DUNGWVNC 19:16 - ASII LAKDAP Bible (BSI)

¹⁶ Ranaiqtsam ngoja ranap na ramoktrang nai rachhaiwa trang she riiwanto. Kiimaq pum ka phumda theapak pak raq pang wanto. Kiimaq nüchhong lerongtsü ka henghea lang taito. Piitiip na siti mungmaiqse kunli ka akü anyii tiikhaito.

Hawa Naga Bible 2001

¹⁶ Raungnuiyq thuimx vngoz raungnvp kanx nuex raungmuk, raunglep vtueq phuemx htvy hvlc daungx shiz kuex httuiuc kaz tueq, bolic thuic yunghvlc muinz kvtay tueq. Kvkaq jerak wawc miq htenc kuex hiyaz kvkhuirc wuez tueq.

DUNGWVNC 19:16 Referencias Cruzadas

2 SAMUEL 22:10

Apaiq raq ra ka chaiham chaihea riito; raüta ahok takiq na, phumnyaq dakaü phong, hiq na satkito.

YOBA 38:25

Rajun düthaü kai chang kham lam ka juro thuta? raüta rathaiq henghea walam ka juro tankuqta?

Tvtsvmc 50:3

Nashiq Shiikeawe kitlo, shatmaq kaishakshakse miika riimak; akhaki na walü henghea nyaitlo, atro na rathaiq henghea asi.

Tvtsvmc 77:18

Ümniiraq ra tiimoklaü ka atam alam küwanto, ra ka siimko maq riita siimko na hiqraikhü hamli chhai wanto; hiq ka atiikhai ban ban phewanto.

Tvtsvmc 81:8

Tai ronglaq, isenginok lei, ngi hon chongtiikang ara; Israilnok lei, namshiq raq ibom ara taihan jaq nguta ngi kai tsinngin tiikang!

Tvtsvmc 97:4

Apaiq rachhaiwa trang raq mangjonghiq ka wiita liliimtlo; hiq raq kra chhitlo raüta atiikhai rokrok riitlo.

DUNGWVNC 19:11

Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.

DUNGWVNC 19:15

Kiimaq Mosheq raq tsangshiq ma chongto, “Shinap ranaiq miitu tiijeshat ronglaq. Kiimaq namshiq ka jechakre rai adam hainga raamak.”

DUNGWVNC 19:17

Mosheq raq tsangshiq ka piitiip wa chiiphai na Shiikeawe rai riihumkai sheahoto. Raüta tsangshiq ka pumji chong na chapto.

DUNGWVNC 19:9

Tatiwe raq Mosheq ma nguto, “Ngi ka ümnaq pha na phumda theapak pak mong na mikiha. Krai mren mungmaiqse raq Ngi ka ümniirai riibom ka mitai. Raüta tsangshiq raq ümchaü armiiphat she ümniima mikam wan.” Kiimaq Mosheq raq Tatiwe ma mungmaiqse raq apaiq bom tretaq kra chongto.

DUNGWVNC 20:18

Riita mungmaiqse raq kra ramok trang nai nüchhong lerong tsü trang taito kiimaq rachhai watrang nai pum ka wakhuk raq mong wantaq kra chhito, tsangshiq ka haisitsi ma atiikhai rokrok riito. Kiimaq hiq lam maq luhea niili chapto.

DUNGWVNC 20:21

Shatmaq mungmaiqse ka aluwiq niili chapruq riito. Mosheq lam lamse li kra phumda nyaqdok dok mong maq Shiikeawe bomtlaq kra tho na wato.

DUNGWVNC 40:34

Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

DUNGWVNC 9:23

Kiimaq Mosheq raq anyeakii ka ra nü na tiinyi raüta doto. Kiimaq Tatiwe raq ramok rachhai amok dung dung tsak-hiiq trokto. Raüta hiq raikhü na tiiphongto. Tatiwe raq

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

NAHUM 1:3

Tatiwe ka mokhiq khiqmak phan, shatmaq apaiq ka ningkun jonghea rümti, Krai mren ashut aphit we ka, apaiq raq ümtiikii min tiijoq mak phan. Tatiwe ümbano khum tlaq, kiijaq rathaiq saü tlo. Ra na phum pong wan tlaq kra, apaiq jini chong wa, botkhulai akhuk!

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

TRI CHONGKE 5:5

Ngi ka kra akhing na namshiq nai Tatiwe liipan na chapkang. Lata apaiq raq jamlai bom wa chongtlaq kra namshiq ma tlü chongkuq kang. Jamkhano ngukla namshiq ka walütu kaü nyai raitlaq kriima ahai riilan kha ma pum na düwa man riilan. “Tatiwe raq nguto,

Hebrews 12:21

Kiijaq, Shiikeawe raq jamlai wa tiichhikuqtaq thun kriika, mak maq jang nai liilot mai chang henghea riito. Maiqphiip maiqjiip. Kriikha maq, Mosheq raq, “Ngi ha akii anyii rai nai aphiip ajiip rai la tli she, kiinyii raiho kang!” nguta bomto.

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.

Revelation 4:1

Arjai miishe hali, ngi raq ra nü na liikangta, ramungtan na kilü ashi ka atiidi raü chhikang. Kiijiishe, ngi ma kongkhu lak na chongketi, abom lerong tsü heng ikhiiwe kriiraq hali, ramungtan maq, “Ana wara. Ara rawii shiqwii hongtha wan chang bomchong sitlaq ara, ngi raq ümniima tiichhi kuq pha. Arthun arka hongtha wan chang dongdii,” nguta ngi ka heato.

Revelation 4:5

Kra hokham ngacho maq rachhai ralüp wa trang, ramok wa trang la chhai liip tlo. Hokham ngacho khaki na, wanii tu ka tu miishi tiiniishat maq chaqto. Kriika Shiikeawe wenyi miishi sitlaq kra.

Revelation 8:5

Raütiishe, rase raq honglu chaq chang khiqwin ka berongwacha wa, wa nyai tlaq wachan kra tsun raüta tiimali thüto. Raüta, kra wacha nyaitlaq kiimaq, mangjong hiq ka bok wanto. Kra wachan maq bok wantaq krai mren, mangjong hiq na ramok rachhai wa trang, kiimaq hiqjong muwa trang liishe riito.