DUNGWVNC 20:24 - ASII LAKDAP Bible (BSI)

²⁴ Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

Hawa Naga Bible 2001

²⁴ Ngvy tvkoc shomrawx kuex ghaq wawc tvhungx shuinz, kvruex htauk kvyuq shomc kuy tvkoc mkhelbuenx nuiyc manx htenc kuex vpumz maq jauk vtueq shomc nawk kuy nuiyc lux rvyaungc shomc nawk kuy rax. Ngaz muex nawk palx kuy tvkoc tvhungx shuinx baung htenc kvyuq ngaz kaz vtueq, nuimshiq muex ruimrix kuq phaungx.

DUNGWVNC 20:24 Referencias Cruzadas

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

2 SAMUEL 6:12

Hokhamwe Dawit raq Tongshong Tek ka Obed Edom tajam na si kha maq Tatiwe raq Obed Edom tahii ka pinthum achu shiiman kuqto kiimaq tsangshiq raq jamlai phan wa rümtlaq kra wiita shiiman kuqto nguta tsütsa ka taito. Kra ningkhan apaiq raq Tongshong Tek ka Obed Edom tahii jam wa Jerusalem chela niishe pinthum poi jonghea klo raüta lamkito.

1 HOKHVMX 8:29

Ranaiq rawa ara Shomjam ara liishat maq thülaq. Ara hiqba ara ümniiraq ümnaq shomnoq wan chang hiqba miitu she tseatsiiq wan laü. Ngi raq ara Shomjam nü na liilata achu jaü tiikang kra tre laq.

1 HOKHVMX 8:43

apaiq achujaü ka tre kuq laq. Ramungtan maq, ümsichang jam maq, apaiq achujaü ka tre kuq laq. Laüta apaiq raq ümjaq wa jamlai wa jaütlaq kra klo kuq laq. Krai mren mangjong maiqse kunli raq ümniirai mang mirsap wan laq. Raüta ümnaq aming kra lang raüta, ümsengi Israilnok kiikha misi wan laq. Krai mren she tsangshiq raq ara ngi raq haikang Shomjam arjaqli dea ümniika shomnoq chang ratlo ngutiishe tsangshiq raq misap wan.

1 HOKHVMX 9:3

Raüta Tatiwe raq apaiq ma akha nguto, “Ngi raq ümnaq achujaü ka trekang she. Ngi raq ara Shomjam ümniiraq pattup pat-sa Ngi shomnoq wan miitu hailaü arka, ümchaü Ngi raq iram kham maq tiibok kang she. Arka asii she. Ngi raq arka khebom kuqshat she mirha. Lata pattup khupwong kuq shat mirha.

2 HOKHVMX 5:17

Kra ningkhan she Naaman raq nguto, “Ümniiraq ijaq wa kongphiq jaümaü she dea nguho kaü jiiha, kumshot kaünai rii homa, arba arwa hiq klishe kuq laq. Kra hiq ka ngi raq ijam na howan pha. Jamkhano ngukla ümchaü armiiphat she ngi raq Tatiwe kra tlea lata ahin sumla phra ma nyamse honglu thun takuq mang she, kiimaq wa na chaq chang honglu thun kiimin laihin phrakaü ma kuq mang she.

2 KAÜWA WERAÜ 12:13

Jeroboam raq Jerusalem maq nga raüta mung siqto. Kiimaq apaiq hokham ningkun ka kai tiijong raüta pengto. Apaiq ka hokham ma jawantaq akhing na arawii ka wiiroqblai ri wiishi riito. Kiimaq apaiq raq Tatiwe raq Israil mung hamli na siti ma apaiq shomnoq chang hiqshong nguta atsea wan Jerusalem chela maq ngaraüta wiiroqshi ri wiimiishi siqto. Rehoboam ma anyung mang ka Naama. Apaiq Ammon mungti.

2 KAÜWA WERAÜ 6:6

Shatmaq ümchaü ngi raq Jerusalem ka ngi shomnoq wan chang hiq ba miishe tsea wan kang. Kiimaq Dawit ümniika isenginok kra peng wan miitu tuwe miishe shong wan kang.’”

