DUNGWVNC 8:10 - ASII LAKDAP Bible (BSI)

Kiijiishe hokhamwe raq treto, “Ngi miitu anap jaükuqlaq.” Mosheq raq treto, “Ümniiraq chongtlaü kra phan phan ngi raq achu mijaü kuq kang. Kiijiishetiq ümniiraq, Tatiwe, naishiq Shiikeawe khan ka shiikea ahin ahü nguta misap haü.

Hawa Naga Bible 2001

Hokhvmx waz rueq, “Ngaz muex invp vjux thoz kuq koq,” ngoz tueq tvralc tueq. Moshe rueq, “Mnoz rueq jungx shuiux kvrulc rv-ngvlc thoz kuq phaungx, nuiyshiq Yehowa Tishox vkhoc tishox vguez lvmz kuex mnoz rueq tuiuz taq shuiux.

DUNGWVNC 8:10 Referencias Cruzadas

2 SAMUEL 7:22

Ümniika jonghea pinthum, Tati Rakaü Hiqwe lei! Ümnaq khan ahin ka jumin ahü she. Ümniikli dea Shiikeawe nguta naishiq raq wranaiq she sap wan kai.

1 KAÜWA WERAÜ 17:20

Tatiwe lei, ümniikhan ahin ka ahü she. Naishiq raq wranaiqshe ümniikli dea Shiikeawe nguta sap wan tiikai.

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

Tvtsvmc 86:8

Ümniikhan tisho ka ahü, O Tatiwe lei, ümniiraq jamlai wa shamlaü ka jurmin shamak dea.

Tvtsvmc 9:16

Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 8:9

Mosheq raq treto, “Ngi ka khoqriiqkhiq maq ümnaq miitu achu mijaü kuqha. Ngi ma akhing kli chong liina, ümnaq, ümsengi ajong alabi, kiimaq ümsengi mungmaiqse miitu ümtiikaq achu jaüke chang wa kra chonglaq. Kiimaq ngi raq achu jaü hala, ara makphang longtlaq raüta ümnaq chamchao tlaü arka ahüshe miraq. Raüla makphang ka wiita she mimoki. Nai rai niili she mitiichongki.”

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

DUNGWVNC 9:29

Kiijiishe Mosheq raq apaiq ma akha nguto, “Ngi ka ara chela mong wa kinphai na dongho rili, ngi raq ijaq ka ra na dolata Tatiwe jaq wa achu mijaüha. Kiimaq rathaiq trang ka atsaq mirki. Kiimaq tsak-hiiq ka rokmak she miraq. Krai mren ümniiraq ara mangjong hiq arka Tatiwe rii dea nguta misap haü.

TAKSU LAK 27:1

Anap miitu naqtsü tsitkiq, Anap ra miwü shaq na, jamlai wa saüjiiq riila.

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 40:25

Asii Shiikeawe ka jamlai rai wa mithapthi? Apaiq khan maiq ka weshi ra asi shea?

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

TRI CHONGKE 3:24

‘O Tati Rakaü Hiqwe lei, ngi raq asapha, ümniiraq ngi ma tiichhi kuq laü kriika ümniiraq jaqsham jonghea sham wan tlaü kiimaq awang chang jaq sham wan tlaü kriiwa, ralang apha wan lamlam se kli tiichhi kuq laü. Ümniiraq ningkun aheng maq jaq sham wan laü kriithun sham wanti phra ka ramungtan niimin ahü kiimaq mangjong hiq niimin ahü!

TRI CHONGKE 32:31

Tsang jaqtinok raq tsangshiq phra kong ka ningkun ajom nguta asap, Israilnok Shiikeawe kiikha ningkun aheng riimak nguta asap.

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

TRI CHONGKE 4:35

Tatiwe raq arthun ara namshiq ma tiichhi kuq wanto. Arka namshiq ma apaiq kli dea Shiikeawe nguta tiichhike miitu klo wanto. Kiimaq apaiq tlea raüta ahin ka ahüshe nguta tiichhike miitu arthun ara klo wanto.

TRI CHONGKE 4:39

Kra ningkhan ümchaü ranaiq tsan na tiitsang ronglaq. Kiimaq ümtiikiimin naqlaq rongkiq. Tatiwe ka ramungtan na min Shiikeawe. Kiimaq ara mangjong hiq niimin Shiikeawe. Apaiq tlea raüta shiikea ahin ka jumin ahü she.

James 4:14

Shatmaq, anap rawüho haü jaq üm rilung ka jamkho jajiiq, kiimin sapphaq maü sitlaü! Üm rilung ka büse jaq na bangkham pose ikhli. Ümchaü asi, shatmaq athi heashise sijai niika ahü she.