Daudi nîwaûkîrire varîa aamamîte nthî, akîîthambia agîîcanûra njuîrî, na agîcenjia nguo. Nîwacokire akîthiî nyombarî ya Ngai-Mûnene na akîvoya. Vuva wa ûguo nîwacokire gwake mûciî agîtia irio na akîrîa.
Nthi 3:7 - ÎVUKU RÎA ÛVORO MWARO Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku. |
Daudi nîwaûkîrire varîa aamamîte nthî, akîîthambia agîîcanûra njuîrî, na agîcenjia nguo. Nîwacokire akîthiî nyombarî ya Ngai-Mûnene na akîvoya. Vuva wa ûguo nîwacokire gwake mûciî agîtia irio na akîrîa.
Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.
Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.
Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”
Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”
Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.
Gwîtigîra Ngai-Mûnene nîta kîthima Kîam mwoyo, na nî gîtûmaga mûndû aûrîre mîtego ya gîkuû.
Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.
Gîtonga gîciragia atî kîo nî kîûgî, nwatî mûthîni ûrî na ûtaûku nîamenyaga atî gîtonga tî kîûgî.
Mûndû ûrîa wîvokaga meciria make ke mwene nî mûritu, nwatî ûrîa ûrûmagîrîra ûûgî nîavonokaga thînarî.
Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.
Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.
Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.
Tûûrani mwîgucanîte mûndû na mûndû ûrîa wîngî. Mûtigetîîe, nwatî tumagani ûrata na andû arîa monekaga matarî îgweta. Tigagani kwîyona ta mûrî aûgî.