1 Peter 3:9 - Muklom

⁹ Jashit kaley jashit nak somlo inn etho junnam kaley junnam nak kot inn; etharin eshi kaley sunmaan kot inn chammatakoi Shkewa hal taphin tho nim ma sunmaan kot ma hal taphin.

ASII LAKDAP Bible (BSI)

⁹ Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.

Hawa Naga Bible 2001

⁹ Honc vbac kuex honc vbac maq, mvnhttonc mvntvmc kuex mvnhttonc mvntvmc maq nauk tvyez kuq kaz; kvkhoc ruec tvraung, ruimruimc kuy bomc tvyez kuq shuinz, yvmx khoc lac ngoz ruiux lec kvruex ruimruimc kuy bomc kuex vpiq rueq nuimshiq gvl wvnc tueq nuex nuimshiq muex kuy tvkoc Tishox rueq bomkhvmc kuq shec tueq.

1 Peter 3:9 Referencias Cruzadas

Matthew 19:29

Etho utang eq tho, i rangma ning him sha tia uno nia upho tang sha tia unu nia uwa sha tia usa tang sha tia upik haq tang sha shing chak ajo, ning aa irináng eq juk shashey wang eq tho ahan kapna etho pattuk rollung kapna.

Matthew 25:34

Esho Lungwang eq jakqhak kowang tang thima batna, ‘Nim thaji Iwa sunmaan kaptey tang, wangphin. Nim mingkang haq hun tok wang nga nim ma shing táng, nim mung shináng wang inn.

Matthew 5:39

Etharin nga nim ma bat phang, nim jamoq tashit tey shima nak wey tashit inn. Chamtey tey nim aqhako sham phang o wat phin jo, piq ma hangko shi tho wey nol kot inn.

Matthew 5:44

Etha nga bat phang, nim ralwa ma tinmat inn etho nim tahikham tey tang rangma romtam chu inn.

Mark 10:17

Jesu tunshat eq ukat angma ang atho, ashey miq jol eq piq jakho na langku o tong eq piq ma pitta, “Aqhal tatalteywa, pattuk rollung kap rangma nga chamlang som ching aa?”

Luke 10:25

Ashey thong tataltey thu eq Jesu tha tari eq pitta, “Tatalteywa, pattuk rolling kap ma nga chamlang somlot ching aa?”

Luke 18:18

Jehudi solwa ashey Jesu ma pitta, “Jaqhal raaq tataltey wa, nga pattuk rollung kap ma chamlang somlo ching aa?”

Romans 12:14

Tahitham tey tang ma sunmaan kot inn; ning ma sunmaan hun kot ching, mantun nak kot inn.

Romans 12:17

Jashit kaley utang jamoq tho jashit nak som inn; bara thaji miiksiin na jaqhal, esha somlot ma tathin inn.

Romans 8:28

Shkewa ma tinmat tey etho utin mongtham wang haltey rangma thaji raaq sha jaqhal ang aa ta, hiqtang aa usam eq i.

Romans 8:30

Bara piq aa adak eq shing ta ning tha piq aa halta; bara piq aa halta ning sha asing miq angma shingta; bara asing miq angma shingta ning ma uphun amun sha kot ta.

Galatians 3:14

Abraham ma kot ta sunmaan sha Khristo Jesu o Gentile tang ma thok rangma piq aa hiqtang sha thalun ta, irimal ang eq hiqtang aa kam tungkang o Tsija rangtum sha kap ni.

Ephesians 4:32

Eshi kaley, ashey eq ashey ma tinshit nia tinthin jamoq tong inn, etho chammal Shkewa Khristo tungkang o nim tolchak taphin eshimal hun ashey eq ashey shi tolchak inn.

1 Thessalonians 5:15

Utang eq tho jashit kaley jashit nak cham somlo aa, etharin salwet ashey eq ashey jamoq etho thaji jamoq jaqhal somlot ma hun tinthin shing inn.

Hebrews 12:17

Jio piq aa sunmaan kap ma tathin atho piq tha shingchak sey ta, etho miikshit takhong eq tin kaley eq tat tathin ta jo tho piq aa chamlang somlo ta tha jin kaley moq sey angta.

Hebrews 6:14

“Nga asing nang ma daqhan sunmaan kopha náng, etho ba susa tang tachat lot eq náng.”

1 Peter 5:10

Etharin nim chomrey tsamnang kap inn jo, tinshit tey Shkewa bara Khristo jam moq kara eq nim ma pattuk phun amun ma hal taphin, piq ni piq aa hun nim ma tarong, tinthajong etho jaqhal tatsing kot phanin.