Sant Ian 3:8 - Bibl Koad 21: Ar Bibl e Brezhoneg evit ar Vretoned An avel a c’hwezh e-lec’h ma kar hag e klevez an trouz, met n’ouzout ket nag a-belec’h e teu na pelec’h ez a. Evel-se e c’hoarvez gant pep den a zo ganet eus ar Spered. Testamant Nevez 1897 (Jenkins) An avel a c’houez el leac’h ma fell dezhan; hag e klevez an drouz anezhan; mes na ouzez nag a be leac’h e teu, na da be leac’h ez a. Evel‐se ive e c’hoarvez gant kement den a zo ganet euz ar Spered. |
Eñ eo a laka an aezhennoù da sevel eus penn an douar, a ra al luc'hed hag ar glav, a denn an avel eus e deñzorioù.
An avel a ya d'ar c'hreisteiz, hag a dro d'an hanternoz, mont a ra o treiñ amañ hag ahont, hag e tistro warnañ e-unan.
Hag e lavaras din: Profediñ a ri d'ar spered, profediñ a ri, mab an den, hag e lavari d'ar spered: Evel-henn e komz an Aotrou AOTROU: Spered, deus eus ar pevar avel, ha c'hwezh war al lazhidi-se, evit ma vevint.
ar re n’int ket bet ganet eus ar gwad, nag eus bolontez ar c’hig, nag eus bolontez an den, met eus Doue.
A-greiz-holl e teuas eus an neñv un trouz bras evel hini un avel o c’hwezhañ gant nerzh, hag e leunias an ti holl e-lec’h ma oant azezet.
P’o doe pedet, al lec’h ma oant dastumet ennañ a grenas. Leuniet e voent holl gant ar Spered-Santel hag e tisklêrjont ger Doue gant hardizhegezh.
Met un hevelep Spered hepken a oberi an holl draoù-se, en ur lodennañ anezho da bep hini evel ma fell dezhañ.
Rak piv e-touez an dud a anavez traoù an den, nemet spered an den a zo ennañ? Evel-se ivez den n’anavez traoù Doue, nemet Spered Doue.
Mar gouzoc’h ez eo reizh, e c’houezit penaos piv bennak a ra ar reizhder a zo ganet anezhañ.