatiwe raq chongtaq kra phan phan lankito. Hokhamwe raq Mosheq nai Aron bom ka taimak riito.
Kiijiishe Tatiwe raq Mosheq ma nguto, “Hokhamwe ka pinthum wanshak shak kiimaq isenginok ka tiiwa mak ningtang hoto.
Raütiishe Mosheq nai Aron ka hokhamwe jam wa kihoto. Kiimaq Mosheq raq Tatiwe jaq wa apaiq raq hokhamwe ka makphang ma tlong phaqtaq kriiwa tiichhiikuq laq nguta achu jaüto.
Kiimaq Mosheq raq jaütaq kra phan phan Tatiwe raq jaq ka shamto, Kiimaq makphang phong jam thun na, rinkea thun na, kiimaq wak ram thun na longraitlaq kra wiita jiimto.
Nail rai ka makphang long raq ama mirwan. Raüta makphang long raq ümhokham jam mong na, ümtap mong na, ümchangdü na, kiimaq ümsenginok ajong alabi jam thun na kiimaq ümsengi mungmaiqse jam thun na, kiimaq ümwinsii lumchang watum khok mong thun na kiimaq winsii lumchang pin thun na wiita milong wan.
Mosheq raq treto, “Ngi ka khoqriiqkhiq maq ümnaq miitu achu mijaü kuqha. Ngi ma akhing kli chong liina, ümnaq, ümsengi ajong alabi, kiimaq ümsengi mungmaiqse miitu ümtiikaq achu jaüke chang wa kra chonglaq. Kiimaq ngi raq achu jaü hala, ara makphang longtlaq raüta ümnaq chamchao tlaü arka ahüshe miraq. Raüla makphang ka wiita she mimoki. Nai rai niili she mitiichongki.”