Nthi 26:12 - ÎVUKU RÎA ÛVORO MWARO

¹² Nî kava kîrimû gûkîra mûndû ûrîa wîtucaga atî ke nî mûûgî.

Nthi 26:12 Referencias Cruzadas

Nthi 12:15

Vîndî cionthe andû arîa aritu meciragia mareka ûrîa kwagîrîrîte, nwatî andû arîa aûgî nîmathikagîrîria ûtaaro.

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Nthi 26:16

Mûndû kîgûûta eciragia atî ke nî mûûgî gûkîra andû eengî arîa macokagia maûndû na ûmenyo.

Nthi 26:5

Cokeria kîrimû kûringana na ûrimû wa kîo, nîguo gîtikeyone kîrî kîûgî.

Nthi 28:11

Gîtonga gîciragia atî kîo nî kîûgî, nwatî mûthîni ûrî na ûtaûku nîamenyaga atî gîtonga tî kîûgî.

Nthi 28:26

Mûndû ûrîa wîvokaga meciria make ke mwene nî mûritu, nwatî ûrîa ûrûmagîrîra ûûgî nîavonokaga thînarî.

Nthi 29:20

Kûrî kîîrîgîrîro kûrî kîrimû gûkîra mûndû ûrîa wîciragia nî mûûgî na tî mûûgî.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Isaia 5:21

Andû arîa meyonaga marî aûgî kaî marî na thîna-î, arîa meyonaga marî na wara mwîngî.

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Luka 18:11

“Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

Luka 7:44

Nake Jesû nîwacokerie Simoni atîrî, “We nîwaria ma.” Nîwacokire akîvûgûkîra mûndûmûka ûcio na akîîra Simoni atîrî, “Simoni nî ûrona mûndûmûka ûyû? Nie mbûkire na natonya gûkû gwaku nyomba, na ndûnamva manjî ma kwîthambia magûrû. Nwatî ke aconja magûrû makwa na methori make na acoka angiria methori mau na njuîrî ciake.

Johana 9:41

Nake Jesû nîwamacokerie atîrî, “Mûngîrî atumumu mûtingîrî na ûcuke, nwatî nîûndû mugaga nîmûvotaga kwona, ûguo nî kuga atî mûrî na ûcuke.”

Aroma 12:16

Tûûrani mwîgucanîte mûndû na mûndû ûrîa wîngî. Mûtigetîîe, nwatî tumagani ûrata na andû arîa monekaga matarî îgweta. Tigagani kwîyona ta mûrî aûgî.

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.