1 Peter 3:7 - ASII LAKDAP Bible (BSI)

⁷ Phungmaiqse awesetiim lei, namshiq raq namnyungre ka samhea wiq lungwii lanta, shongnga rong laq. Tsangshiq jechakre ngutlaq ka, maiqwe nam ma tsan nin. Ata-nyungre ma jamlai phan wa rong raa tlaq kra, ahea wiq maq shreng lanta, shiikum pan kuq ronglaq. Tsangshiq min la, namshiq awere rai Shiikeawe kongphiq asak tsitsü rilung kra lap damti. Namshiq awesere raq akha namnyungre rai shongnga han jiika, Shiikeawe raq namshiq achu jaü ka mitre kuq.

Hawa Naga Bible 2001

⁷ Kvrulc rv-ngvlc vtaungx waz rulx lex, miqmac taungnyuiuz tamx kuex hungc vlaungc vyomx rvtueq kuex tuiuz tay kuq vtueq nuimshiq taungnyuiuz tamx rulc httax ngaungc wuez kuinz. Tsuingshiq kuex tvtsanc nganc shuinz, yvmx khoc lac ngoz ruiux lec tsuingshiq muinz nuimshiq rulc rv-ngvlc Tishox kox wawc rullungx tsak vnyvmx yauk noalc lvp wvnc jix hez rvtueq. Vkhoc shuimx kaz shuinz, kvkhoc ngoz ruiux jix nuimshiq rueq vjux thoz shuinx kuex yvmx rueq muinz vtuing vshaung tvyaungc muq.

Muklom

⁷ Irimal hun himteywa tang, nim atho nim himteynu tang jamoq jaqhal eq sam eq tong inn; etho ning sha anung ang ajo tho rangka eq shing inn, chammatakoi nim atho ning jamoq tinshit rollung jakkot kap nin. Irimal ang ajo nim romtam shina tángrang ahung angna.

1 Peter 3:7 Referencias Cruzadas

YOBA 42:8

Ümchaü min minsaü pongwetiim miishi kiimaq sku pongwetiim miishi hea wan lantea Job phana waronglaq. Lantea kriithun ka namshiq miitu honglu na kuq ronglaq. Raüla Job raq namshiq miitu achu mijaü kuq kiimaq ngi raq apaiq achu jaü ka mitre kuqha. Kiimaq namshiq raq jea ngaü phaq chang sitlaq kriiwa mitiiwong kuqha. Apaiq raq ngi miitu tengteng bom chongtaq kiikha namshiq raq chong man dea riilan.”

Matthew 18:19

“Kiimaq arthaq niimin abiri chongkuq pha. Ümtiikiiwa namshiq phong wa maiq wenai raq kiqshi maq ri lanta, phanshi ra miitu achu mijaü han, kra jaü tlan kra i We ramungtan na siti we raq namshiq ma mitre kuq.

1 Corinthians 7:3

Maiq ashi riika atawe ikha riikhaqli maq singa raa tlo. Kiimaq atanyung riimin, atanyung ikha riikhaqli maq singa raa tlo. Kiimaq ashi raq ashi ma jamlai wa raa tlaq, kra riikhaqli maq shiikum pan kewan raa tlo.

Ephesians 3:6

Riita, ara chong tiikai apaü raüta athü Shiikeawe jaqsham jaqthiq arka, Tsütsa Ahea lümaq Pongnok phan maiqse riimin, Jehudinok phan rai adam maq, Shiikeawe achu shiiman kriika lap wan damtlo she, nguta Shiikeawe raq tiichhi kuqto. Kra bomchong tiichhi kuqtaq kra, nangnga chong tlo. Tsangshiq noknai ri ka, ümchaü tashi wiishi miishe tiija wanto. Raüta, Shiikeawe raq, Jesuq Khristo lümaq, achu shiiman ümchuwa kuq tlaq kra, tsangshiq noknai ri raq, mren mra she lap tlo.

Ephesians 4:30

Maiq ma bom abi bom lanta, Asii Wenyi tsan naq tiibi rongkiq. Asii Wenyi namkhum na sitlaq kriika, namkhum ka Shiikeawe riishe nguta, Shiikeawe raq jaqkhaq raü atiipakuq. Arka Ranaiqshi Akhing na, Shiikeawe raq namshiq ka mitiichhii kuq dea nguta, Shiikeawe raq miithii ashong kuq wan.

Ephesians 5:33

Shatmaq, ara liichum arka namshiq miitu min chong tlo. Awesetek raq ata-nyung ka apaiq maiqmii khum mangchan tlaq kiikha mangchan raa tlo. Kiimaq ata- nyungtek riimin, awese ka kai shreng raüta shongnga raa tlo.

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

Colossians 3:19

Ata-were lei, nam-nyungtiim ka lungwii ronglaq. Kiimaq tsangshiq ma kiqla hiip-hii maq naq bom rongkiq she.

1 Thessalonians 4:4

Namshiq maiqwere loweatek raq, maiqmii jamti-nyung rai asii maq, kiimaq athuk atsom maq shongnga ratlo.

Titus 3:7

Ara raükhokkhok kuqtaq arka, apaiq kaphap mangchan khoqramkii maq, nashiq ka kei raüta, Shiikeawe rai wehea she tiija wan raüta, apaiq wokhong na tiisi wan miitu kuqto. Krai mren, nashiq raq ranphan tiikai pattup pat-sa rilung kra milap wan laq nguta kuqto.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

1 Peter 3:1

Akhiisii hali, Phungmaiqse ta-nyungre lei, namshiq min maiqmii we asetiim wokhong na saksi minmi maq shongnga raa tlo. Namshiq rong arai athuk atsom maq siwan kra chhi raüta, tsangshiq phong wa, weshi ra ka Tsütsa Ahea ma kam makti li siraü min, mikam wan. Akha shonga han jiika, namshiq raq tsangshiq ma kamwan ronglaq, nguta chongke rea ngo min rarai mak li.