1 Peter 4:2 - ASII LAKDAP Bible (BSI)

² Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.

Hawa Naga Bible 2001

² Kvkhoc rvtueq majuiuc vmaq vruex ghaq htauk vyuq nuimshiq rullungx tvraungx tvkoc kvjungx yaq rullungx wvlex miqsaz gvnngvmx rueq rvnphvnx thuinz kuex phvnx muit maq, Tishox thuinroc lvmx phvnx vtueq tvraungx wvnc juing rvtueq.

Muklom

² Irimal ang eq nim tho thang wang hanngam rollung miqna tinthin mal ang moq Shkewa tinuk mal tong inn.

1 Peter 4:2 Referencias Cruzadas

Tvtsvmc 143:10

Ümniika i Shiikeawe; ümniiraq athithi na jaqsham miitu ngi ma shrinkuqlaq. Ngi ma ahea klokuqlaq, laüta ngi ka hansang lamphan na shunshealaq.

Hosea 6:7

“Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.

Matthew 12:50

Jurwa i We ramungtan na sitiwe raq achong bomtsi kra tai tlaq, kriiti kata ngi ma i no, i sheanyung kiimaq i nyung.”

Matthew 20:4

Kra chhi raüta, apaiq raq tsangshiq kiimin hali, ‘Namshiq min i spiqtsiro na ningchang sham wa rongkiq. Ngi raq namshiq ma jaq maq ka aheawiq mikuq kang,’ nguta thaüto.

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Matthew 7:21

“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Mark 3:35

Jurwa Shiikeawe bom lang tlaq, kriiti kata ngi ma, i no, i sheanyung, kiimaq i nyung,” nguta tsangshiq bom ka treto.

Mark 7:21

Maiqse tsan mong na sethoq ja, abi tiima, ahuk ja, maiqtsea maiqta tiima,

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

Romans 14:7

Nashiq phong wa maiqmii pumsii lamlam se miituli ka atra simai. Kiimahali, nashiq phong wa maiqmii pumsii lamlam se miituli ka jumin tsai mai.

Romans 6:11

Ara chongtiikai akhiisii hali, ümchaü sanha, namshiq riimin, namshiq ka ngarai lamphan niika, atsai kaikun she nguta sap chang. Ngarai raq namshiq ka jamsha wanlot mak she, nguta sap chang. Shatmaq, ümchaü sanha, namshiq ka Jesuq Khristo lümaq, Shiikeawe rai kongshi miishe atra sitlan.

Romans 6:2

Kriika ümtiikiimin riimak! Nashiq ka ngarai lamphan na atsai kai kun she. Tsaiki kai she ningkhan, tiithong kiki ka, jamkho ngarai mong niili misi nong rong i?

Romans 7:4

Phunainotiim lei, ara chongtiikang tri bomtsi ara niq riri, namshiq kiimin sitlan. Thungtri nai namshiq liipan niika, lamphan railo ka atiipan kai kun she. Namshiq ka Thungtri kharü mong wa atsai kai wishe. Jamkhano ngukla, namshiq ka Jesuq Khristo khum sitlaq kra, pan athiq she sitlan. Kiimaq ümchaü namshiq ka amaa wa tiidong wantaq we kra rii ngutiishe sitlan. Arka, ümchaü sanha, nashiq tarü ka Shiikeawe kriili she shomnoq laita siwan miitu atra sitiikai.

2 Corinthians 5:15

Apaiq tsaitaq ka wiitarü miitu tsaito. Krai mren, ümchaü maiqse ümchu riiwa rilung anye na atra sitlaq kriika, maiqmii miituli si ka raa mak she. Shatmaq tsangshiq miitu tsaitaq kiimaq tsangshiq miitu amaa wa Shiikeawe raq tiidong wan tiiwe kra miitu lishe si chang.

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

Ephesians 5:17

Krai mren, angok angi kong ikha naqsi rongkiq. Tatiwe raq namshiq ma jamlai jaqsham wa thaü tlaq, kra sap wan miitu, achu jaü maq si ronglaq.

Ephesians 6:6

Namshiq raq namtijong wetiim ma jaqshamke ka tsangshiq makki niili, tsangshiq raq namshiq ka maiqshaq dea mingu laq ngutiika naq sham rongkiq. Shatmaq namshiq ka Khristo disetiim nguta tsan na tiima lanta, Shiikeawe tsan tiiheali chang, tsantsii wiita kiinong kuq lanta, namtijong wetiim kra shiili ronglaq.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

Colossians 3:3

Ara jamkhano chongtiikai ngukla, namshiq ka tsaiki lan she. Namshiq rilung awongsii achhai anyii ka Jesuq pum na Shiikeawe raq apaü raüta thü tlo. Kriika ümchaü mitiichhi kuq shaqli. Kriika jai maq Jesuq apaiq rilung chhainyii rai adam miishetiq mitiichhikuq. Namshiq ka Shiikeawe wokhong na sitlan kha maq, ara chongtiikai arka tengteng.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

1 Thessalonians 5:18

Phanrap akhing na, Shiikeawe ma kechutum wan ruq miili si rong laq. Shiikeawe raq namshiq ka, Jesuq Khristo wokhong na chojong chise kechutum rilung ara siwan miitu hea wanto.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

1 Peter 1:14

Shiikeawe bomchong ka phaqchii nichii maq tai ronglaq. Ümchaü sanha, namrilung ka man na, jam min sap man lea wan lan akhing wa tiima tsantsii maq naq tiijam sha rongkiq she.

1 Peter 2:1

Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

1 John 2:17

Ara mangjong hiq rai khü na phiijawa ümchu wa diim tlaq kriiraq, ara ariq phan nguta shreng tlaq thun wiita arka thum rai wan tlo she. Shatmaq jurwa Shiikeawe raq lungwii tlaq kra lang raüta, jaqsham tlaq, kriiti ka pattup pat-sa atrali she misi.