DUNGWVNC 20:25 - ASII LAKDAP Bible (BSI) Kiimaq namshiq raq Ngi miitu long maq berong-wacha hai han jiila, kriika long ka asoq lanta naqhai rongkiq. Jamkhano ngukla namshiq raq long ka tson miishe soq hanla, kriithun ka Ngi miitu abi she. Alang maimak she miraq. Hawa Naga Bible 2001 Nuimhez rueq ngvy tvkoc lung shomrawx tvhungx ruiux yuq, vsawk vruez lung maq nauk tvhungx kaz, vsawk tvraz vruez lung maq vguirx khuec nuex kvruex kuex ngvy tvkoc shuimc muex aungx muq. |
Shomjam haichang longkaü thun kriika longsha khat kriimaq ahea wiq asok asiim wiita ajong alu na wiita thap thije thang na alo ikha tiihongje siisaq riito. Krai mren Shomjam hai lam miishe ka sintu buk trang, mang chap trang, kiimaq ja ajin trang ka ahüshe riito.
Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.
Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto.
Kra wuseno jam khok na chamrii blai nyamse wiipumtam maq wa na chaq chang honglu tatlaq kra tiijechang ka longpen kaütiim maq ahai. Kriika adii lu nü na sentimitar roqbiingi kiimaq chamrii raikhü thung ka tapshok ikha trotam na sentimitar roq miishi ri biingi. Honglu na akuq wan nyamse thun ta chang hupsam thun ja apiq thun tlotli ka ara chamrii arjaq siisaq thütlo.
Apaiq raq kra berong-wacha ka Tatiwe jaqshise, Mosheq raq Israilnok ma, jamkha haichang ngutiiwa aming kuqtaq, kra phanphan tiihaito. Mosheq raq akuq Thungtri na akha chongtlo: “berong-wacha ka ja ajin maq soqhü longkaü maq haichang.” Kra berong-wacha na tsangshiq raq Tatiwe ma wa na chaq chang honglu thun nai rintii honglu thun min kuqto.