1 Peter 4:3 - ASII LAKDAP Bible (BSI)

³ Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

Hawa Naga Bible 2001

³ Nuimshiq kuex lvy wvnc tueq vkhing nuex loayc hvlc kvmluimx muq miqsaz rueq shuimx wvnc tueq ikhoc shuimx wvnc tuit. Nuimshiq rullungx nuex tvrac phvnx muit hungx muq htaungx muq yauk shuimc, rvnphvnx yauk shuimc, joal muex juk pawc, vshuy vshac rvhtok pawc lvmx, vjuk vpawc juing nuingc phuiuz svy lvmx, joal nuingc moalx tvhungx lvmx htenc nuex shuimx lvmz vshuinx. Kvruex htauk nuex jvnc vtueq vshuy vshac phvnx kuex yac yuimx htenc nawk palx lvmx rvtueq.

Muklom

³ Chammatakoi thongking miqtang mal nim rapney sey tong tin. Nim rollung na jashit sathuk jaksom somlo tin, thaji kaplap ma tathintey, kham mok, etho jashit kut aa kan, chikrik eq ching shila shumnuk, iri tang raa hun somlo eq tong tin.

1 Peter 4:3 Referencias Cruzadas

2 SAMUEL 13:28

Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”

1 HOKHVMX 21:26

Apaiq raq pinthum jeasi jonghea ngaü wan chang jaqsham ka Amoraiqnok raq shomnoq wan tlaq kiikha sumla phra phong shomnoq wanto. Tsangshiq ka Tatiwe raq tsangmung wa Israilnok ma bashishi maq tiikhat wan wan raüta wiita tiijobaiq wanto.)

2 KAÜWA WERAÜ 15:8

Asa raq Obed se Ajaria raq riisham bom chongtaq kra tai raüta apaiq tsaiji ka kongtam puqshi riito. Krai mren apaiq raq Juda mung na nai Benjamin wang na sumla phra phong ümchuwa sitlaq kra kunli runbaiqto. Kiimaq ku akin tonglong Ephraim wang wa chela thun ümchuwa apaiq raq khat raüta jiiwantaq kriiwa sumla phra thun ka kunkun runbaiqto. Kiimaq apaiq raq Shomjam rinkea na sitlaq berong-wacha kriimin atiihea hai riito.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 5:11

Namshiq ka miqlan she! Namshiq ka chuchap wanap tiidokilili lantea che baknyang tlan. Kiimahali raji niimin rawa thung na saülili ngalanta che ka baknyangsiq tlan.

ISAIA 65:4

Rawa na tsangshiq ka longshabok thun nai maiq maalapkho thun kiina kitlo. Raüta wulum rai riibom kitlo. Tsangshiq raq kiijaq waq ngam phaq kitlo. Raüta thatsang ma honglu akuq ngam lum tlaq kra aphom alii lumtlaq kra ngamtai ka nyangtlo.

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

EJEKIEL 44:6

“Ikiqkhii sruti Israilnok ma chonglaq, Ngi, Tati Rakaü Hiqwe raq, tsangshiq raq imak liina maiqphai asi ümchuwa sham wantlaq kra Ngi raq ninlot mang she.

EJEKIEL 45:9

Tati Rakaü Hiqwe raq nguto, “Israil mung pengti mungtubi lei, namshiq raq ngarai pahea tang wan lan! Namshiq mungmaiqse tsatta tlan kra kiimaq mungmaiqse ka ji maq nishishi haihü tlan kriika tsaq rongliishe. Jamlai wa tri na riikhaqli kiimaq tingting kra klo ronglaq. Namshiq raq isengi Israilnok ka maiqmii hiqshong rahai na kriiwa ahin na jojiibaiq maimak she. Arka, Ngi, Tati Rakaü Hiqwe raq chong tiikang.

Mark 7:22

maiqchak rai sra, sükha tsii, kiimaq ahin abi tiima tsantsii rümtlaq thun kra; laopha tsii, raweahü hon aja, makshu rashe tsii, maiq chongsea, ashkong tsii, kiimaq ngila sang jasha rong arai siwan tlaq kra;

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

1 Corinthians 12:2

Namshiq raq asap han, man na ranyaq mong na siwan ji na, namshiq ka lamjiq lam phan lanta tsitsü ahü, sumla phra thun kra noq lanta rilung ka atu na shaphaq lan.

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

2 Corinthians 12:21

Ngi ka hai tiikang lii, ngi ümtiikiiwa kiijaq, namshiq pha niishe saü wan tiikang akhing na, namshiq miitu ngi ka, Shiikeawe raq mitiijeasi nong ngo chang chang ikha chhi tiikang. Kiimaq ngi ka, namshiq phong na, kongkhuji miiphü sheachong beachong ngarai, junrii norii liipan na sethoq ja ngarai kloti, kiimaq ashe ashi na riinyatshat raüta ngarai tang tlaqti thun riika, ümchaü min tsantsii ka klai makli ngarai ka tang wan ruqruq li michhi wa ha ngo chang chang nguta, hai tiikang. Kra chhi lata, ngi ka makphai trok chang midong nong ngo chang chang chhi tiikang.

Galatians 5:19

Maiqse ngarai han-ngam raq, jamlai jaq wa sham tlaq, kriika archong sea rai ngori sha. Ra na tiiweshat. Sethoq sepii jasha, ashe ashi riinyat shat, kiimaq hihai waqhai maq singa tlaq, arthun ahata ngarai han-ngam jaqsham.

Galatians 5:21

Tsangshiq ka makshu rashe miili sitlo. Kiimaq tsangshiq raq, phra sumla shomnoq tlaq poi akhing na, pinthum chephe tsampii raüta, kuku waqshii kong ikha, riinyat shat raüta sitlo. Kiimaq, ara chong wankai thun ara niq riri hali, ahin abi pahea jaqsham thun min asi, kra sham tlo. Ngi raq namshiq ma, man niimin tsii chongkuq kang. Kiimaq ümchaü min chongkuq nong tiikang. Jurwa arthun ngarai ara tang raüta sitlaq, kriiti ka, Shiikeawe sengi ma jawan lot mak. Kiimaq, Shiikeawe mungtan na saüwan lot mak.

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.

1 Thessalonians 4:5

Thatsang maiqsetiim, Shiikeawe lamphan sap makti raq, sethoq sepii lamphan raüta, sitlaq kiikhii ka siwan ra mak.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

1 Peter 1:14

Shiikeawe bomchong ka phaqchii nichii maq tai ronglaq. Ümchaü sanha, namrilung ka man na, jam min sap man lea wan lan akhing wa tiima tsantsii maq naq tiijam sha rongkiq she.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.