1 Peter 5:6 - ASII LAKDAP Bible (BSI)

⁶ Aranse ma jalaq, ningkun ajong Shiikeawe jaqkhong na. Kiikha si haüla, apaiq raq akhing hongto angu na, ümniika ra na mido.

Hawa Naga Bible 2001

⁶ Kvkhoc rvtueq Tishox rueq vpiq muex hunghtaungx yaq vkhing httuiuc ruiux yuq, nuimshiq kuex mtenz pix shuex, Tishox hungc vlaungc httax yaq yauk khung nuex nuimshiq shauk gvnz kuex tvyomz vtueq httax kuinz.

Muklom

⁶ Iri rangma nim Shkewa ajong tarong jakkhung na tin thaman eq tong inn, ira ang ajo piq aa nim khakla rangham o tashat pha nin.

1 Peter 5:6 Referencias Cruzadas

1 HOKHVMX 21:29

“Liilaq, ümniiraq Ahab ka imakki na jamkho aranse miishe jakitaq kra chhi tlaü shea? Riita ümchaü min apaiq raq imakki na akha aranse ma jatlaq arningkhan, Ngi raq apaiq pat na kra chongkang chongthum chamchao ka tiisaü mang. Kriika Ngi raq Ahab ma ase pat niishetiq tsangta ma chongthum chamchao kra mitiisaüha.”

2 HOKHVMX 22:19

Kiimaq Ngi raq Jerusalem nai kiijaq siti mungmaiqse ka mitiithen baiqha nguta tiiphiipkang kra phat laüta, ümniika imakki na aranse ma ja laüta, ümdü wa ümkhu ümkhea thun kra chaiham chaihea riilaüta, ümra ka tiidii laü she. Ngi raq arka maklii jaina tiijang maimak phiiptsi jiiptsi hiqmiq changkhü ikha mitiithen baiqha. Maiqse raq arhiq mangchong raüta manson shiiton miishe mitiija baiq. Shatmaq Ngi raq ümnaq achu jaü ka taikang she.

2 KAÜWA WERAÜ 12:12

Apaiq ka Tatiwe wokhong na nyap wanong kha maq, Tatiwe tsankhiq raq apaiq ka tiimiq chuk lang lang ka tsat baiq mak dea riito. Kiimaq Juda wangti ka hansang maq sito.

2 KAÜWA WERAÜ 30:11

Li jiimin, Ashar phan, nai Manase phan kiimaq Jebulun phan wa maiq wiijamti ka Jerusalem na kai miitu tsan achhiiti min asi riito.

2 KAÜWA WERAÜ 32:26

Shatmaq atiisup niishe Hejekia nai Jerusalemti ka aranse ma jato. Kra ningkhan Tatiwe raq Hejekia mitsai shaq wiiwii mungmaiqse mo ka tiihomak riito.

2 KAÜWA WERAÜ 33:12

Achamchaotsi miishe apaiq tsantsii ka anin she riito. Raüta amiira ka tiiduto kiimaq Tatiwe apaiq Shiikeawe wokhong na nyap nongto. Kiimaq apaiq jaq wa khrum kuqlaq nguta achu jaüto.

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

2 KAÜWA WERAÜ 33:23

Shatmaq apaiq ka awe jamkho aran ma jaraüta tsantsii klaitaq, kiikha klai wan mak dea riito. Kiimaq Tatiwe wokhong na nyap wan mak dea riito. Apaiq ka awe nam miimin, tiinanpot bihea ngarai klo wanto.

2 KAÜWA WERAÜ 36:12

Apaiq raq Tatiwe makki na ngarai tangto. Kiimaq aranse ma jaraüta shammiwe Jeremia raq achong kuq Tatiwe bomtsi ka taimak dea riito.

YOBA 36:22

Shiikeawe ningkun ka jonghea kra tsan na tiitsang laq; apaiq kata maiqse ma shrinketiwe shra ajong pinthum.

