DUNGWVNC 22:24 - ASII LAKDAP Bible (BSI) Kiimaq Ngi ka itsan mikhiq. Lata ümniika re na mitiitsaiha. Namnyungtiim ka manti nyungre miishe mijaki. Kiimaq namsetiim ka jechise kong miishe mijaki. Hawa Naga Bible 2001 Ngvy thuinkhaq vtueq nuimshiq kuex ralx nuex tvthueyc gay phaungx. Kvkaq nuimshiq taungnyuiuz hez kuex mvntix nyuiuz tamx yaungx vtueq, nuimshiq suiuz vsaz hez muinz nox jix sahez muex yaungx tuex. |
Kiimaq arthun khü akha arka, atritsi photsiimke chang nguta, thapthi wan kang. Krai mren, ngi raq welabi nai mung shiilangbi ka tiishut wan kang. Lata, “Namshiq raq maiqmiinok ata jehin nore ka jaram wa nanshan tlan!” nguta tsangshiq ka son kang. Latiishe, ara mungkha ara phoke miitu, ngongthung wan miitu mungmaiqse ka tiihea kang.
Jamkhano ngutiikang ngukla ngi ka Shiikeawe moho ma haitiikang, kriikha na ümtiikiimin akha ashut klo mang.
Abi maiqkong nai arot akiq kong raq ngi longwanto. Tsangshiq raq arot chong raüta ngi shaphaqtlo.
Apaiq raq maiq ma aliip jaü mak maq kampho tiinam kuqtlo, kiimaq apaiq ma tsiiqlap kuq raüta rung na arot saqse ma tiijalot mak, Jurwa arthun ara shamtlaq kriiti ka wranaiqshe khupwong kuqshat miraq.
Ümtsankhiq kham ke tak ka tsangshiq khuthaq na nyuk baiqlaq; ümmakshu tsankhiq walü raq tsangshiq mikhiimphaqlaq.
Shatmaq, Tatiwe lei, ümniimiika tarü haitlo. Ümtsan she khiqki raüla ümkhaki na jumin chapkham mak she.
Ümtsankhiq walü heng ka juro wiita sapta? Ümtsankhiq moktlaq kriiraq ümtinkhan wa mitiiphiip kra juro saptla?
Nam mung na manti-nyungre ka, khamjong chum kii na kumtsai riiphongtlaq thaq na apa. Ngi raq nam mung wa jerobi ka jerojong na jiipbaiqkang, lata anyungre thun tiichamchao tiikang. Ngi raq tsangshiq ka tiihanghiiq miili tsan among bunlaklak, phiiptsi ma tiitsaitiikang.
Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.
Re raq naiwetiim wiita jiipbaiqto, Kra ningkhan naishiq ma anyungtiim, mantinyungre siisaq she.
Kiimaq maiqmii Israilnok phan namshiq rai siti maiq ashi ra ka miitsan maiqse ma jaki raüta, apaiq ka maiqmii tiidung lot mak she jaki raüla, ümniiraq apaiq ka ningchang jaqshamti ma kuqtlaü kiikha, apaiq ka dunghea ratlo. Krai mren, apaiq ka ümtho na siraüta atra maq mitiipao lot.
Apaiq jaq wa amet ka naq jaükiq. Shatmaq Shiikeawe aming kra lang laq. Kiimaq ümkongtiwe Israil phan ka ümjamtho na tiisilaq.
Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.
Jaq achü maq, nanok ma kuq ronglaq. Shiikeawe raq namshiq ma mikuq. Ngi chongpha, Shiikeawe raq namshiq ma, asho awo athap raüta mikuq. Namshiq raq nanok ma kene na jamkho thapthi tlan, kra phan phan Shiikeawe raq namshiq ma mithap thikuq.”
Shatmaq ümniiraq pong mungti ma tiinam kuq tlaü, kriiwiikla amet jaüphaq mimai. Shatmaq ümniiraq maiqmii phan, Israilnok ma tiinam kuq tlaü kiiwiika amet naq jaükiq. Ara thungtri raütu ara lang laüta silaq. Kra riihaüla Tatiwe üm Shiikeawe raq ümniima mung kuqtlaq kiijaq hiq ka jiiwan laüta shong wan tlaü na, ümniiraq ümchuwa minshiiq tlaü kiijaq Shiikeawe raq achu mishman kuq.
“Ümtiikiiwa ümniiraq Tatiwe üm Shiikeawe ma sinkham tlaü, ümniiraq jamlai jaq misham kuqha ngutiiwa kiqkham laü kra tlin phin maimak. Jamlai kiqwa kham laü kriika klo raa dongdii. Tatiwe raq ümnaq sinkham bomtsi kriika thüshat miraq. Kra tiiku wan maü raüla, ümniima ngarai miraq.
Riita, arthun ara ningkhan, atra Shiikeawe jaqkhon mong na dea wa ngutlaq kriika, pinthum haisi chang!