Eksoda 12:6 - Sesotho 1909/1961 (SO)

⁶ E tla dula ho lona le e bolokile ho fihlela tsatsi la leshome le metso e mene la kgwedi ena, e ntoo hlajwa mantsiboya ke phutheho yohle ya Iseraele.

BIBELE

⁶ Le tla e boloka ho fihlela letsatsi la leshome le metso e mene la kgwedi ena, e nto hlajwa ka shwalane, moo setjhaba sohle se leng teng.

Eksoda 12:6 Referencias Cruzadas

2 Dikronike 35:1

Mme Josiase a etsetsa Jehova Paseka, Jerusalema; Paseka ba e hlaba ka letsatsi la leshome le metso e mene la kgwedi ya pele.

Esdrase 6:19

Hape ba kgutlileng kgolehong ba etsa Paseka ka la leshome le metso e mene la kgwedi ya pele.

Eksoda 12:14

Letsatsi leo le tla nne le le hopole; le tle le le kgethele Jehova e be mokete; ebe mokete ka taelo e sa feleng, melokong ya lona.

Eksoda 12:17

Le tla nne le kgethe mokete wa bohobe bo se nang ditomoso, hobane e tla be e le ka letsatsi leo ke ntshitseng makgotla a lona naheng ya Egepeta; le tla boloka letsatsi leo melokong ya lona, ke taelo e sa feleng.

Eksoda 12:18

Ka kgwedi ya pele, ka tsatsi la leshome le metso e mene la kgwedi, mantsiboya, le tla ja bohobe bo se nang ditomoso, ho fihlela letsatsi la mashome a mabedi a motso o mong la kgwedi, mantsiboya.

Eksoda 12:47

Phutheho ya Iseraele kaofela e tla etsa taba ena.

Eksoda 16:1

Ba tloha Elime, e le phutheho yohle ya bana ba Iseraele, ba fihla lefeelleng la Sine, le leng dipakeng tsa Elime le Sinai, ka tsatsi la leshome le metso e mehlano la kgwedi ya bobedi ha ba se ba tswile naheng ya Egepeta.

Eksoda 16:12

Ke utlwile ho dumaduma ha bana ba Iseraele; ba bolelle, o re: Mantsiboya le tla ja nama, mme ha ho esa, le tla kgora bohobe, mme le tla tseba hobane ke nna Jehova, Modimo wa lona.

Eksoda 19:1

Ka kgwedi ya boraro hobane bana ba Iseraele ba tswe lefatsheng la Egepeta, ka lona letsatsi leo, ba kena lefeelleng la Sinai.

Eksoda 29:39

Konyana e nngwe o tla e hlaba hosasa, konyana ya bobedi o e hlabe mantsiboya;

Eksoda 29:41

Konyana ya bobedi o tla e hlaba mantsiboya; o e hlahise e na le nyehelo le tshelo, jwaloka ya hosasa, e tle e be monko o monate le sehlabelo se tjheseditsweng Jehova.

Isaia 53:6

Bohle re ne re lahlehile jwaloka dinku, re ne re ya e mong le e mong ka tsela ya hae; empa Jehova o mo jarisitse makgopo wohle a rona.

Ezekiele 45:21

Ka kgwedi ya pele, ka letsatsi la leshome le metso e mene la kgwedi, le tla ba le Paseka, mokete wa matsatsi a supileng; ho tla jewa mahobe a se nang ditomoso.

Levitike 23:5

Ka kgwedi ya pele, ka letsatsi la leshome le metso e mene la kgwedi, ka nako ya mantsiboya, e tla ba Paseka ya Jehova.

Numere 28:16

Ka kgwedi ya pele, ka tsatsi la leshome le metso e mene la kgwedi, e tla ba Paseka ya Jehova.

Numere 28:18

Ka tsatsi la pele, le tla ba le phutheho e kgethehileng; le ke ke la etsa mosebetsi le o mong ka lona.

Numere 9:11

Ba tla e etsa ka tsatsi la leshome le metso e mene la kgwedi ya bobedi, ka nako ya manstiboya; ba tla e ja ka mahobe a se nang ditomoso le ka meroho e babang;

Mattheu 27:20

Empa baprista ba baholo le baholo ba hlohlelletsa bongata hore ba kope Barabase, Jesu yena a bolawe.

Mattheu 27:25

Setjhaba kaofela sa araba, sa re: Madi a hae a be hodima rona, le hodima bana ba rona.

Mareka 15:1

E sa le hosasa, baprista ba baholo ba etsa morero le baholo, le bangodi, le lekgotla kaofela. Eitse hobane ba tlame Jesu, ba ya le yena, mme ba mo neela Pilato.

Mareka 15:11

Empa baprista ba baholo ba hlohlelletsa bongata hore a ba lokollele Barabase.

Mareka 15:25

E ne e le hora ya boraro ha ba mo thakgisa.

Mareka 15:8

Bongata ha bo nyolohile, ba qala ho kopa hore Pilato a etse jwalokaha a ne a ba etsetsa kamehla.

Luka 23:1

Jwale ba phuthehileng kaofela ba ema, ba mo isa ho Pilato.

Luka 23:18

Yaba bongata bo howa kaofela, ba re: Tlosa enwa, o re lokollele Barabase.

Diketso 2:23

o teletswe lefu ka morero o tiileng wa Modimo, le ka ho itsebela pele ha wona, mme le mo thakgisitse ka matsoho a bakgopo, le mmolaile.

Diketso 3:14

Le latotse Ya halalelang, Ya lokileng, mme le qetse hore le sitswe ka mmolai.

Diketso 4:27

Hobane efela Heroda, le Ponse Pilato, le baditjhaba, le meloko ya Iseraele e kopane hammoho ho lwantsha Jesu, mohlanka wa hao ya halalelang, eo o mo tlotsitseng;

Joshua 5:10

Bana ba Iseraele ba emisa Gilgale, ba etsa Paseka ka tsatsi la leshome le metso e mene la kgwedi, nakong ya mantsiboya, mahwatateng a Jeriko.