Nthi 14:28 - ÎVUKU RÎA ÛVORO MWARO

²⁸ Riiri wa mûthamaki wonanagua nî wîngî wa andû arîa athaga, nwatî atarî nao ûthamaki wake nîkwa ûthiraga.

Nthi 14:28 Referencias Cruzadas

2Sam 19:7

Rîu thiî ûmîrîrie andû aku. Nîûndû nînîvîta na rîîtwa rîa Ngai-Mûnene, atî ethîrwa tîûthiî, gûtirî wanarî ûmwe wao ûkethîrwa arî mwena waku rûyû kîraûko. Ûcio nîguo ûkethîrwa ûrî ûndû mûcûku makîria ya marîa monthe wanona kuuma ûninirî waku nginya ûmûnthî.”

2Sam 24:3

Nwatî Joabu nîwerire mûthamaki atîrî, “Mwathi wakwa, Ngai-Mûnene, Ngai waku arongerera andû a Isiraeli maita îgana makîria ya ûguo megana rîu, nawe ûrotûûratûûra nîguo ûkoona Ngai-Mûnene akîvingia ûndû ûcio. Nwatî mwathi wakwa mûthamaki ûrenda gûtara andû nîkî?”

1Atha 20:27

Andû a Isiraeli nîmaaûnganirue na makîvewa indo cia mbaara na makîthiî kûrûa na Asîria. Aisiraeli moonekaga ta tûkundi twîrî tûnini twa mbûri, nwatî Asîria maanyaganîte vûrûrirî wonthe.

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

Ntha 1:12

Nwatî wa ûrîa andû a Isiraeli maathiîcaga na mbere kûvinyîrîrua nî andû a Misiri, nwaguo andû a Isiraeli moongererekaga makîria na makîthiî na mbere gwîcûra vûrûrirî ûcio. Nao andû a Misiri nîmeetigîre andû a Isiraeli,

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Nthi 14:27

Gwîtigîra Ngai-Mûnene nîta kîthima Kîam mwoyo, na nî gîtûmaga mûndû aûrîre mîtego ya gîkuû.

Nthi 14:29

Mûndû ûrîa ûtarakaraga na îvenya arî ûtaûku mwîngî, nwatî mûndû ûrakaraga na îvenya onanagia ûrîa arî mûritu.

Jeremia 13:20

Jerusalemu taroria wone andû arîa maumîte mwena wa rûgûrû, irîkû ndîthia îrîa waveerwe ûrîthagie, ndîthia îrîa wetîaga nayo îrî kû?