1 Peter 4:4 - ASII LAKDAP Bible (BSI)

⁴ Kiimaq ümchaü akhing na, namshiq raq ara chongtiikai thun ranyaq rilung lamphan na, thatsang maiqse rai pongdam man she riikanta, tsangshiq ka awang li she riitlo. Kiimaq tsangshiq raq namshiq ka ashummii li she riitlo.

Hawa Naga Bible 2001

⁴ Majuiuc nuimshiq kuex tsuingshiq rulc vdvmz nuex lenlauk vtueq rv-nyet rvshet vroroc rullungx tvraungx yaq jix phungc nuex lomx muit shex ningkhvnc nuex tsuingshiq kuex vwangc rvyaq, kvkhoc rvtueq tsuingshiq rueq nuimshiq muex shummarc ngoz ngax yaq.

Muklom

⁴ Thanga nim irimal jashit jaksom na ning jamna ang min, ethirangma ning patja ang aa etho ning aa nim junnam eq phin.

1 Peter 4:4 Referencias Cruzadas

Matthew 23:25

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq tak apin thun kriika akii ka samheawiq maq hetse tlan. Shatmaq tak apin mong niika namshiq raq ransu ranchang nai phusu lapliim tsii, kiimaq ningkun ningkaq tri maq jaqsham lanta alap luwan han tü adung kra riili ama sitlo.

Luke 15:13

Kra pheake jai maq jaqlo miili, anowe raq apaiq la hup asam kra asha riito. Raüta, kra sha kampho ka hoho raüta, apaiq ka wanhiq na kihoto. Raüta, apaiq ka maiq mung ashi luhea na tre hoto. Raüta, kra mung na akampho kiimin pili piilii, tuwan piiwan shaphaqto.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

2 Peter 2:12

Shatmaq ara chongtiikai arot shra bi arka, rum ngamse maiq raq bi tsan raüta tiimin phaq tlaq ikha, ahon atsii ahü, ngamsi ngiqsi li sitlo. Tsangshiq raq asii bomtsi wa jamlai wa taklot mak sitlaq, kriika asaisi lishe, shummiitlo. Tsangshiq ka rum ngamse jamkho tsaitlaq kiikhiili she mithen wan.

2 Peter 2:22

Tsangshiq ma mra pin wantaq kriiraq taksu bomtsi na chongtlaq ka tengto dea nguta hong wato: “Hi kaü riika, aphai da kra hali mesiq ki nongtlo.” Kiimaq, “Waq kaü ka kham maq ajii tiiheke jai, jangphat boqtham chum na hali bumki nongtlo.”

Jude 1:10

Shatmiitiq, ara chong tiikai arot shammibi thun riika, tsangshiq raq jamlai wa tak lot mak bomtsi sitlaq, kriika shummii laqpii, chuphit nüphit li saisi tlo. Tsangshiq raq jamlai wa saptlaq kriika, ngarai han-ngam pinjali sap tlo. Tsangshiq ka ngarai han-ngam tsii phara maq jamlai wa sap tlaq kra miitu, rum ngamse kong ikhli, maiq ka kaqho tlo. Kra riili she, tsangshiq ka shiithen baiqtlo.