Mazhev 19:7 - Bibl Koad 21: Ar Bibl e Brezhoneg evit ar Vretoned Int a lavaras dezhañ: Perak eta en deus Moizez gourc’hemennet reiñ d’ar wreg ur skrid a dorr-dimeziñ hag he c’has kuit? Testamant Nevez 1897 (Jenkins) Int a lavaraz dezhan: Perag eta hen deuz Moises gourc’hemenet rei d’ar vreg eur scrid a zivors, hag he c’has kuit? Aviel revé St. Maheu troeit é Brehonec Guénet 1858 Ind e laras tehou: Perac enta Moïse en dès ean gourhemennet rein d’er voés ur lihér a zistac, hag hé bouttein quit? |
Evel-henn e komz an AOTROU: Pelec'h emañ ar skrid a dorr-dimeziñ eus ho mamm, am eus kaset kuit anezhi drezañ? Piv eo an hini eus va c'hredourien am eus gwerzhet ac'hanoc'h dezhañ? Setu, en abeg d'ho pec'hedoù ez oc'h bet gwerzhet, en abeg d'ho mankoù eo bet kaset kuit ho mamm.
Hag em eus gwelet penaos, petra bennak ma em eus kaset kuit Israel an adfeilherez en abeg d'hec'h avoultriezh, ha ma em eus roet dezhi he skrid a dorr-dimeziñ, Juda ar c'hanazez n'he deus ket bet aon, hag eo en em roet d'ar gasterezh hi ivez.
Rak kasaat a ran ar c'has-kuit, eme an AOTROU Doue Israel, hag an hini a c'holo a zismegañs e zilhad, eme AOTROU an armeoù. Taolit evezh eta ouzh ho spered, ha na vezit ket disleal.
Jozef, he fried, o vezañ un den reizh, pa ne felle ket dezhañ he mezhekaat, a c’hoantaas he c’has kuit e-kuzh.
Evel-se ne d-int mui daou, met ur c’hig hepken. Arabat eo d’an den disrannañ ar pezh a zo bet unanet gant Doue.
Jezuz a respontas dezho: Abalamour da galeter ho kalon eo en deus Moizez roet galloud deoc’h da gas kuit ho kwragez, met er penn-kentañ ne oa ket evel-se.
Lavaret eo bet ivez: Piv bennak a gaso kuit e wreg, ra roio dezhi ur skrid a dorr-dimeziñ.