1 Peter 5:5 - ASII LAKDAP Bible (BSI) Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.” Hawa Naga Bible 2001 Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq. Muklom Irimal hun jaro tang, nim tho miqlang tang jaktáng o tong inn. Nim thaji ashey eq ashey nong rangma tinmang ang inn, chammatakoi Shkewa tharangkatey ma miiksuk aa, etharin tinmang tey ma tinshit aa. |
Tiido laq ümchaüli, Tatiwe Shiikeawe lei, kiimaq ümnaq ningkun tu rii miithii ara Tongshong Tek kaü arai adam maq Shomjam mong na nyap wan dam laq. Laüta arjaq pattup pat-sa miitu shongnga wan laq. Laüta ümramwebi raq ümchuwa jaqsham wantlaq kra shiiman kuq laq. Kiimaq ümsenginok kunli ka ümnaq lungwii ram ram wokhong maq khoqriiq shishiiq she mishong nga wan laq.
Ngi raq wranaiqshe tingting jaqsham kli klo wan kang; kiimaq tri riikhaqli maq lang wan kang.
Ngi raq aramwebi ka tsangshiq raq jaqshamtlaq kunli na mishman kuqha, kiimaq asenginok ka khoqriiq shishiiq agilülü mishinge.
Ümramwetiim raq wranaiqshe tengman jaqkli misham laq; ümsenginok raq chojong chise mirüriiqlaq!
Ümniika ratsan ramong nyang na sihaü jiimin, ümniiraq wepuq wese thun shiililiitlaü, kiimaq shiikongkhiqti raq ümmaklii wa tiipaüki lotmak.
Jamkhano ngukla, wese ngachang wa, welabi ngachang na ngawakiq nguta achong ka, wela ngachang wa, wese ngachang na ngakikiq nguta achong thaq na ahea.
Maiqmii kli asap atsin nguta, akhü tiinga raü siti miika, Tatiwe ma jamliip ahü. Shatmaq tsannin wokninti miika, apaiq raq khrum kuqtlo.
“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.
Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.
Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.
Khamjong chumkii tro na siti maiq mung thun kiiwa hokhambi ka tsangshiq hokham ngacho thun wa hiq na misatki. Tsangshiq raq awaiq angon miirii samtlaq thun kra michhutbaiq. Raüta hiq na atiikhai rokrok minga. Tsangshiq raq ümnaq thenjen wan kra chhi raüta, tsang haisitsi ma atiikhai watrangli she miraq. Atsaq min tsaq mak mitiikhai.
Apaiq raq rekhat tang raüta kiimaq rewe phenlabi pahea tsatbaiq wantaq kra miitu, jarap jirap alachongwa lishe, mishkong siq. Shatmaq apaiq raq rekhat ka tangwan ruq tang mak miraq.
“Nyungwere ma kai anato ronglaq. Kiimaq tsangshiq ka pinthum shreng ronglaq. Ngi ka kai shreng lanta Ngi aming ka lang ronglaq. Ngi ka Tatiwe.
Shatmaq, namshiq liipan niika akha tiingo wan ka ra mak. Shatmaq, kra la na, namshiq phong wa juwa ajong pinthum nguta sitlaq, kriiti ka wiitarü thaq na aranse ma jawan ra tlo. Kiimaq, juwa ashun asheai we nguta sitlaq, kriiti ka, jaqshise ashi ma jawan ra tlo.
Phungmaiqse ka jamkhii riilungwii raüta siwan chang wa, kiikha riilungwii lanta shongnga ronglaq. Kiimaq ashi raq ashi ka shreng lanta si ronglaq.
Shatmaq, Tati Jesuq Khristo raq akuq rekhat chang miirii, khu aliiq, chuntsi nyiimwin kiimaq ko aliq thun kriimaq tiimiikhiiq laitiishe, tiijeshat maq rekhat miitu si rong i. Kiimaq namshiq khum wa ngarai han-ngam ramho jamlai phan wa sitlaq, kriika naq dung hiq rongkiq she.
Khristo ma anato lanta sitlan krai mren, namshiq liipan niimin ashi ka ashi wokhong na nyap lanta, riilam riilam maq shongnga ronglaq.
Ümchaü sanha, maiqmii mang jong tiima lanta, jamlai phan min naq kiimung rongkiq she. Kiimaq maiqmii kiidea ajong ala nguta tiima lanta, jamlai phan min naq sham rongkiq she. Shatmaq, maiqmii ka aranse ma ja lanta, nanok ka maiqmii ma maiqla lin, asap atsin lin nguta, tiima lanta si ronglaq.
Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.
Nyungwe maiqla ka mosontam naq sonkiq. Shatmaq, apaiq ka ümwe ikha shreng laüta, bomhea miili tru chongkuq laq. Arawii na ümniima anotiim ka, ümnotiim shaq ikha lii laq.
Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.
Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.
Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.
Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.
Shatmaq tsangshiq raq, maiqmii rilung ka mangjong hiq maq siji na jamkho shongnga wan taq, kra heshap thop kra, maiqse atra siti nai amaati sitlaq kra khapho keti we, Shiikeawe khaki na diike wan chang midong. Kra Khaphoke Ranaiq na juwa atra sijiiq, kriiti kha ka mipho kuq. Kiimaq juwa kra ranaiq atsai kaiwi she riijiiq, Shiikeawe raq tsangshiq ka amaa wa atiidong mirwan. Raüta tsangshiq kha ka mipho kuq. Shiikeawe ka kra ranaiq khapho kewan miitu tiijeshat maq sitlo.