Malaki 2:16 - Bibl Koad 21: Ar Bibl e Brezhoneg evit ar Vretoned

¹⁶ Rak kasaat a ran ar c'has-kuit, eme an AOTROU Doue Israel, hag an hini a c'holo a zismegañs e zilhad, eme AOTROU an armeoù. Taolit evezh eta ouzh ho spered, ha na vezit ket disleal.

Malaki 2:16 Referencias Cruzadas

Salmoù 73:6

Setu perak al lorc'h a ra an dro dezho evel ur gelc'henn, hag an taerder o golo evel ur gwiskamant.

Krennlavarioù 28:13

An hini a guzh e bec'hedoù ne raio ket berzh, met an hini o anzav hag o dilez en devo trugarez.

Krennlavarioù 5:20

Ha perak, va mab, e vefes boemet gant un diavaeziadez, hag e pokfes ar brennid eus un estrañjourez?

Izaia 28:20

Ar gwele a vo re verr evit en em astenn ennañ, ar c'holoenn a vo re strizh evit en em c'holeiñ ganti.

Izaia 50:1

Evel-henn e komz an AOTROU: Pelec'h emañ ar skrid a dorr-dimeziñ eus ho mamm, am eus kaset kuit anezhi drezañ? Piv eo an hini eus va c'hredourien am eus gwerzhet ac'hanoc'h dezhañ? Setu, en abeg d'ho pec'hedoù ez oc'h bet gwerzhet, en abeg d'ho mankoù eo bet kaset kuit ho mamm.

Izaia 59:6

O gwiadoù ne zeuint ket da vezañ ur vantell, ha den n'en em wisko ket gant o oberennoù; o oberennoù a zo oberennoù a zrougiezh, bez' ez eus taolioù feuls etre o daouarn.

Sant Lucas 16:18

Piv bennak a gas kuit e wreg hag a zimez da unan all, a ra avoultriezh, ha piv bennak a zimez d’ur wreg a zo bet kaset kuit gant hec’h ozhac’h, a ra avoultriezh.

1 Korintiz 7:10

D’ar re a zo dimezet e c’hourc’hemennan, n’eo ket me met an Aotrou, ra ne vo ket dispartiet ar wreg diouzh hec’h ozhac’h,