Jeremiaz 11:19 - Bibl Koad 21: Ar Bibl e Brezhoneg evit ar Vretoned

Ha me, evel un oan doñv kaset d'al lazherezh, ne ouien ket an divizoù fall a ijinent a-enep din: Distrujomp ar wezenn gant he frouezh, kasomp anezhi kuit eus douar ar re vev, ha ra ne vo ken meneget e anv.

Jeremiaz 11:19 Referencias Cruzadas

Levr Job 28:13

An den n'anavez ket he friz, n'emañ ket e douar ar re vev.

Salmoù 109:13

Ra vo e lignez lamet kuit, ra steuzio e anv gant ar rummad da zont!

Salmoù 112:6

Ne vo biken brañsellet, eñvor an den reizh a vo peurbadus.

Salmoù 116:9

Kerzhout a rin dirak dremm an AOTROU war douar ar re vev.

Salmoù 142:5

Sell ouzh va zu dehou ha gwel! Den ne anavez ac'hanon, pep degemer a vank din, den n'eo chalet gant va ene.

Salmoù 27:13

A! Ma ne'm bije ket kredet e weljen madoù an AOTROU war zouar ar re vev! ...

Salmoù 31:13

Ar c'halonoù n'o deus ket soñj ac'hanon evel ma vefen un den marv, bez' on evel ul lestr torret.

Salmoù 35:15

Ha pa em eus brañsellet, ez int en em vodet laouen, en em vodet int hep ma ouien, o skeiñ ac'hanon, o regiñ ac'hanon hep paouez.

Salmoù 52:5

Karout a rez an droug muioc'h eget ar vad, ar gaou muioc'h eget ar c'homzoù gwirion.  Ehan

Salmoù 83:4

Ober a reont a-enep da bobl iriennoù fall, hag e kuzuliont a-enep ar re a ziwallez.

Krennlavarioù 10:7

Eñvor ar re reizh a vo benniget, met anv ar re zrouk a vreino.

Krennlavarioù 24:15

Den drouk, na stegn ket gripedoù a-enep chomlec'h an den reizh, ha na ziskar ket e di,

Krennlavarioù 7:22

Mont a ra raktal war he lerc'h, evel ma'z a un ejen d'al lazherezh, evel ma'z a un diskiant ereet evit bezañ kastizet,

Izaia 32:7

Binvioù an toueller a zo fall; korvigelloù a ijin evit koll gant gevier ar re c'hlac'haret, zoken pa gomz reizh ar paour.

Izaia 38:11

Lavarout a raen: Ne welin ken an AOTROU war zouar ar re vev, ne welin ken den e-touez ar re a zo o chom er bed.

Jeremiaz 1:19

Ober a raint brezel ouzhit, met ne drec'hint ket warnout, rak ez on ganit evit dieubiñ ac'hanout, eme an AOTROU.

Jeremiaz 18:18

Hag e lavaront: Deuit, ijinomp a-enep Jeremiaz un irienn, rak al lezenn ne vo ket kollet e ti an aberzhour, nag ar c'huzul e ti ar fur, nag ar gomz e ti ar profed. Deuit, skoomp warnañ gant an teod, ha na reomp van ebet ouzh e holl lavaroù.

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Jeremiaz 26:8

Kerkent ha m'en doe Jeremiaz echuet da lavarout kement en doa an AOTROU gourc'hemennet da lavarout d'an holl bobl, ma krogas an aberzhourien, ar brofeded hag an holl bobl ennañ, o lavarout: Mervel a ri!

Klemmganoù 3:60

Gwelet ec'h eus o holl veñjañs hag o holl iriennoù a-enep din.

Ezekiel 32:24

Eno emañ Elam, hag e holl engroez en-dro d'e vez. Holl int bet lazhet, diskaret gant ar c'hleze, diskennet int diamdroc'h da zonderioù an douar, int hag a skuilhe ar spont war zouar ar re vev, douget o deus o dismegañs gant ar re a ziskenn d'ar poull.

Daniel 9:26

Goude an div sizhun ha tri-ugent, ar Mesiaz a vo lamet, met ne vo ket evitañ e-unan. Distrujet e vo kêr hag ar santual gant pobl ur mestr a zeuio, hag he diwezh a c'hoarvezo gant ul liñvadenn; ar glac'haroù a zo merket betek dibenn ar brezel.

Ozea 9:8

Gedour Efraim a oa gant va Doue, met ar profed a zo ur roued eus ul labousetaer war e holl hentoù, un enebour ouzh ti e Zoue.

Niveroù 1:14

evit Gad, Eliasaf mab Deuel,