DUNGWVNC 19:15 - ASII LAKDAP Bible (BSI) Kiimaq Mosheq raq tsangshiq ma chongto, “Shinap ranaiq miitu tiijeshat ronglaq. Kiimaq namshiq ka jechakre rai adam hainga raamak.” Hawa Naga Bible 2001 Moshe rueq tsuingshiq muex ngoc, “Shuimnvp raungnuiyq tvkoc tvyoalc taq shuinz, majuiuc baunglaung miqmac taungnyuiuz rulx rulc muinz nauk woalc naungx kaz,” ngoz tueq jungx tueq. |
Apaiq raq Lewinok ma akha chongkuqto, “Namshiq ka Lewi weraü phan welabi ashun asheati. Arningkhan namkhum ka tiisii rong laq. Kiimaq namnok namta Lewi phan maiq thun kiimin khum tiisiije maq thürong laq. Krai mren namshiq ka kilanta Israilnok Tatiwe Shiikeawe Tongshong Tek ka lamki lantea ngi raq athüchang hiq bashi tiihong kang kriijaq mithü wan han.
Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.
Kiijiishe Mosheq ka pum wa satkito. Kiimaq mungmaiqse ma noqku miitu tiijeshat ronglaq nguta chongto. Krai mren tsangshiq raq tsangshiq khu akhea thun ka kham maq heto.
Ranaiqtsam ngoja ranap na ramoktrang nai rachhaiwa trang she riiwanto. Kiimaq pum ka phumda theapak pak raq pang wanto. Kiimaq nüchhong lerongtsü ka henghea lang taito. Piitiip na siti mungmaiqse kunli ka akü anyii tiikhaito.
Mungmaiqse triitam ronglaq, mungmaiqse tiisiidii ronglaq, nyungwere riichom ronglaq. Nosere kiimin pünyangtibi kiimin, riichom rong laq. Maita riilamnye kiimin, maiqmii tap ka lilanta dong ronglaq.
Kiimaq jechak nai maiqwe liipan na adam hainga raüla, tsangnai wiita maiqwe riimin jechak riimin jü heraatlo. Kiimaq tsangnai wiita raji na saüli ashe miraq.
“Riita, ara chongtiikang akha, Israilnok lei, ngi raq namshiq kha ka mipho ha. Lata namshiq ka mitiichamchao ha. O, Israilnok lei, namshiq Shiikeawe rung na chap ma, khekham sirong laq!”
Kiimaq atsam ngoja kumrang leng hitti ka ronglü kaü nai riito. Kiimaq kumrang leng blai ngoja hitti kumrang kaü nai rong ka tsamrü tsamra riito.
Kiimaq ramwebi nai shammibi ma akha tiiwaikito: “Riita naishiq raq man na rawii ümchuwa leawankai na ümkhiiwa rawiitek aho anyi raüta Shomjam shiithen baiqtaq ningkhan, amang maq achu jaü ka jipi lübiingi angu na lang wan tiikai kra, ümchaü min lang wan ruq li shea mirhai?”
Shatmaq apaiq saükai ranaiq akhing kra juwero minin lot? Apaiq saüki raü jaq, asham ka juro miliilot? Richikhü wabun maq raihi kheathum alum ikha henghea miraq. Kiimaq jinpan ka khiwa na shu raüta jinpü tiikhiim tiiqbaiq tlaq ikha wa na tiike shu raüta mitiiq wan.
Krai mren namshiq kiimin Maiq Se saükai kra khewan wranaiqshe tiijeshat maq sichang. Ara jamkhano chongtiikang ngukla Maiq Se ka namshiq raq misaüki sham nguta tiima ra wan man bala apaiq ka tiidong chhaq miili misaüki.”
Ashi raq ashi ma naq khun nü rongkiq. O, kiimaq namshiq sinyung siwe liipan na adam maq kiqri lanta, jaqlo miitu achu jaü ma nguta heashi liipan trai rii kla jam min bimak. Shatmaq tiina kra akhing kra lea jai she ka, ata jamkha sichang wa, kiikha singa i ronglaq. Akha singa han jiila, namshiq ka Thawe raq bi tsan tlaq kiiwa tiichhii shat mirhan. Arka namshiq liipan na maiqmii stiq skhaq alu silot man riitlan kra ningkhan ngutiikang.