DUNGWVNC 12:43 - ASII LAKDAP Bible (BSI) Tatiwe raq Mosheq nai Aron ma akha nguto, “Tiichhii Wan Poi thungtri ka arthun ara: Pongmungti raq ara Tiichhii Wan Poi dung ka phaqsea dam maimak. Hawa Naga Bible 2001 Yehowa rueq Moshe nuiyc Arun muex ngoc, “Vruex htenc kuex Tvlvy Wvnc Moalx nuex seng yaq tvrac rvtueq: pungnuk miqsaz rueq Tvlvy Wvnc Moalx ngvmx kuex phuiuz mvy muq, |
Kriithaq niimin, mungmaiqse Ephraim phan wa, Manase phan wa, Isakar phan wa, kiimaq Jebulun phan wa akirai thun ka tsangshiq khum ka tri na chongtlaq kiikha phumram kham maq bat hü tiisiihü miili ajiq aphiq li Tiichhii Wan Poi ka kloto. Kra ningkhan Hokhamwe Hejekia raq tsangshiq miitu akha achu jaüto:
Namshiq raq kra ngam ka taülaü khiq maq phaq chang. Jamkhano ngukla namshiq ka miirii samje maq alaü wan miitu khekham maq hokkop ka hok na para chhaq kiimaq maiqmii nyeakii ka jaq na doraq chhaq maq ngam ka phaq chang. Arka Tiichhii Wan Poi phaqsea, Ngi, Tatiwe shreng miitu.
Shatmaq maiqwere atho hanhüti raq phaqsea dam maimak. Kiimaq pong mungti namshiq rai ashong wanti raq Tatiwe shreng ara poi ara lomdam ro raüla, namshiq raq kriiwe jamkun wa maiqwere thun ka kongkhu atho ka hanke ratlo. Kra raüta apaiq kiimin noktiwe Israilnok phan she nguta wura maq tiiham wan ratlo. Kiimaq apaiq raq kra poi ka lomdam mimai.
Tsangshiq raq pong mungti atho hanhütibi kiimaq Ngi aming lang makti maiq phan ka, Shomjam na Ngi ma nyamse honglu na ataakuq ngampü nai ngam tiijai kuqtlaq akhing na Shomjam mong na tiiwa damtlo. Raüta wiita tiishe baiqto. Raüta isenginok raq Ngi raq tongshong raütu akhakuqha kra akha maiqphai asi jaqsham raüta tri raütu ka jin wanto.
“Ramwe tajamti riili asii honglu ngamrea thun kra miphaqlot. Ahinti jurmin arthun ara phaqsea dam maimak. Ramwe rai sidamti riimakla apaiq raq jaqsham miitu ningchang athü kriiti riimin phaqsea maimak.
Shatmaq manti-nyung riimakla, ramwe ma ase maiq ma awa tsangwe raq amiimbaiq kiimaq asetiim ahü kiimaq apaiq ka anyungwe jam na ajang wan awe raq dunghiqtlaq jiila, apaiq raq awe ramwe rii akuq phaqsea honglu thun kra phaq sea dam mimai. Ramwe jamtatitiim riili arthun honglu arwa miphaqsiq lot.
“Kiimaq namshiq phong na pong mungti sitlaq kriiraq Tiichhiiwan Poi ka lang wan lungwiitlaq jiila, apaiq raq thungtri na chongtlaq kiimaq aming thun na chongtlaq kra phan phan klo ratlo. Tri ka wiitarü miitu adamli. Noktiwe lo kiimaq pong mungti lo.”
Kra akhing na, namshiq ka Khristo rai mang riisap man maq silan. Namshiq ka Shiikeawe sengi phung na, pong man shaq li riilan. Krai mren, namshiq ka Pongnok phan maiqse, mangtang ralii phan nguta, silan. Krai mren, namshiq ka Shiikeawe sengi ma tongshong kiqkham raüpot khakuqtaq kra, ramram maq mitiiham wan shaqli riito. Kra ramram ka, Shiikeawe raq kiqkham kuqtaq kra thaq na seng raüta, asengi ma mikuq ha nguta, raüpot akhakuq wan kongphiq ka asi riito. Kiitincho ji na, namshiq ka, apaiq tongshong maq mitiiham wan shaq li kha maq, namshiq rilung na ara mangjong hiq maq, aranphan chang, namshiq jaq riiwiiq wan chang jaqpaq raü kiimin ahü miili siwan lan. Krai mren, namshiq ka Shiikeawe rai min, mang riisap man maq silan.
Shammiwe ashi ka Tatiwe tsütsa chongkai Eli phana kito. Raüta akha chongkuqto: “Man na ümti Aron nai ata awii thun ka Ejip mung hokhamwe di jatlaq akhing na, ngi ka Aron phana kilata, isham tiichhikuq kikang.