Tvtsvmc 75:10

Apaiq raq abi maiqse kong ningkun tu ka mingoqbaiq, shatmaq kechu maiqsetiim ningkun tu ka atiijong mirkuq wan.

Tvtsvmc 89:13

Ümningkun ka henghea jonghea! Ümhongla ka pinthum jonghea!

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 3:19

Ngi raq asap-ha, Ejip mung hokhamwe ka ningkun maq tiichop hü maq namshiq ka tiiwa mak miraq.

DUNGWVNC 32:11

Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 40:4

Hiqwii aweatek na hiq tiima phonglaq; pum aweatek na tri thubaiqlaq. Kin thun ka hiq thung tan ma mijaki, kiimaq chongpok longrok hiqshong thun ka, nyeajokjok hea she miraq.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

JEREMIA 13:18

Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

JEREMIA 44:10

Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.

EJEKIEL 17:21

Asengi phenlabi ahea pinthum thun ka re na mitsai kiimaq aso atiichong ka wiita barap binrii na mitiipin baiq. Kiijiishetiq ümniiraq arka, Ngi, Tatiwe riidea toqtan kang nguta misap haü.”

EJEKIEL 21:6

“Maiqse lei, aran chang ahü she pitlang pitthea ümtsantsii bun wan ninlot maüshe ikha ahan anyi gan gulaq. Maiq wiitarü raq chhili chang rashra na chamchao tsi ma hansiqlaq.

DANIEL 5:22

“Shamtaq, ümniika ase kra taü miidea min, kiimaq krii thun mra pin wantaq kra sapshatshat taü miimin, ümtsii chhi laüta aran ma jamaü riitlaü.

LEWI 26:41

Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Matthew 23:12

Jurwa ngi ajong nguta tiima tlaq, kriiti ka atran mirbaiq wan. Kiimaq jurwa ngi ka aran nguta tiima tlaq, kriiti ka ajong ma mitiija wan.”

Luke 1:52

Apaiq raq honyung hokham ajongbi ka, hokham ngachang wa tiidea baiqto. Raüta tsanin wokninti ka tiijong luwanto.

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

Romans 5:6

Arka akha jamkhano chong tiikai ngukla, nashiq ka tsaija chhunja ngila ngu raü chamchao rai tiikai bala shon niili, Khristo ka Shiikeawe raq rahiq tiihongtaq akhing bala riikhaqli na, nashiq akhnok abi ngarai maiqse, ara khupi wan miitu tsaito.

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

1 Timothy 2:6

Ara miitu, Khristo Jesuq raq, apaiq miisaq ka honglu na kuq raüta, maiqse angu wiita ngarai kharü mong wa dokdaa wan miitu tsaito. Apaiq raq arilung ka honglu na kuq raüta, akhing riikhaqli na tsaito. Arka Shiikeawe raq mangjong maiqse kunli ka tiichhii wan ro tlo dea, nguta hakhi.

Titus 1:3

kiimaq akhing riikhaqli na apaiq raq kra apaiq tsütsa bomtsi na tiichhikuqto. Riita ara Tsütsa ara chongke arang ka ngi ma kiinong kuqto. Kiimaq ngi raq ara bomtsi ka Shiikeawe nashiq Chhiitiwe aming maq chii riim lata chongkuq tiikang.

James 4:10

Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

James 4:7

Arningkhan, namshiq ka Shiikeawe wokhong na sanglili maq, ahea wiq maq si ronglaq. Lanta Shiikeawe wokhong maq Thawe ka, along lanta jobaiq ronglaq. Kra riihan jiika, apaiq ka namshiq tho wa aju she mirho.

James 5:10

I phu i notiim Phungmaiqse kong lei, Tatiwe tsütsa chongketibi ra shammibi rilung ka nashiq ma lam sheaketi. Tsangshiq riimin la nashiq chamchao wankai akha, ümtinkhan wa litkot chamchao wamong maq lea wan raüta Shiikeawe tsütsa ka chongkuq wanto.