1 Peter 3:7 - Hawa Naga Bible 2001

⁷ Kvrulc rv-ngvlc vtaungx waz rulx lex, miqmac taungnyuiuz tamx kuex hungc vlaungc vyomx rvtueq kuex tuiuz tay kuq vtueq nuimshiq taungnyuiuz tamx rulc httax ngaungc wuez kuinz. Tsuingshiq kuex tvtsanc nganc shuinz, yvmx khoc lac ngoz ruiux lec tsuingshiq muinz nuimshiq rulc rv-ngvlc Tishox kox wawc rullungx tsak vnyvmx yauk noalc lvp wvnc jix hez rvtueq. Vkhoc shuimx kaz shuinz, kvkhoc ngoz ruiux jix nuimshiq rueq vjux thoz shuinx kuex yvmx rueq muinz vtuing vshaung tvyaungc muq.

ASII LAKDAP Bible (BSI)

⁷ Phungmaiqse awesetiim lei, namshiq raq namnyungre ka samhea wiq lungwii lanta, shongnga rong laq. Tsangshiq jechakre ngutlaq ka, maiqwe nam ma tsan nin. Ata-nyungre ma jamlai phan wa rong raa tlaq kra, ahea wiq maq shreng lanta, shiikum pan kuq ronglaq. Tsangshiq min la, namshiq awere rai Shiikeawe kongphiq asak tsitsü rilung kra lap damti. Namshiq awesere raq akha namnyungre rai shongnga han jiika, Shiikeawe raq namshiq achu jaü ka mitre kuq.

Muklom

⁷ Irimal hun himteywa tang, nim atho nim himteynu tang jamoq jaqhal eq sam eq tong inn; etho ning sha anung ang ajo tho rangka eq shing inn, chammatakoi nim atho ning jamoq tinshit rollung jakkot kap nin. Irimal ang ajo nim romtam shina tángrang ahung angna.

1 Peter 3:7 Referencias Cruzadas

YOBA 42:8

Majuiuc manx pung mvshix rac khelbuenx pung mvshix kuex Yoba kox nuex lvmz laq vtueq, kvruex maq nuimshiq tvkoc shomc nawk juing tvyaungc vtueq shomc kuq shuinz. Kvkaq Yoba rueq nuimshiq tvkoc vjux thoz kuq kv-phuinx, ngaz rueq muinz piq vjux thoz bomc kuex tay kuq phaungx, nuimshiq yaq tuit mvrax rulc rv-ngvlc ngaz rueq murx tvgurc mauk. Nuimshiq kuex piq rueq shuimx wvnc tueq ikhoc ngvy lvmz kuex vlvmx khauk khauk jungx muit rvtuit,” ngoz tueq jungx tueq.

Matthew 18:19

“Kvkhoc rvtueq ngaz rueq nuimshiq muex vsuing jungx ix, ghaq htauk vruex maq nuimshiq phungc kvwawc miq wanueyc kuex rungx raz vtueq vjux thoz ruiux yuq raungmungx nuex httaz yaq Iwaz rueq muinz tsuingnueyc muex tvhungx kuq shuex.

1 Corinthians 7:3

Vtaungx waz kuex htungx httax yaq rulc rv-ngvlc vtaungx nyuiuz rulc m-guilc ngaungc kueq, vtaungx nyuiuz kvrulc rv-ngvlc vtaungx waz rulc m-guilc ngaungc vtueq vshiz rueq vshiz muex rax yaq kuex tvhungx tvmvrc kuy juing rvtueq.

Ephesians 3:6

Kvruex thuiuz sungx hvlc lvmz kuex shuenruenc bomjungc maq Pungnuk miqsaz htenc rueq Yuda miqsaz htenc rulc vdvmz nuex Tishox ruimrix kejux lvp wvnc vkhangx lvp tueq lvmz rvtueq; tsuingshiq kuex shauk pumz vshiz wawc gvnngvmx htenc rvtueq Christu Yesu maq Tishox rueq vkuq bomkhvmc kuex lvp luz wvnc vkhangx lvp wvnc wuez tueq.

Ephesians 4:30

Tishox Vsawc Siyac muex thuinz nauk tvbac kaz, yvmx khoc lac ngoz ruiux lec nuimshiq kuex Tishox rueq guimz yaq lvmz Siyac kuex hakhix tvtsuingc mvhttarc rvtueq, yix tvsuip raungnuiyq nuex nuimshiq kuex vpiq rueq palc daungc wvnc rvhumc tuinx lvmx khvmc kuy rvtueq.

Ephesians 5:33

Yuq muinz kvruex kuex nuimshiq muex muinz seng yaq: vtaungx waz tamx tek rueq vtaungx nyuiuz kuex piq shauk pumz rulc rv-ngvlc lungwawx rax yaq, vtaungx nyuiuz rueq muinz vtaungx waz muex tvtsanc nganc rax yaq.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

Colossians 3:19

Vtaungx waz tamx lex, miqmac taungnyuiuz kuex lungwawx wuez shuinz, tsuingshiq muex launglaung tsaungtsaung nauk ruez kaz.

1 Thessalonians 4:4

Miqwaz rulx tek vtueq miqmac taungnyuiuz rulc vsawc nuiyc tvtsanc nganc vtueq yvmx khoc httaz juing lac lvmx kuex tuiuz juing rvtueq,

Titus 3:7

kvkhoc shuimx wvnc lvmz kuex, naungshiq kuex vpiq kejux maq Tishox rulc tvtsuing tvrux kuy lvmx lvp wvnc vtueq, naungshiq rueq thuinz tvluimc vshix pattup rullungx kuex lvp wvnc tvkoc rvtueq.

Hebrews 1:14

Kvkhoc ngoz ruiux raungkamx bix kuex ukhaq lac rvtvnx? Tsuingshiq kuex palc daungc wvnc rvhumc jix htenc muex romc kuy tvkoc Tishox rueq vtvkaz bomc nvrc siyac htenc dvyx rvtueq.

1 Peter 3:1

Kvrulc rv-ngvlc vnyuiuz tamx lex, miqmac taungwaz rueq shunshvlx yaq kvkhoc phvnx wuez shuinz, kvkhoc phvnx vtueq nuimshiq nuex Tishox bomjungc muex kvmluimx muq shauk vtaungx waz lomx ruiux kuex, nuimshiq rueq phvnx shuinx honc vyaungc kvraq tsuingshiq kuex kvmluimx wvnc tuex, nuimshiq rueq nuix maq jungc kuy muinz rac muq,