DUNGWVNC 12:48 - ASII LAKDAP Bible (BSI)

⁴⁸ Shatmaq maiqwere atho hanhüti raq phaqsea dam maimak. Kiimaq pong mungti namshiq rai ashong wanti raq Tatiwe shreng ara poi ara lomdam ro raüla, namshiq raq kriiwe jamkun wa maiqwere thun ka kongkhu atho ka hanke ratlo. Kra raüta apaiq kiimin noktiwe Israilnok phan she nguta wura maq tiiham wan ratlo. Kiimaq apaiq raq kra poi ka lomdam mimai.

Hawa Naga Bible 2001

⁴⁸ yuq muinz vhttoar gvnc guez jix rueq phuiuz svy mvy muq, mkhoc shoc maq nuimshiq rulc vdvmz httaz jix pungnuk miqsaz vshiz shiz kuex, Yehowa muex tvtsanc nganc kuy tvkoc Tvlvy Wvnc Moalx nuex lomx roc ruiux kuex, piq yuimx wawc miqwaz rulx lotlaz muex vhttoar kungkhux gvnz kuq shuiuz. Piq kuex Israel phvnx muex kvmuingc ruiux yuq jix moalx kvyuq nyuip lvp tuex.

DUNGWVNC 12:48 Referencias Cruzadas

RAPHA HIQWA LAK 17:11

Ümchaü armiiphat she ümniiraq loweatek maiqwese ka rawii chhi jai maq ratiichat she angu na athohan poi ka klo ratlo. Arka ümjam kun wa ümdisetiim rawii chhitlaq kriimin kiimaq ümniiraq maiq hiq wa arihaü disetiim kriimin athohan poi ka klo ratlo. Ara klo tlaü ahata ümnaq nai Ngi liipan na tongshong raükha ka asi nguta tiichhike saqse.

DUNGWVNC 12:19

Kra ramiishi liipan na namshiq jamkun thun na pi ka akhiismin si maimak. Jamkhano ngukla juli jiimin, noktiwe lo riimakla wanshawe lo, jurwa kra bala winsii ka pi maq shoje phaq raüla, apaiq ka isenginok phong wa weshi nguta weadam mak she miraq.”

DUNGWVNC 12:43

Tatiwe raq Mosheq nai Aron ma akha nguto, “Tiichhii Wan Poi thungtri ka arthun ara: Pongmungti raq ara Tiichhii Wan Poi dung ka phaqsea dam maimak.

EJEKIEL 14:7

“Ümtiikiiwa Israilnok phong wa maiq weshi raq, riimakla, tsangshiq rai sidamti pongmungti weshi ra raq, ngi ka miimbaiq thü raüta sumla phra thun kriishe shomnoq hotlaq, kra raütiishe shammiwe phana bom riiwaiwa watlaq, raüla, Ngi Tatiwe raq, apaiq ma bom ka mitreha!

EJEKIEL 44:9

“Ngi, Tati Rakaü Hiqwe raq, tantan maq ngutiikang, maiq juwa atho hanhüti pongmungti, jurwa Ngi aming lang makti, ka i Shomjam na tiiwa mang she. Pongmungti Israilnok rai siti kra dongdii min tiiwa maimak.”

EJEKIEL 47:22

Arka namshiq ma pattup tachong hupsam. Kiimaq pongnok phan namshiq rai sidamti kiimaq arjaq siji na tsangsetiim humtaq kriiti thun miimin, ümtiikiiwa namshiq raq hiq riichumtlan kiitiikaq tsangshiq miimin hiq ka pheake chang. Tsangshiq kiimin Israilnok maiq phan thun rai kongshi nokti sii nguta tlom wan chang miraq. Krai mren, hiq riichum tlan akhing na langlii lanta, langraq athaü thaü na, tsangshiq rii hiq ka michum kuq wan han.

LEWI 19:34

Namshiq maiqmii Israilnok jamkho makliishi maq liitlan kiikhiisii tsangshiq kiimin liironglaq. Kiimaq namshiq maiqmii ka jamkho lungwiitlan kiikhiisii tsangshiq kiimin lungwii ronglaq. Namtsan na tiitsang ronglaq akhing ashi na namshiq kiimin Ejip mung na wanshawe siwan lan. Ngi ka Tatiwe namshiq Shiikeawe.

WEAWEA 9:14

“Kiimaq namshiq phong na pong mungti sitlaq kriiraq Tiichhiiwan Poi ka lang wan lungwiitlaq jiila, apaiq raq thungtri na chongtlaq kiimaq aming thun na chongtlaq kra phan phan klo ratlo. Tri ka wiitarü miitu adamli. Noktiwe lo kiimaq pong mungti lo.”

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.