DUNGWVNC 38:18 - ASII LAKDAP Bible (BSI) Kra kilamchong na chanchang kheathum ka müsaisai raihi-nairai maq raiwai, mintiitii, kiimaq uniraishii maq trai trai raüta ataq kiimaq rai maq atsomwiq awaiq angon chhang raüta aklo. Kriika alu nü na 9 mitar kiimaq adü lu nü na 2 mitar. Keathung ruk chang kheathum kra niq ri ri sii aklo. Hawa Naga Bible 2001 Tap kaluix puc nuex juinc juing kuex khuingc wuil nvm-yaz, pasic nvm-yaz, khelbuenx ruiyshawx nuiyc khvymvnz vnyel maq tauk vtueq, vpuic wuiyq tvhungx taq tueq. Tap tvroz nuex juinc juing khvymvnz htenc ikhoc kaluix puc nuex juinc juing muinz vloayc kox meter 9, vjoz kox meter 2 httax yaq. |
Kiimaq Asii Pinthum Khok kra raituk chang ka kheathum kaü ajongwiq ashi ka müsaisai raihi-nairai ka laihin rai maq shot raüta taqto. Raüta kra khea ka rongwai maq, kiimaq mintiitii rong maq, kiimaq rongshii maq shot raüta loto. Raüta kra khea mong na cherubim sumla ka kheathaq na waiqto. Raüta tiimiikhiiqto.
“Asii Tombutiip, Ngi asi Tombutiip mong thun kriika müsaisai raihi-nairai ka raiwai, raishii kiimaq unirai shii maq shot raüta ataq thumjong thum roqshi kriimaq hailaq. Kiimaq kriithun ka rai maq cherubim sumla thun ka khea kiijaq waiq chhang chang.
“Kiimaq Tombutiip na nyap wa chang kilü ka kheathum ashi müsaisai raihi-nairai, raiwai, mintiitii, kiimaq unirai rongshii maq ataq kiimaq rai maq sumla atiitsom waiq chhang kra kilü ma tiihonglaq.
Kra kham thun tiichap chang ahokphi diim thun ka miiki maq alo siisaq. Kiimaq khaiq thun, riiq pum kiisetiim thun, kiimaq khamchong khupo pangchang thun ka kampho maq alo siisaq. Keathung trotam na khamchong thun shongtaq kriika chaq maq alo riiq pum kiisetiim maq siisaq khamnai kham heawea thun na chanhihi triicheto.
Kra kilamchong kheathum chantlaq kriika khamchong blai ajichong tiichap chang ka miiki diim thaq na atiichap. Kra chanchang khaiq thun, kham khupo pangchang thun, kiimaq kham heawea na tiihong chang riiq pum kiisetiim thun ka kampho maq aklo siisaq.