1 Peter 3:8 - ASII LAKDAP Bible (BSI)

⁸ Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.

Hawa Naga Bible 2001

⁸ Vtvsuip jungc roc kuex: nuimshiq lotlaz nuex phvlc rv-ngvlc thuinz maq rvhumc lvmz httax wuez kuinz, vdvmz dvmz phunox nyanox ikhoc rvlungwawc vtueq vdvmz dvmz rvmenjenc ruiux thuinz tv-nyenz wuez shuinz.

Muklom

⁸ Uthun ma, ashey tin ang eq tong inn, ashey eq ashey ma manchan takhi inn etho tatinmat eq tong inn, etho tinmang nia tinin ang inn.

1 Peter 3:8 Referencias Cruzadas

Tvtsvmc 103:13

Awe raq asetiim jamkho lungwiitlaq, ikiikha Tatiwe raq apaiq shrengtibi lungwiitlo;

TAKSU LAK 28:8

Jurwa kampho tiinam raüta, akheng atsinwiq jaütlaq, raüta apaiq ka chiithe ma jatlaq, kriiti tsiiq ka, miitsan maiqse mang chanti, jaq niishe mikiho.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

Matthew 18:33

Ngi raq ümniima jamkho mangchan tiichhi kuq wan kang, kiikhiisii hali, ümniiriimin ümkongti we ma mangchan tiichhike wan haü chang kata,’ nguta khiq hoto.

Luke 10:33

Kiimahali, Samariawe kiimin kra lam maq sii hali wanhiq kai saühoto. Apaiq raq ashowe ka chhito. Krai mren, atsan na kai mangchan tsito.

Acts 2:1

Raroq Biingi Poi akhing saü ranaiq na, kamasham maiqsetiim ka wiita adam maq jamshi na, riitam ngashat riito.

Acts 27:3

Kiimaq napjai ranaiq naishiq ka Sidon chela na saü wan kai. Julias ka Paul ma mangchan asi riito. Krai mren, Paul ma jamlai phan wa rong raa tlaq, kra akongtitiim raq mikhrum kuq laq ngo maq, Paul ka akongtitiim rai riihum nai riibom riinyiim, ahai asea lam miili shea wanto.

Acts 28:7

Kra hiq ba maq aje lin niili, maiq wakram ashi asi riito. Kra wakram ka kra, khamjong mong hiq kra pengti wela we wak riito. Apaiq mang ka Publias. Apaiq raq naishiq ka lungwii tsantsii maq tsangjam na tao wanto. Naishiq ka ranaiqtsam apaiq jam na hai wan kai.

Acts 4:32

Kra Phungmaiqse kong ka tsangshiq tarü, tiima tsantsii ashi maq siwanto. Tsangshiq tarü loweatek raq, jurmin apaiq jaq na jamlai phan hupsam wa sitlaq, kriika apaiq rii li nguta tiima mak riito. Shatmaq, tsangshiq tarü raq maiqmii jaq na jamlai wa asi, kriika kongtibi rai takshi pinshi maq riiphea riinyin phaqsiq raüta shongnga wanto.

Romans 12:10

Phungmaiqse ka jamkhii riilungwii raüta siwan chang wa, kiikha riilungwii lanta shongnga ronglaq. Kiimaq ashi raq ashi ka shreng lanta si ronglaq.

Romans 15:5

Riita, ija, ara chong tiikang arai mren, anin wan ningkun kewanti nai tsaido jido kewanti Shiikeawe raq, Jesuq jamkho siwantaq kiikha, apaiq jaiphan phan, namshiq liipan niimin, kiqshi tsiimshi maq siwan miitu ningkun mikuq laq, nguta achuli jaü tiikang.

1 Corinthians 1:10

Ngi ma nashiq Tati Jesuq Khristo raq, nashiq hupli thaq na shunshea wan arangke kha maq, ngi raq namshiq tarü ma ara tsii chongkuq tiikang; phunainotiim namshiq tarü tiima tsantsii ashi miili sirong laq. Bom riichong tlan na kiqshi tsiimshi maq ri ronglaq. Namshiq liipan na naq tiikhothiq rongkiq. Namshiq tiima tsantsii ka ashi li thü ronglaq. Kiimaq rekhu ashi miili si ronglaq.

1 Corinthians 12:26

Apum kiiwa han-ngam phushi kra chamchao raüla, apum na sitlaq han-ngam ka shokrap wa wiita mitsi. Kiimahali, thiqko la tiishomra raüla, wiitarü wiipumtam kra michochi siq.

Ephesians 4:2

Namshiq ka ümchaü sanha, wranaiqshe tsan na aranse ma ja lanta, sobsob bombom maq, kiimaq phanrap na, tsankhun maq, khe lanta si rong laq. Namshiq liipan na, phunainobi ma lungwiitsii rüm tlan kriika, tsangshiq rai chapshi ngashi maq sitlan kriimaq, tiichhikuq ronglaq.

Ephesians 4:31

Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.

Ephesians 4:32

Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.

Philippians 2:3

Ümchaü sanha, maiqmii mang jong tiima lanta, jamlai phan min naq kiimung rongkiq she. Kiimaq maiqmii kiidea ajong ala nguta tiima lanta, jamlai phan min naq sham rongkiq she. Shatmaq, maiqmii ka aranse ma ja lanta, nanok ka maiqmii ma maiqla lin, asap atsin lin nguta, tiima lanta si ronglaq.

Philippians 3:16

Ümkhiimiiwa, kiikha tiima wanti li siraü jiimin, nashiq tarü raq, ümchaü ranaiq na saüli jamkho siwan kai, kra tri raü ka sham laita, sinkhu na wawan ruq wawan rong i.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

Hebrews 13:1

Phungmaiqsetiim phunainobi rai, riilung riiwii maq shongnga ronglaq.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 2:17

Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”

2 Peter 1:7

Namshiq raq kongtibi Phungmaiqse wiitarü ka maklii ashi maq lungwii ronglaq. Namshiq raq nanok tarü ma lungwii tsantsii thü lanta sironglaq.

1 John 3:14

Nashiq raq asap i, ümchaü sanha nashiq raq amaa rilung lamphan ka baiqthü kaishe. Laita rawü rilung lamphan laitiishe shongnga tiikai. Nashiq ka rawü rilung lamphan laitiishe sitiikai nguta nashiq raq asap i she. Nashiq raq naphu nanotiim lungwii laita sitiikai ahata rawii rilung ngutiikai arka. Arkha maq jurwa phunaino lungwii mak maq sitlaq, kriiti ka ümchaü niitaq tsai lam ningkun kharü mong niili sitlo.