Biblia Todo Logo
La Biblia Online
- Anuncios -




DUNGWVNC 12:48 - Hawa Naga Bible 2001

48 yuq muinz vhttoar gvnc guez jix rueq phuiuz svy mvy muq, mkhoc shoc maq nuimshiq rulc vdvmz httaz jix pungnuk miqsaz vshiz shiz kuex, Yehowa muex tvtsanc nganc kuy tvkoc Tvlvy Wvnc Moalx nuex lomx roc ruiux kuex, piq yuimx wawc miqwaz rulx lotlaz muex vhttoar kungkhux gvnz kuq shuiuz. Piq kuex Israel phvnx muex kvmuingc ruiux yuq jix moalx kvyuq nyuip lvp tuex.

Ver Capítulo Copiar

ASII LAKDAP Bible (BSI)

48 Shatmaq maiqwere atho hanhüti raq phaqsea dam maimak. Kiimaq pong mungti namshiq rai ashong wanti raq Tatiwe shreng ara poi ara lomdam ro raüla, namshiq raq kriiwe jamkun wa maiqwere thun ka kongkhu atho ka hanke ratlo. Kra raüta apaiq kiimin noktiwe Israilnok phan she nguta wura maq tiiham wan ratlo. Kiimaq apaiq raq kra poi ka lomdam mimai.

Ver Capítulo Copiar




DUNGWVNC 12:48
12 Referencias Cruzadas  

Nuimshiq kuex majuiuc vmaq phaungc vtueq vjawc rac raungx tvjvt vngoz nuex miqwaz saz vngoz htenc muinz, nuimshiq yuimx maq vjawx dax miqwaz saz htenc muinz, pungnuk miqsaz wawc vruiyx dax miqwaz rulx htenc muinz vhttoar gvnc juing rvtueq. Vruex kuex nuimshiq nuiyc ngvy hvlwvl nuex vtaq bomkhvrc kuex tvkhic rvtueq.


Raungx mvshix tup nuimshiq yuimx htenc kvyuq wisiz tvy mvy muq, wisiz maq vtvhungx wanx phuiuz jix kuex kvruex mungx maq vjawx miq, rvmuq ngoz ruiux pungmungx maq vhttax kaz ruezruez ngvy miqsaz wawc tvdux gay rvhumc tuex,” ngoz tueq jungx tueq.


Yehowa rueq Moshe nuiyc Arun muex ngoc, “Vruex htenc kuex Tvlvy Wvnc Moalx nuex seng yaq tvrac rvtueq: pungnuk miqsaz rueq Tvlvy Wvnc Moalx ngvmx kuex phuiuz mvy muq,


“Israel miqsaz rvmuq ngoz ruiux Israel miqsaz rulc httaz naungc jix pungnuk miqsaz vshiz shiz kuex ngaz muex yix tvnungx shung kuq vtueq, yac yuimx htenc muex nawk palx ruiux, shvmmax waz rulc rvjungc phvnc tvkoc httuiuc kaz tuex kvkaq, ngaz Yehowa rueq piq muex tvralc kuq shaungx!


“Vhttoar gvnc guez pungnuk miqsaz htenc, ngvy kvjaz phvnx muq waz kuex Israel miqsaz rulc vdvmz httaz jix pungnuk miqsaz rvtueq ngoz ruiux doc muinz, ngvy Shomc Yuimx nuex nyuip lvp tuex rvmuq, ngaz Johvlc Yehowa rueq ngoz vshaungx.”


kvruex kuex nuimshiq muex pattup seng yaq ghaqphux tsak rvtueq. Nuimshiq hvlwvl nuex kv-httvp httax tueq pungnuk miqsaz htenc nuiyc kvruex ghaq kvyuq vjawx suiuz vsaz hez rueq muinz, nuimshiq rueq ghaq rv-phvlc ruiux yuq, ghaqphux tsak lvp wuez shuex. Tsuingshiq kuex Israel miqsaz rulc rv-ngvlc dvyx phvlx vtueq, Israel phvnx htenc rulc vdvmz ghaqphux tsak kuex hangchac maq rv-phvlc wuez tuex.


Tsuingshiq kuex miqmac nuk vgaq ikhoc tvyaungc vtueq, miqmac pumz lungwawx shuinx ikhoc lungwawx shuinz. Nuimshiq muinz Ejip mungx nuex wuinz shaung yaungx wvnc tuit lvmz kuex rvwvl wuez shuinz. Ngaz kuex Yehowa nuimshiq Tishox rvtauk.


“Nuimshiq rulc vdvmz nuex httaz naungc jix pungnuk miqsaz washiz rueq Tvlvy Wvnc Moalx moalx roc ngoz ruiux kuex, piq rueq moalx nuex seng yaq phvnc juing tvrac htenc kuex phvnc rax. Vphvnx miqsaz rueq rvmuq ngoz ruiux pungnuk miqsaz rueq tvrac htenc vruex phvnc rax.”


Kvkhoc rvtueq Yuda miqsaz nuiyc Pungnuk miqsaz ngoz tueq muinz, dax nuiyc dax rvmuq miqsaz ngoz tueq muinz, miqwaz, yalxjuik ngoz tueq muinz thvl httauk juing vguez shex, nuimshiq lotlaz kuex Christu Yesu nuex vshiz dvyx shex.


Kvkhoc rvtueq Heleni miqsaz nuiyc Yuda miqsaz, vhttoar gvnz tueq waz nuiyc gvnz muq waz ngoz tueq muinz, miq httuingx miqsaz, vtsvy miqsaz, dax nuiyc dungc wvnc miqsaz ngoz tueq thvl httauk juing lvmx vguez. Christu kuex lotlaz nuex httax vtueq, lotlaz tvyaungc lot yaq.


Síguenos en:

Anuncios


Anuncios


¡Síguenos en WhatsApp! Síguenos