Adlezenn 19:6 - Bibl Koad 21: Ar Bibl e Brezhoneg evit ar Vretoned gant aon na zeufe ar veñjer-gwad da redek war-lerc'h ar muntrer e-pad ma vez fuloret e galon, ma tapfe anezhañ ma vefe re hir an hent, ha na lazfe anezhañ petra bennak na vefe ket da varn d'ar marv, dre ma n'en doa bet kasoni ebet outañ diagent. |
Ha setu, an holl diegezh a zo savet a-enep da servijerez en ur lavarout: Ro deomp an hini en deus skoet war e vreur, ma lakaimp anezhañ d'ar marv en abeg da ene e vreur en deus lazhet, hag e tistrujimp ivez an hêr. Hag e fell dezho mougañ ar c'hlaouenn vev a van ganin, evit na chomo gant va fried nag anv na diskennad war an douar.
Bez' e vo ar c'hêrioù-se evidoc'h lec'hioù-repuiñ rak ar veñjer, evit na varvo ket ar muntrer a-raok mont dirak ar vodadenn evit bezañ barnet.
evel pa'z a unan bennak gant e nesañ d'ar forest evit troc'hañ koad, ma lusk e zorn gant ar vouc'hal evit troc'hañ ur wezenn, hag e tistag an houarn diouzh an troad hag e tizh e nesañ, en doare ma varv. An den-se a dec'ho da unan eus ar c'hêrioù-se evit saveteiñ e vuhez,
P'en devo graet un den ur pec'hed din a varv, hag e vo lakaet d'ar marv, hag e vo krouget ouzh ar c'hoad,
Mar red ar veñjer-gwad war e lerc'h, ne roint ket ar muntrer etre e zaouarn, rak lazhet en deus e nesañ hep rakpreder, hep kasoni outañ diagent.