DUNGWVNC 12:49 - ASII LAKDAP Bible (BSI)

⁴⁹ Kra tri ka Israilnok phan noktiwe miitu min kiimaq namshiq rai pongmungti ashong wan wanwe kriiti miitu min adam siili.”

Hawa Naga Bible 2001

⁴⁹ Israel miqsaz htenc nuiyc nuimshiq rulc vdvmz httaz naungc jix pungnuk miq htenc rueq muinz tvrac vruex dvyx phvnc wuez rax,” ngoz tueq jungx tueq.

DUNGWVNC 12:49 Referencias Cruzadas

DUNGWVNC 12:50

Kiimaq Tatiwe raq Mosheq nai Aron ma jamkho aming kuqtaq kra phan phan Israilnok kunli raq langto.

LEWI 19:34

Namshiq maiqmii Israilnok jamkho makliishi maq liitlan kiikhiisii tsangshiq kiimin liironglaq. Kiimaq namshiq maiqmii ka jamkho lungwiitlan kiikhiisii tsangshiq kiimin lungwii ronglaq. Namtsan na tiitsang ronglaq akhing ashi na namshiq kiimin Ejip mung na wanshawe siwan lan. Ngi ka Tatiwe namshiq Shiikeawe.

LEWI 24:22

Ara thungtri ka namshiq tarü miitu. Israilnok miitu kiimaq wanshawe pong mungti namshiq rai shongti miitu. Jamkhano ngukla Ngi ka Tatiwe namshiq Shiikeawe.”

WEAWEA 15:29

Kra thungtri ka maiq loweatek miitu jurwa hemak lam maq ngarai klotlaq, Israilnok phan noktiwe jiimin kiimaq pong mungti wanshawe raq klo raü min kiikhiisii klo wan chang.

WEAWEA 35:15

Arthun arka Israilnok miitu nai pongmungti namshiq rai jaqlo miitu siti lo kiimaq pattup nokti ma aja kaiwi thun kra tiipaükai chang chela thun miraq. Maiq jurwa shaiqshuq shi maq maiq tsattlaq kriiti ka arthun chela arjaq chela ashi ra na tiipaü juho chang miraq.

WEAWEA 9:14

“Kiimaq namshiq phong na pong mungti sitlaq kriiraq Tiichhiiwan Poi ka lang wan lungwiitlaq jiila, apaiq raq thungtri na chongtlaq kiimaq aming thun na chongtlaq kra phan phan klo ratlo. Tri ka wiitarü miitu adamli. Noktiwe lo kiimaq pong mungti lo.”

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.