DUNGWVNC 26:1 - ASII LAKDAP Bible (BSI)

¹ “Asii Tombutiip, Ngi asi Tombutiip mong thun kriika müsaisai raihi-nairai ka raiwai, raishii kiimaq unirai shii maq shot raüta ataq thumjong thum roqshi kriimaq hailaq. Kiimaq kriithun ka rai maq cherubim sumla thun ka khea kiijaq waiq chhang chang.

Hawa Naga Bible 2001

¹ “Ngaz httax taungx Tap kuex, ruiy vhvlx maq, kakiz nvm-yaz, pasic nvm-yaz, khelbuenx ruiyshawx htenc maq vtauk vjuinc juing khvymvnz rokshiz maq tvhungx shuiuz. Vjuinc juing htenc kvyuq kherubim yac wuiyq tvhungx shuiuz.

DUNGWVNC 26:1 Referencias Cruzadas

2 SAMUEL 7:2

Kiijiishe hokhamwe shammiwe Nathan ma nguto, “Liilaq, ngi ka ümchaü ijam sedar pe maq ahai jam na sitiikang. Shatmaq Shiikeawe Tongshong Tek ka tombutiipse mong niili tiithütlo!”

1 HOKHVMX 6:29

Kra khok jongti nai kra tapmong nyang khokti khechong thun kra kunli cherubim kaütiim sumla thun, taitsi chong thun sumla thun kiimaq pepü tu phong ka khechong na wat raüta awaiq kriimaq tiimii khiiqto.

1 KAÜWA WERAÜ 17:1

Hokhamwe Dawit ka ümchaü apaiq hokham jam niishe sitlo. Ranaiqshi apaiq raq shammiwe Nathan ka tiihea wato. Raüta apaiq ma akha nguto, “Liilaq ngi ka ümchaü maisak pe maq ahaiha jam na chamtraq sitiikang. Shatmaq Tatiwe Tongshong Tek ka tombutiip niili sitlo!”

1 KAÜWA WERAÜ 21:29

Kra akhing na Mosheq raq kumtsaiphii rumnyangkhi binjü maq ahai Tatiwe asi tombutiip nai honglu kechang berong-wacha ka Gibeon chela na shaqli riito.

DUNGWVNC 25:18

Kiimaq chaq tiiphin tiiq laüta cherubim kaünai klolaq.

DUNGWVNC 25:4

müsaisai raihi-nairai; kheawai, mintiitii khea, kiimaq ashii umnirai; chhechhibin maq ataq khea;

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 26:2

Kheathum loweatek ka ajong alu na mren chhaq siisaq riichang. Alu nü na mitar roqshi ri mitarnai kiimaq ajong nü na mitar roqshi ri mitarnai.

DUNGWVNC 26:31

“Kiimaq achan chang kheathum kaü ka müsaisai raihi-nairai ka raiwai, mintiitii kiimaq unirai shii maq taqlaq. Kra kheathum na cherubim sumla thun ka chhang waiqlaq.

DUNGWVNC 26:36

“Kiimaq Tombutiip na nyap wa chang kilü ka kheathum ashi müsaisai raihi-nairai, raiwai, mintiitii, kiimaq unirai rongshii maq ataq kiimaq rai maq sumla atiitsom waiq chhang kra kilü ma tiihonglaq.

DUNGWVNC 31:7

Ngi asi Tombutiip kra, Tongshong Tek kra kiimaq kra pang chang kra, kiimaq Tombutiip mong na thüchang hupsam thun kra,

DUNGWVNC 35:11

Tombutiip kra, kra shap chang thun kra, kiimaq akii tro tuk chang thun kra, kiijaq langchang khaiq thun kra, tiip riikom sürii chang hupsam thun kra, khetuk chang pumpat thun kra, khamchong thun kra, kiimaq khamjichong bu thun kra;

DUNGWVNC 35:35

Tatiwe raq tsangnai ma phanrap phanrii jaqsham sma thun ka among na wat raüta shaq wan, sumla sürii wan, müsaisai raihi-nairai kheataq wan; raiwai maq, mintiitii maq, kiimaq unirai riiqshii maq kheataq wan ningkun ka kuqto; kiimaq laihin kheataq phaqchi min kuqtoshe. Tsangshiq ka phanrap phanrii jaqsham atsin siisaq kiimaq phan phan sumla sürii jaqsham ka atsin siisaq.

DUNGWVNC 35:6

kiimaq müsaisai raihi-nairai, raiwai, mintiitii rai, kiimaq uni raishii; chhechhi bin maq ataq khea;

DUNGWVNC 36:35

Kiimaq tsangshiq raq achan chang khea thum ka müsaisai raihi-nairai maq, raiwai, mintiitii, kiimaq uniraishii maq trai trai raüta taqto. Raüta kiijaq awaiq angon rai maq cherubim sumla thun kra chhangto.

DUNGWVNC 39:3

Tsangshiq raq chaq ka pisaisai diimsetiim tiiqto. Raüta kiiwa pisaisai diim ransetiim hanto. Raüta kra diimsetiim maq müsaisai raihi-nairai krai, kiimaq raiwai, mintiitii, kiimaq uniraishii krai riishot raüta khea ka taqto.

DUNGWVNC 40:2

“Apha wan jipi wa jiha ranaiqshi na Tatiwe asi Tombutiip ka shonglaq.

WEAWEA 3:25

Tsangshiq ka Tombutiip, tiip mong pang chang thun kra, wukhu shap chang hupsam thun kra, kilam chong kheachan thun kra,

WEAWEA 4:25

Tombutiip kra, kra Tombutiip wukhu wang mong na shapchang thun hupsam kra, wukhu rathongti shapchang thun kra, nintata ngamkhü diim thun hupsam thaq na pang chang diim kra, kilamchong na chan chang khea thum kra,

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 2:21

Shatmaq, Jesuq raq shomjam nguta chongtaq kriika apaiq khum kra ngo nangnga chongto.

Hebrews 8:2

Apaiq ka ümchaü, Asii thaq niimin Asii Khok siqlaitap niishe nga raüta, Ajong Pinthum Ramwe ma ja raüta, Shiikeawe shomnoq jaqsham tlo. Riita ara chongtiikai, ramungtan na sitlaq, Shiikeawe shomnoq chang chiisan jolitiip sitlaq kriika, Tati Shiikeawe raq ahai. Maiqse jaq maq ahai ka riimak.

Hebrews 9:2

Shiikeawe shomnoq chang ka tombu maq, jolitiip chan tlo. Kra tiip ka among na khok anai asi. Rin khokti kriika, Asii khok nguta ngutlo. Kra khok mong niika, piijongteng tochang nai ramwebi raq Shiikeawe ma honglu na akuq winsii thü chang chamrii thü tlo. Chamrii na winsii ka thü ruq phan.

Hebrews 9:9

Ara jolitiip maq shiiton raüta chongkuqtlaq arka, ümchaü pat na sitlaq ara miituli. Arka maiqse raq aphaq asea chang phan honglu hongtan kuq tlaq, kiimaq nyamse kra ta raüta kuq tlaq kra riika Shiikeawe shomnoqtibi tsan nai tsii ka kunkun siirairai ka tiisii kuq lot mak nguta chongtlo.

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.