2 KAÜWA WERAÜ 7:16

Jamkhano ngukla ngi raq arjam ara tsea wan kang. Lata arba arka pattup pat-sa miitu ngi shomnoq wan chang hiq ba ngutiishe asii ramkham tiibok wan kang. Kra ningkhan ngi raq khebom shat maq miriimkom wan ha. Lata pattup pat-sa khup wongkuq shat maq miriim wan ha.

EJRA 6:12

Riita, ümchaü min, Jerusalem kra apaiq Shomnoq wan chang chela nguta tsea tsiiq wantaq Shiikeawe raq ümriiti hokhamwe riiwa, lo ümra mungti riiwa, ngi raq aming kuq tiikang tri raü ara jin wan tlaq, raüta Jerusalem wa Shomjam kra tiithen baiq wan hajaq nguta tankhan tlaq, kriiti ka Shiikeawe riishetiq tsangshiq ka hokham ngachang ngacho kriiwa mido baiq laq. Ara aming ara ngi Derias raq kuq tiikang. Ara aming arka poshi min tiipoi raamak maq lang wan ratlo.”

NEHEMIA 1:9

Shatmaq tiina, namshiq raq maiqmii ngarai kra tiidii lanta, iwokhong na jang wan nonghan jiila; ngi raq namshiq ma jamlai aming tri wa khakuq kang, kra thun kra lang wan nong lanta shongnga wan nong han jiila; ngi raq namshiq ka iwokhong na hali mishea wan nong kang. Ngi raq namshiq ka ara mangjong hiqdiim ara hamli na; shokrap norii na atiipin jobaiq wan ha kiiwa; ngi shomnoq wan miitu hiqshong bashi tiihong tsea kang kriiba na hali mitriichom hea wan nong kang,’ nguta ngulaü.

Tvtsvmc 101:2

Ijaqsham athuk atsom jamshut ahü, Ümtinchowa ümnaq iphana mikihaü? Ngi ijamkun na tsantsii siirairai misiha,

Tvtsvmc 122:2

Kiimaq ümchaü nashiq ka ajiishe, Jerusalem ruk kilamchong thun mong niishe saüwakai!

Tvtsvmc 128:5

Tatiwe raq ümniima Jajon chela maq mishman kuqlaq! Ümrilung wiilü Jerusalem rongboq jawantlaq kra ümniima mitiichhi kuqlaq!

Tvtsvmc 134:3

Ramungtan nai mangjonghiq tiiqti Tatiwe raq Jajon maq namshiq mishman kuqlaq!

Tvtsvmc 74:7

Tsangshiq raq üm Shomjam ka tiithenbaiqto raüta wa maq chaqbaiqto; tsangshiq raq ümnaq shomnoq chang asii jam ka wiita tiisheshi baiqto.

Tvtsvmc 76:2

Apaiq jam ka Jerusalem chela na; Apaiq ka Jajon kin na sitlo.

Tvtsvmc 78:68

Kra rii na apaiq raq Juda phan she tseato kiimaq Jajon Higlam apaiq raq pinthum lungwiitlaq kriishe tseato.

DUNGWVNC 10:25

Kiijiishe Mosheq raq treto. “Ikhla ümniiraq naishiq ma Tatiwe, naishiq Shiikeawe ma honglu na take chang kiimaq wiipumtam-chaqtlii honglu kechang nyamse thun ka ümniiraq naishiq ma kuqlaq.

DUNGWVNC 18:12

Kiijiishe Jethro raq Shiikeawe ma wiipumtam- chaqtlii kechang thun kra nai laihin honglu kechang thun kriishe lan wanto. Kiimaq Aron nai Israilnok welabi kiimin tlotli apaiq raishe asii honglu ngam kra phaqsea wadam, kiimaq noqku lomdam apaiq rai wawan damto.

DUNGWVNC 20:25

Kiimaq namshiq raq Ngi miitu long maq berong-wacha hai han jiila, kriika long ka asoq lanta naqhai rongkiq. Jamkhano ngukla namshiq raq long ka tson miishe soq hanla, kriithun ka Ngi miitu abi she. Alang maimak she miraq.

