1 Peter 3:9 - ASII LAKDAP Bible (BSI)

⁹ Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.

Hawa Naga Bible 2001

⁹ Honc vbac kuex honc vbac maq, mvnhttonc mvntvmc kuex mvnhttonc mvntvmc maq nauk tvyez kuq kaz; kvkhoc ruec tvraung, ruimruimc kuy bomc tvyez kuq shuinz, yvmx khoc lac ngoz ruiux lec kvruex ruimruimc kuy bomc kuex vpiq rueq nuimshiq gvl wvnc tueq nuex nuimshiq muex kuy tvkoc Tishox rueq bomkhvmc kuq shec tueq.

Muklom

⁹ Jashit kaley jashit nak somlo inn etho junnam kaley junnam nak kot inn; etharin eshi kaley sunmaan kot inn chammatakoi Shkewa hal taphin tho nim ma sunmaan kot ma hal taphin.

1 Peter 3:9 Referencias Cruzadas

RAPHA HIQWA LAK 42:25

Joseph raq aphutiim thoila thun na tsam ka tuptup amachhaq sankuq ronglaq nguta aming kuqto. Kiimaq loweatek tsangshiq kampho ka tsangshiq thoila khiiq nüki na miikuq ronglaq kiimaq lamsea kri miikuq ronglaq nguta aming kuqto. Kriika miikuqto.

TAKSU LAK 17:13

Jurwa apaiq ma ahea jaqshamketi ma, abi maq songkuq tlaq, kriiti jamkun na abi jaqsham, raüchong micham wan.

TAKSU LAK 20:22

Ashut kiimung ka, ashut maq naqsongkiq. Tatiwe ma kamlaq; apaiq riitiq miphokuq.

TAKSU LAK 28:10

Jurwa kechu maiqse ka, lamjiq na sheaho tlaq, kriiti ka maiqmii thiikho na, maiqmiili midea wa. Shatmaq mitting maiqse raq poksi milap.

Matthew 19:29

Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 5:39

Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.

Matthew 5:44

Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Mark 10:17

Kiimaq Jesuq nai ajaqshisetiim ka tiido wan raüta awa rai, lam niishe riito. Kiijaq maiq weshi ka tlat chhat ju raüta, Jesuq khaki na, kaütsrong na ngasaq raüta, “Ahea Shrinketi we, ngi raq pattup rilung lap miitu jamlai jaqsham chang wa miraq?” nguta apaiq ma waito.

Luke 10:25

Kiimahali, Thungtri shrinketiwe ashi raq, Jesuq ka tiishut ma nguta, “Shrinketiwe, ngi raq pattup pat-sa tsitsü lap miitu ka, jamlai phan jaqsham chang wa miraq?” nguta waito.

Luke 18:18

Kra akhing na, Jehudi we wela we ashi raq Jesuq ma bom ka akha waito, “Maiqshaq Shrinketi we le, ngi raq pattup pat-sa rilung lap miitu ka jamlai jaqsham chang wa miraq?”

Romans 12:14

Namshiq tiichamchao wanti ma, Shiikeawe jaq wa achu shiiman kli jaükuq ronglaq. Arka ngohea shaqshaq chongtiikang. Achuli jaükuq ronglaq. Shiikeawe raq apaiq ma, manson kuq haü jaq ahea chang ngutiika naq jaü rongkiq.

Romans 12:17

Ashi ra raq namshiq ma ashut klo raüla, apaiq ma namshiq raq ashut maq hali ka, naq songkuq rongkiq. Nanok tarü raq ardea ahea nguta liitlaq, kriili apaiq ma klo kuq ronglaq.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

Romans 8:30

Krai mren, Shiikeawe raq ümriiti wa pong na athiiq raüta rairii wantaq, kriiti ka hea wanto. Kiimaq maiqse ümchu wa apaiq raq hea wantaq, kriiti ka apaiq rai wehea ma tiija wanto. Kiimaq apaiq rai wehea ma tiija wantiiti thun miika, apaiq khushü ngao kriimin riisha kuq wanto.

Galatians 3:14

Khristo raq, ara lamtan kuqwantaq arka, Shiikeawe raq Abraham ma achu shiiman mikuq ha nguta kiqkham kuqtaq kra, Pongnok phan maiqse riimin, Khristo Jesuq apaiq lümaq milap wan laq, nguta tankuqto. Arka nashiq raq kamtsantsii thü tiikai kra lümaq, Shiikeawe raq nashiq ma Asii Wenyi mikuq ha nguta, kiqkham kuqtaq kra milap wan laq nguta, Khristo raq ara lam ara tankuqto.

Ephesians 4:32

Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.

1 Thessalonians 5:15

Namshiq phong wa jurmin, abi ka abi maq naq songkuq rongkiq. Shatmaq, wiitarü ma, kiimaq namshiq nai namshiq liipan na, sham akai ahea phan shamke wan kli, tsan mong na wranaiqshe thü lanta sham ronglaq.

Hebrews 12:17

Kra shaphaq baiqjai she, maalam jai niitiq, apaiq raq awe jaq wa chhikhu we rii achu shiiman ka kuqlaq nguta, ümtinkhan wa hoqsiito. Shatmaq, apaiq miika kuq mak she riito. Jamkhano ngukla, apaiq raq jamlai wa shut lam tantaq kra, tiitanglot mak she riito. Apaiq ka makphai trok raüta rit wan nongto. Shatmaq, hum mak she riito.

Hebrews 6:14

Shiikeawe raq Abraham ma, “Ngi raq ümniima kiqkham kuq tiikang, ngi raq ümniima achu shiiman jonghea mikuq kang kiimaq ümlai ümla ka pahea, hiq ham ra ham she mitiipu kuq kang,” nguta kongphiq khakuqto.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

1 SAMUEL 26:11

Tatiwe riili naq ümtaikiq. Ngi raq ijaq maq Tatiwe raq ashong wan hokhamwe miisaq kriika tiithum mang! Nanai riika apiqkii nai akham tsabum chü kriili lam wan laita wawan pha.”