1 Peter 4:5 - ASII LAKDAP Bible (BSI)

⁵ Shatmaq tsangshiq raq, maiqmii rilung ka mangjong hiq maq siji na jamkho shongnga wan taq, kra heshap thop kra, maiqse atra siti nai amaati sitlaq kra khapho keti we, Shiikeawe khaki na diike wan chang midong. Kra Khaphoke Ranaiq na juwa atra sijiiq, kriiti kha ka mipho kuq. Kiimaq juwa kra ranaiq atsai kaiwi she riijiiq, Shiikeawe raq tsangshiq ka amaa wa atiidong mirwan. Raüta tsangshiq kha ka mipho kuq. Shiikeawe ka kra ranaiq khapho kewan miitu tiijeshat maq sitlo.

Hawa Naga Bible 2001

⁵ Yuq muinz tsuingshiq kuex vtvraungx httaz jix nuiyc vmaungx jix muex phoc kuy tvkoc tvyoalc yoalx httax yaq Tishox kox nuex tsuingshiq vphoc vthamc rvhumc tuex.

Muklom

⁵ Etharin ning aa Shkewa raaq thawel kotching, piq aa atharang nia amáng tang phung ma kacha aa.

1 Peter 4:5 Referencias Cruzadas

Tvtsvmc 1:6

Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.

THARC TVLUINGC 12:14

Jamkhano ngukla, nashiq raq ümchuwa ahea abi klo wantiikai ka, ahukse maq aklo wan thun kiimin, Shiikeawe raq wiita kappe maq mishin.

EJEKIEL 18:30

“Riita, ümchaü, Ngi, Tati Rakaü Hiqwe raq, namshiq Israilnok ma chongtiikang, Ngi raq namshiq ka loweatek, apaiq raq jamlai jaq wa shamwantaq kriithaq na seng lata kha mipho kuqha. Namshiq raq abi ümchuwa klotlan kriiwa jang wan ronglaq. Kiimaq namshiq ngarai ma namrilung ka naq tiithenbaiq rongkiq.

Matthew 12:36

“Ngi raq chongtiikang arka tengteng. Phangthum Khapho Ranaiq na maiq khumtek raq maiqmii nübok maq ümchuwa shiiton hü maq bomtaq, kra bomtsi awea, apaiq raq bom tre chang miraq.

Luke 16:2

Kra tai raütiishe, apaiq raq achere we ka hea raüta chongto, ‘Ümniiraq i piikii ka atiisum riitlaü nguta, ngi ma nanok raq chong tlaq ara tengtaq riimak sha? Ümchaü min, ümniiraq, i tsiiq i nyam ümchuwa sitlaq kra, ngi ma kunli weake ra tlo. Ümniika ümchaü, i chere we ma jalot maü she.’

Acts 10:42

Kiimaq apaiq raq naishiq ma tsütsa ahea kra maiqse angu wiita ma chongke wan miitu arang kuqto. Kiimaq Shiikeawe raq apaiq ka maiqse amaati nai atrati kra kha phoke miitu phowe ma shongto nguta kholam kholiiq maq trahoke miitu naishiq ara hakhi miishe shongto.

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Romans 14:9

Ara jamkhano chongtiikang ngukla, Khristo ka tsaito. Raüta, amaa wa atra she dong wanto. Kra dong wantaq krai mren, ümchaü apaiq ka maiq atrati nai amaati khu thaq na Tatiwe sitlo.

2 Timothy 4:1

Ümchaü ngi raq ümniima, Shiikeawe nai Khristo Jesuq, Phangthum ranaiq maiqse atrati nai amaati sitlaq kra kha phoke wanti rai mantut na tiqtaq maq, ara asiq areng tsiichong bomtsi chongkuq tiipha ara, ümtsan mong na, tiitsangdada shaq laüta silaq. Khristo ka Hokham ma jaraüta munglang kai misaüho.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.