DUNGWVNC 26:36 - ASII LAKDAP Bible (BSI)

³⁶ “Kiimaq Tombutiip na nyap wa chang kilü ka kheathum ashi müsaisai raihi-nairai, raiwai, mintiitii, kiimaq unirai rongshii maq ataq kiimaq rai maq sumla atiitsom waiq chhang kra kilü ma tiihonglaq.

Hawa Naga Bible 2001

³⁶ “Tap nuex yuip waungc juing baung kvyuq tuk tvkoc kakiz nvm-yaz, pasic nvm-yaz, khelbuenx ruiyshawx nuiyc ruiynyel maq tauk vtueq, tvsvp juing puic vwuiyq tvhungx taq vjuinc juing mvnz vshiz kuex tvhungx shuinz.

DUNGWVNC 26:36 Referencias Cruzadas

2 SAMUEL 7:6

Man na ngi raq Israilnok ka Ejip mung wa dokda wan kang akhing kriimaq riita, ümchaü akhing na saüli, ngi ka shomjam na si wan mang shaq li. Ngi ka tombutiipse na silatli, bashi maq riita bashi na khum wan kang.

Tvtsvmc 78:60

Apaiq raq apaiq sichang tombutiip ka Shilo hiq na miimbaiqto, kriika apaiq nashiq phong na sichang jam riito.

DUNGWVNC 26:31

“Kiimaq achan chang kheathum kaü ka müsaisai raihi-nairai ka raiwai, mintiitii kiimaq unirai shii maq taqlaq. Kra kheathum na cherubim sumla thun ka chhang waiqlaq.

DUNGWVNC 27:16

Kiimaq kilamchong kra miitu kheathum ka alu nü na mitar 9, müsaisai raihi-nairai ka raiwai, mintiitii, kiimaq unirai rongshii maq ataq riichang. Raüta rai maq sumla aheawiq achhang awaiqthü riichang. Arka khamchong blai ka khamjichong bu blai thaq na atiinga kiijaq tiikha chan chang.

DUNGWVNC 28:15

“Ajong Pinthum Ramwe khuk na samchang kheaphu ashi klolaq. Arka Shiikeawe raq tiimatlaq kra sap miitu lang chang. Arka asii kheaphii klotaq kra phan hupsam maq klo chang. Kiimaq atiimiikhiiq waiq chhangtaq kiimin kiikhiisii chhang chang.

DUNGWVNC 28:39

“Kiimaq Aron samtong ka müsaisai raihi-nairai maq taq laq. Kiimaq akhuphok kiimin müsaisai raihi-nairai maq taq chang. Kiimaq khea shinket kriimin rai maq atsomwiq waiqchhang raüta klochang.

DUNGWVNC 35:11

Tombutiip kra, kra shap chang thun kra, kiimaq akii tro tuk chang thun kra, kiijaq langchang khaiq thun kra, tiip riikom sürii chang hupsam thun kra, khetuk chang pumpat thun kra, khamchong thun kra, kiimaq khamjichong bu thun kra;

DUNGWVNC 35:15

homseng honglu chaqchang berong-wacha nai kra pichang pepum wiinai kra; ramram chang tel kra; ahomwiq-homseng honglu kra; Tombutiip na wachang kilamchong na chanchang kheathum kra;

DUNGWVNC 36:37

Kiimaq Tombutiip mong na nyap wa chang kilü na chan chang khea thum ka tsangshiq raq müsaisai raihi-nairai maq, raiwai, mintiitii, kiimaq uniraishii maq traihihi raüta taqto. Raüta sumla awaiq angon rai maq kiijaq chhang raüta tiimii khiiqto.

DUNGWVNC 38:18

Kra kilamchong na chanchang kheathum ka müsaisai raihi-nairai maq raiwai, mintiitii, kiimaq uniraishii maq trai trai raüta ataq kiimaq rai maq atsomwiq awaiq angon chhang raüta aklo. Kriika alu nü na 9 mitar kiimaq adü lu nü na 2 mitar. Keathung ruk chang kheathum kra niq ri ri sii aklo.

DUNGWVNC 39:29

kiimaq müsaisai raihi-nairai maq kiimaq raiwai rai, mintiitii rai, kiimaq uniraishii maq ataq khea shinket, raüta atsomwiq rai maq achhang khea thun ka Tatiwe raq Mosheq ma aming kuqtaq kra phan phan kloto.

DUNGWVNC 39:33

Raütiishe tsangshiq raq Tombutiip nai amii akhiiq hupsam thun ka tlotli, khaiq thun, ariikom thun, riiqse pum thun, khamchong thun, kiimaq khamjichong diim thun kra;

DUNGWVNC 40:5

Kiimaq chaq berong-wacha homseng honglu chaq chang ka Tongshong Tek khaki na tolaq. Kiimaq Tombutiip na nyap wachang kilü kheathum kra chanlaq.

EJEKIEL 16:10

Latiishe Ngi raq ümniima awaiq angon khea ahea samtong jong kaü kra tiisam kuqkang kiimaq ngamkhii hokpa ahea pinthum kra tiipa kuqkang. Kiimaq ümkhu job chang raihi-nairai khea kuqkang. Kiimaq nairai khea samtong jong kaü tiisam kuqkang.

WEAWEA 3:25

Tsangshiq ka Tombutiip, tiip mong pang chang thun kra, wukhu shap chang hupsam thun kra, kilam chong kheachan thun kra,

WEAWEA 9:15

Tatiwe asi Tombutiip ka chan wan akhing ranaiq na, phumda kaü ka sat kito. Raüta tiip ka wiita pang baiqto. Rawa niika kra phumda kaü ka watu kaü ikha riito.

John 10:9

Ngi ahata skukhok kilamchong. Juwa ngi lümaq khok mong na watlaq, kriika khup wong kuqshat mirüm kom wan. Apaiq ka dongki dong wa mihaisiq. Apaiq dung chang nyiimrü ka tlung tiiwii mihum phaq.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”