DUNGWVNC 24:4

Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto.

DUNGWVNC 24:5

Raütiishe apaiq raq jerobi wiijam ka tiiwato. Kiimaq tsangshiq raq Tatiwe ma honglu thun ataakuq kra wa na chaqto. Kiimaq minsaü wiijam thun ka rintii-honglu na takuqto.

DUNGWVNC 27:1

“Kiimaq akasia pe maq berong-wacha ashi hailaq. Kriika tsingblai riichang. Alu nü na 2.2 mitar kiimaq ajong nü niimin 2.2 mitar sii riichang. Kiimaq adii lu nü niika 1.3 mitar riichang.

ISAIA 64:5

Jurwa tingting jaqsham ka chochikhiq maq shamtlaq kriiti ka ümniiraq ümwokhong na si miitu tao wan tlaü. Kiimaq ümniiraq lungwii tlaü kra phan phan chap nga wanti kra tao wan tlaü. Ümniika naishiq ma akhiq ariq siwan laü. Shatmaq naishiq raq ngarai ka klo wan ruqli siwankai. Ümtsankhiq wa kra chhitai shat shat taü miimin, man na richüpat miiphü naishiq ka ashut aphit klo wan ruqli siwankai.

LEWI 17:9

Tatiwe asi Tombutiip rinkea ba kra tlea raüta hiq hin ba maq honglu kra takuq raüla, kriiti ka Shiikeawe sengi nguta weamak she miraq.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 18:20

Ara jamkhano chongtiikang ngukla, ümbano i mang na maiq ka wenai lo wetsam lo nga tlaq, kiijaq tsangshiq rai ngi min lom damshat mirha.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

TRI CHONGKE 12:21

Kiimaq atiitsang noqku jam ba kra namshiq ma lam luhea niishe ngu raü jiika, namshiq raq maiqmii raq aroro hiq ba maq, namshiq jam nyamse minsaü lo riimakla sku lo Tatiwe raq namshiq ma kuqtaq kriiwa ta lanta, ngi raq namshiq ma chongkuq kang kra phan phan, namshiq jam maq phaq sea mimai.

TRI CHONGKE 12:5

Namshiq maiqphan ümchuwa sitlan kra hiqshong thun liipan wa, Tatiwe raq hiqshong bashi atsea miraq. Kra hiq na namshiq tarü kilanta apaiq man na chap lanta apaiq ka shomnoq chang.

TRI CHONGKE 14:23

Kra laüta Tatiwe üm Shiikeawe raq apaiq shomnoq chang hiq bashi tiitsang dada pong na tsea raüta thütaq kra hiq na kilili riilaq. Kra laüta kiijaq apaiq man na ümniiraq bunwong, spiqtai, kiimaq olip tai, kiimaq üm minsaü nai üm skuse chhikhu-anyung thun honglu kra phaqsiqlaq. Ümniiraq akha klolaq. Arka ümniiraq wranaiqshe Tatiwe üm Shiikeawe ma shreng manto kewan sap miitu.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

TRI CHONGKE 26:2

namshiq maiq loweatek raq tü atsam wak wa jamlai wa apha shaq shaq jutlan kiiwa wiijam taükok na thü ratlo. Kra laüta ümniiraq noqku chang hiq bashi tiitsang dada tiihong tseaje kriijaq lamholaq.

TRI CHONGKE 7:13

Apaiq raq namshiq ka milungwii kiimaq namshiq ma mishman kuq. Krai mren namshiq ka maiq pahea mipuchi wan han. Kiimaq namsetiim ka pahea miraq. Apaiq raq namshiq wak ram thun kra mishman kuq. Krai mren namshiq raq bunwong, spiqtai, kiimaq olip tsai thun chamtraq rongboq milap han. Kiimaq apaiq raq namshiq nyamse kong ka pahea mitiipu kuq. Kiimaq skukong ka pahea mitiipu kuq wan, Apaiq raq namtitiim ma mikuqha nguta kiqkham kuqtaq kra phan Kanan mung na namshiq ma arthun achu shiiman ara mikuq.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.