Nthi 14:27 - ÎVUKU RÎA ÛVORO MWARO

²⁷ Gwîtigîra Ngai-Mûnene nîta kîthima Kîam mwoyo, na nî gîtûmaga mûndû aûrîre mîtego ya gîkuû.

Nthi 14:27 Referencias Cruzadas

Thaburi 18:5

Noovanîtue nî mînyororo ya gîkuû, na ngaigîrwa mîtego ya gîkuû.

Nthi 10:27

Wathîkîra Ngai-Mûnene nîûgûtûûra îvinda îraca, nwatî mûndû mwaganu akucaga atakinyîtie.

Nthi 13:14

Kîrîra Kîam mûndû mûûgî nîta kîthima Kîam mwoyo, nî gîtûmaga mûndû aûrîre mîtego ya gîkuû.

Nthi 14:26

Mûndû ûrîa wîtigîrîte Ngai-Mûnene ndetigagîra, nacio ciana ciake nîikaagîa na kûndû gwa kûûrîra.

Nthi 14:28

Riiri wa mûthamaki wonanagua nî wîngî wa andû arîa athaga, nwatî atarî nao ûthamaki wake nîkwa ûthiraga.

Nthi 19:23

Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

Nthi 22:5

Njîra ya arîa aremi îrî mîgua na mîtego, mûndû ûrîa wîmenyagîrîra nîamîîthemaga.

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.