Jeremiaz 3:8 - Bibl Koad 21: Ar Bibl e Brezhoneg evit ar Vretoned

⁸ Hag em eus gwelet penaos, petra bennak ma em eus kaset kuit Israel an adfeilherez en abeg d'hec'h avoultriezh, ha ma em eus roet dezhi he skrid a dorr-dimeziñ, Juda ar c'hanazez n'he deus ket bet aon, hag eo en em roet d'ar gasterezh hi ivez.

Jeremiaz 3:8 Referencias Cruzadas

2 Danevelloù 21:11

Ober a reas ivez uhellec'hioù war menezioù Juda, hag e lakaas tud Jeruzalem da c'hastaouiñ, hag e vountas ivez re Juda da gement-se.

Izaia 50:1

Evel-henn e komz an AOTROU: Pelec'h emañ ar skrid a dorr-dimeziñ eus ho mamm, am eus kaset kuit anezhi drezañ? Piv eo an hini eus va c'hredourien am eus gwerzhet ac'hanoc'h dezhañ? Setu, en abeg d'ho pec'hedoù ez oc'h bet gwerzhet, en abeg d'ho mankoù eo bet kaset kuit ho mamm.

Jeremiaz 2:19

Da zrougiezh az kastizo, da zianzavadur az kourdrouzo, hag e ouezi hag e weli ez eo un dra fall ha c'hwerv, ma az pefe dilezet an AOTROU da Zoue, ha ma ne vefe ket va doujañs ennout, eme an Aotrou AOTROU an armeoù.

Jeremiaz 3:1

Lavaret eo: Mar kas un den e wreg kuit, hag o vezañ aet digantañ, ma teu houmañ da vezañ d'ur gwaz all, hag e tistroio c'hoazh d'he c'havout? Ha ne vefe ket e gwirionez saotret ar vro? Ha te ac'h eus gastaouet gant meur a amourouz; koulskoude, distro ouzhin, eme an AOTROU.

Jeremiaz 33:24

Ha ne'c'h eus ket gwelet penaos he deus komzet ar bobl-mañ, o lavarout: An daou diegezh en doa an AOTROU dibabet, en deus taolet kuit? Evel-se e tisprizont va fobl en doare ma ne vefe ken ur vroad d'o daoulagad.

Jeremiaz 5:7

Perak e pardonin dit? Da vibien o deus va dilezet, hag e touont dre ar pezh n'eo ket doue. Me am eus roet dezho o gwalc'h, hag o deus graet avoultriezh, aet int a-vernioù da di ar c'hast.

Ezekiel 16:46

Da c'hoar henañ eo Samaria; hi hag he merc'hed a zo o chom a-gleiz dit. Da c'hoar yaouankañ hag a zo o chom a-zehou dit, eo Sodom hag he merc'hed.

Ezekiel 16:47

Ne'c'h eus ket hepken kerzhet en o hentoù ha graet an hevelep euzhusterioù, re nebeut e oa kement-se, met en em saotret ec'h eus muioc'h egeto gant da holl hentoù.

Ezekiel 16:51

Samaria n'he deus ket graet an hanter eus da bec'hedoù. Liesaet ec'h eus da euzhusterioù muioc'h egeto, ha reishaet ec'h eus da c'hoarezed dre an holl euzhusterioù ac'h eus graet.

Ezekiel 23:44

Hag e teujont d'he c'havout, evel ma'z eer da gavout ur c'hast; evel-se ez ejont da gavout Ohola hag Oholiba, maouezed leun a zrougiezh.

Ezekiel 23:9

Setu perak em eus he lakaet etre daouarn hec'h amourouzien, etre daouarn mibien Asiria ma kare.

Ozea 3:4

Rak mibien Israel a chomo e-pad kalz a zeizioù hep roue hag hep penn-bras, hep aberzh hag hep peul, hep efod hag hep terafim.

Adlezenn 24:1

P'en devo kemeret un den ur wreg ha dimezet dezhi, ma ne gav ken houmañ trugarez dirak e zaoulagad, dre m'en devo kavet enni un dra bennak mezhus, e lakaio dezhi en he dorn ur skrid a dorr-dimeziñ, hag he c'haso kuit eus e di.

Adlezenn 24:3

Mar kasa anezhi ar pried diwezhañ-mañ, e lakaio dezhi en he dorn ur skrid a dorr-dimeziñ, hag he c'haso kuit eus e di, pe mar deu da vervel ar pried diwezhañ-mañ en deus he c'hemeret evit e wreg,