Nthi 23:4 - ÎVUKU RÎA ÛVORO MWARO

⁴ Ndûkenogie ûgîcaria ûtonga, gîa na ûûgî na ûtige kwîthînia.

Nthi 23:4 Referencias Cruzadas

Ayubu 27:19

Athiîcaga kûmama arî gîtonga, nwatî nî riita rîa mûthiia, aramûka kîraûko akethîrwa atarî kîndû.

Nthi 15:27

Andû arîa mendaga kûgîa ûtonga na njîra îtarî mbagîrîru matûmaga mîciî yao îgîe na thîna, nwatî andû arîa mathûrîte mavaki nî matûûraga îvinda îraca.

Nthi 26:12

Nî kava kîrimû gûkîra mûndû ûrîa wîtucaga atî ke nî mûûgî.

Nthi 27:24

nîûndû ûtonga ndûtûûraga tene na tene, wana ûthamaki ndûtûûraga tene na tene.

Nthi 28:20

Mûndû mwîvokeku nîakaagîa na irathimo nyîngî, nwatî ûrîa wendaga gûtonga na îvenya nîakaaverithua.

Nthi 3:5

Îîvoke Ngai-Mûnene na ngoro yaku yonthe, na ndûkevoke meciria maku we mwene.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Mûvunjia 5:13

Kûrî na ûndû wîngî mûcûku mûno menyete gûkû nthî: Mûndû ûmwe nîweigîre ûtonga nginya ûgîtuîka thîna kûrî ke.

Isaia 5:21

Andû arîa meyonaga marî aûgî kaî marî na thîna-î, arîa meyonaga marî na wara mwîngî.

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Mathaayo 6:19

“Tigagani kwîigîra ûtonga wenyu gûkû nthî kûrîa ûrîcagwa nî igunyû, ûrotaga ûgacûka, na kûrîa kûvunjagwa nî aîi makawîa.

Maariko 4:19

nwatî mathîna ma gûkû nthî, ta kwenda ûtonga, wa vamwe na merirîria ma mîthemba na mîthemba, makathararia ndûmîrîri îo nginya magatura maciaro.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Aroma 12:16

Tûûrani mwîgucanîte mûndû na mûndû ûrîa wîngî. Mûtigetîîe, nwatî tumagani ûrata na andû arîa monekaga matarî îgweta. Tigagani kwîyona ta mûrî aûgî.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”