1 Peter 4:6 - ASII LAKDAP Bible (BSI)

⁶ Ara chongtiikai arkha miitiina, maiq kongkhu na atsaikiti thun kunli winji ma, Jesuq Khristo raq Tsütsa Ahea kra chongkuq kitaq kra. Maiqse ngusaq tarü ka atsaiti siisaq. Tsangshiq tsai wantaq kriimin la, Shiikeawe raq tsangshiq ningthoi kra tiihongke wan kha maq tsai wanto. Shatmaq tsangshiq ma Tsütsa Ahea tiitai kuq wantaq kriika Shiikeawe raq tsangshiq riimin wenyi rilung na atra misi wan laq nguta chongkuq kito.

Hawa Naga Bible 2001

⁶ Vruex ningkhvnc nuex vthueyc wvnc wuez jix htenc muex muinz Thuix Thaungx Vhvlx jungphvnx kuq wvnc tueq. Tsuingshiq kuex gvnngvmx maq rullungx tvraungx httax tueq nuex miq tek muex phox kuq tueq ikhoc phoc kuy rvhumc tueq jix htenc rvtueq; tsuingshiq muex jungphvnx kuq wvnc tueq kuex Tishox tvraungx httax yaq ikhoc tsuingshiq siyac nuex tvraungx tvkoc rvtueq.

Muklom

⁶ Iri rangma thanga tiktey tang ma tho tungtang qhal tatat eq ta, irimal ang eq hanngam na ning sha miqna eq phungna etharin tsija na ning Shkewa jamoq tong na.

1 Peter 4:6 Referencias Cruzadas

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Romans 8:2

Ara jamkhano ngutiikang ngukla, nashiq ma Khristo Jesuq pum lümaq, rilung tsitsü keti, Asii Wenyi raq ngi arka ngarai kharü mong wa nai tsailam kharü mong wa dokdaa wanto she.

Galatians 2:19

Riita, arningkhan, ara chong tiikang Thungtri wokhong na simiika, ngi ka amaa she. Thungtri raq, ngi arka atsea baiq rea wishe. Kra tsatbaiq wantaq arka, ngi ka, Shiikeawe miituli atra siwan miitu tsat baiqto. I khum na, ümchaü ara han-ngam rilung sitlaq arka, Jesuq Khristo rai pumsongkham na atübaiq wan kun she, ama she sitlo.

Galatians 5:25

Ümchaü sanha, Asii Wenyi raq, nashiq ma rilung she kuqto. Krai mren, nashiq tsan nai mongjii arka, Asii Wenyi raq dongdiitiq she peng chang.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 Peter 3:19

Kiimaq apaiq ka wenyi khum na poshat maq, wulum pahea kharü mong na siti thun ma tiichhii wan tsütsa chongkuq kito.

Revelation 14:18

Kiijiishe hali, wa tiinyai chaqketi rase ashi ka, berongwacha tho wa dongkito chhikang. Apaiq raq hong raüta, rase ashi ningshao shamti we kiima rüm chongto, “Ümjaq na shamtlaü ningshao maq mangjong hiq wa spiqtsi ro ka han laq. Jamkhano ngukla, ümchaü spiqtsi ro ka aman she, ahancho she!”