Numere 9:1 - BIBELE

Ka kgwedi ya pele, selemong sa bobedi bana ba Iseraele ba tlohile naheng ya Egepeta, Morena a bua ho Moshe a le lehwatateng la Sinai, a re:

Sesotho 1909/1961 (SO)

Ka kgwedi ya pele ya selemo sa bobedi hobane Baiseraele ba tlohe Egepeta, Jehova a bua le Moshe feelleng la Sinai, a re:

Numere 9:1 Referencias Cruzadas

Eksoda 12:11

Le tle le e je tjena: le itlamile matheka, le rwetse meqathatso, le tshwere melamu ya lona; le e je le potlakile. Ke yona Paseka ya Morena.

Eksoda 12:6

Le tla e boloka ho fihlela letsatsi la leshome le metso e mene la kgwedi ena, e nto hlajwa ka shwalane, moo setjhaba sohle se leng teng.

Eksoda 40:17

Ka letsatsi la pele, la kgwedi ya pele, selemong sa bobedi, Leaho la hlongwa.

Eksoda 40:2

“Ka letsatsi la pele, la kgwedi ya pele, o tla hloma Leaho, Tente ya Morena.

Numere 1:1

Ka letsatsi la pele la kgwedi ya bobedi, selemong sa bobedi bana ba Iseraele ba tlohile naheng ya Egepeta, ha Moshe a le ka Tenteng ya Morena, lehwatateng la Sinai, Morena a bua ho Moshe, a re: