Eksoda 12:6 - BIBELE

⁶ Le tla e boloka ho fihlela letsatsi la leshome le metso e mene la kgwedi ena, e nto hlajwa ka shwalane, moo setjhaba sohle se leng teng.

Sesotho 1909/1961 (SO)

⁶ E tla dula ho lona le e bolokile ho fihlela tsatsi la leshome le metso e mene la kgwedi ena, e ntoo hlajwa mantsiboya ke phutheho yohle ya Iseraele.

Eksoda 12:6 Referencias Cruzadas

2 Dikronike 35:1

Josiya a etsetsa Morena mokete wa Paseka, Jerusalema. Ka letsatsi la leshome le metso e mene la kgwedi ya pele, ba hlaba konyana ya Paseka.

Esdrase 6:19

Ka letsatsi la leshome le metso e mene la kgwedi ya pele, ba neng ba thopilwe ba etsa mokete wa Paseka.

Eksoda 12:14

Letsatsi lena e tla ba la kgopotso ho lona, mme le tla le tlotlisa ka ho etsetsa Morena mokete. Meloko yohle ya lona e tla le boloka e le taelo ya mehla yohle.’ ”

Eksoda 12:17

“ ‘Le tla nne le etse mokete wa bohobe bo sa lomoswang, hobane ke ka letsatsi lena ke ntshitseng mabotho a lona naheng ya Egepeta; kahoo lona le meloko yohle ya lona le tla boloka letsatsi lena e le taelo ya mehla yohle.

Eksoda 12:18

Ka kgwedi ya pele, ka letsatsi la leshome le metso e mene la kgwedi, ka shwalane, le tla ja bohobe bo sa lomoswang ho fihlela ka shwalane ya letsatsi la mashome a mabedi a motso o mong la kgwedi.

Eksoda 12:47

Setjhaba sohle sa Iseraele se tla etsa mokete ona.

Eksoda 16:1

Setjhaba sohle sa bana ba Iseraele sa tloha Elime, sa ya fihla lehwatateng la Sine, pakeng tsa Elime le Sinai. E ne e le letsatsi la leshome le metso e mehlano, la kgwedi ya bodedi ya ho tloha ha bona naheng ya Egepeta.

Eksoda 16:12

“Ke utlwile ho korotla ha bana ba Iseraele; bua le bona, o re: ‘Mantsiboya le tla ja nama, hoseng le tla ja bohobe, le kgore. Ka hona le tla tseba hore ke nna Morena Modimo wa lona.’ ”

Eksoda 19:1

Ka kgwedi ya boraro bana ba Iseraele ba tswile naheng ya Egepeta, ka lona letsatsi leo ba fihla lehwatateng la Sinai.

Eksoda 29:39

Konyana ya pele o nyehele ka yona hoseng; konyana ya bobedi o nyehele ka yona mantsiboya.

Eksoda 29:41

Konyana ya bobedi o tla nyehela ka yona mantsiboya, mme nyehelo ya dijo le ya dino e be jwaloka ya hoseng; e be sehlabelo sa setjheso, se monko o monate, se amohelehang ho Morena.

Isaia 53:6

Rona bohle re tshwana le dinku tsa malahleha, motho ka mong o iketse ka tselana ya hae, Morena o mmelesitse makgopo a rona bohle.

Ezekiele 45:21

“ ‘Ka letsatsi la leshome le metso e mene la kgwedi ya pele, le tla etsa mokete wa Paseka, mme ka matsatsi a supileng le je bohobe bo sa lomoswang.

Levitike 23:5

“ ‘Ka letsatsi la leshome le metso e mene la kgwedi ya pele, ka nako ya phirimana, ke Paseka ya Morena.

Numere 28:16

“ ‘Ka letsatsi la leshome le metso e mene la kgwedi ya pele ke Paseka ya Morena.

Numere 28:18

Ka letsatsi la pele ho tla ba le phutheho e halalelang; le se ke la sebetsa mosebetsi ofe kapa ofe.

Numere 9:11

Ka letsatsi la leshome le metso e mene la kgwedi ya bobedi, ka phirimana, ba tla etsa mokete wa Paseka, ba je le bohobe bo sa lomoswang, le moroho o babang.

Mattheu 27:20

Empa baprista ba baholo le baholo ba hlohlelletsa letshwele hore le kope Barabase, Jesu yena a bolawe.

Mattheu 27:25

Setjhaba sohle sa arabela, sa re: “Madi a hae a botswe rona le bana ba rona!”

Mareka 15:1

E sa le kameso, hoba baprista ba baholo ba rerisane le baholo, le Ditsebi tsa Molao, le lekgotla lohle, ba tlama Jesu, ba mo kganna, ba mo neela Pilato.

Mareka 15:11

Empa baprista ba baholo ba susumetsa letshwele ho kopa hore a mpe a ba lokollele Barabase.

Mareka 15:25

E ne e ka ba hora ya borobong, hoseng, ha ba mo thakgisa.

Mareka 15:8

Letshwele la nyolohela ha Pilato, mme la qala ho kopa ho etsetswa jwalokaha a ne a ye a le etsetse.

Luka 23:1

Yaba lekgotla lohle le a ema, mme le mo isa ho Pilato.

Luka 23:18

Empa bohle ba howa hammoho, ba re: “Bolaya enwa, o re lokollele Barabase!”

Diketso 2:23

Ke yena ya neetsweng lefu ka thato le tsebo ya Modimo, mme lona le mo thakgisitse ka matsoho a banna ba kgopo, la mmolaya.

Diketso 3:14

Empa lona le hanne Ya Halalelang, Ya Lokileng, la kopa hore le lokollelwe monna wa mmolai.

Diketso 4:27

“Ruri, motseng ona, Heroda le Pontiuse Pilato, le baditjhaba, le merabe ya Iseraele, ba kopane ho lwantsha Jesu, mohlanka wa hao ya halalelang, eo o mo tlotsitseng,

Joshua 5:10

Bana ba Iseraele ba nna ba hlola Gilegale, mme ka letsatsi la leshome le metso e mene la kgwedi eo, ka phirimana, ba keteka mokete wa Paseka diphuleng tsa Jeriko.